D07AC13 Мометазон (Mometasone)

Қолдану көрсеткіштері

Ересектерде және 2 жастан асқан балаларда кортикостероидтармен емдеуге болатын дерматоздар кезіндегі қабыну құбылыстары мен қышыну, сонымен қатар атопиялық дерматит және псориаз (кең таралған түйіндақты псориаздан басқа).
    Клинические протоколы:
  1. Алопеция
  2. Атопический дерматит
  3. Атопический дерматит у детей
  4. Болезнь Дюринга. Дерматит герпетиформный
  5. Контактный аллергический дерматит
  6. Псориаз
  7. Пузырчатка
  8. Розовый лишай Жибера
  9. Токсикодермия
  10. Ювенильная локальная склеродермия
  11. Врожденный буллезный эпидермолиз
  12. Врожденный ихтиоз
  13. Хроническая хромовая интоксикация

Қарсы көрсеткіштері

Препараттың қандай да бір компоненттеріне немесе басқа кортикостероидтарға жоғары сезімталдық, розацеа, акне вульгарис, тері атрофиясы, периоральді дерматит, перианальді және генитальді қышыну, жаялықты бөртпе, бактериялық (импетиго, пиодермит), вирустық (қарапайым ұшық, белдемелік ұшық және желшешек, қарапайым сүйелдер, жедел кондиломалар, контагиозды моллюск), паразитарлы және зеңдік (кандида немесе дерматофит) инфекциялар, туберкулез, мерез немесе поствакциналық реакциялар.

Қауіпсіздік шаралары

Сыртқа қолдануға арналған мометазон 0,1% жақпамайы офтальмологияда қолдануға арналмаған. Препараттың көзге түсуін болдырмау керек. Жергілікті қолданған кезде препараттың жүйелі абсорбциясы нәтижесінде гипоталамо-гипофизарлы-бүйрек үсті жүйесі қызметінің, сондай-ақ препаратты тоқтатқаннан кейін глюкокортикостероидтық жеткіліксіздіктің қайтымды бәсеңдеуі туындауы мүмкін. Сонымен бірге Кушинг синдромы, гипергликемия және глюкозурия дамуы мүмкін.Маңызды! Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дәрілік заттармен өзара әрекеттесуі

Тиісті антиденелер пайда болу түріндегі жеткілікті иммунологиялық жауаптың болмау мүмкіндігін ескере отырып, әсіресе терінің кең беткейіне созылмалы қолдану кезінде, желшешекке қарсы вакцинация және басқа да иммунизация түрлерін жүргізбеу. Препарат иммуносупрессиялық дәрілік заттардың әсерін күшейтуі және иммунитетті ынталандыратын заттардың әсерін әлсіретуі мүмкін.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Жүктілік

Ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін.

Емізу

Ана үшін күтілетін пайда бала үшін ықтимал қауіптен жоғары болған жағдайда қолданылуы мүмкін.

Жағымсыз әсерлері

Өте сирек: фолликулит, күйдіру және қышыну түріндегі жергілікті реакциялар.Жиілігі белгісіз: бактериялық инфекциялар, фурункулез, парестезия, жанаспалы дерматит, тері гипопигментациясы, гипертрихоз, тері стриялары, безеу тәрізді бөртпелер, тері атрофиясы, препаратты қолдану аумағындағы ауырсыну және жергілікті реакциялар. Топикалық дерматологиялық кортикостероидтарды қолдану салдарынан жергілікті жағымсыз реакциялардың туындауы туралы деректер бар, мысалы: терінің құрғауы және тітіркенуі, дерматит, периоральді дерматит, тері мацерациясы, терлеу және телеангиоэктазия.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

2 жастан асқан балалар. Сыртқа, мометазон фуроаты жақпамайының жұқа қабатын терінің зақымданған бөлігіне тәулігіне 1 рет жағу. Емдеу ұзақтығы аурудың ауырлығымен, ағымымен жекелей анықталады. Ұсынылған емдеу ұзақтығы 5 күнді құрайды. Бет терісіне қолданбау. Кремді окклюзионды таңғыш астына қолдануға болмайды. 2 жасқа дейінгі балаларда тиімділігі мен қауіпсіздігі туралы деректер жеткіліксіздігіне байланысты қарсы көрсетілген.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.