B05XA01 Калий хлориді¹ (Potassium chloride)
Қолдану көрсеткіштері
Шығу тегі әртүрлі гипокалиемия, оның ішінде гипокалиемияға байланысты аритмия.Клиникалық хаттама: 1. Бүйрек үсті бездерінің жеткіліксіздігі 2. Балалар және ересектердегі менингит 3. Ересектердегі эхинококкоз (құрсақ қуысы ағзаларының эхинококкозы) 4. Балалардағы эхинококкоз (балалардағы бауыр/өкпе эхинококкозы) 5. Бауыр альвеококкозы 6. Қызамық 7. Балалардың эпидемиялық паротиті 8. Балалардағы апластикалық анемия 9. Ересектердегі аутоиммунды гемолитикалық анемия 10. Ауыр бассүйек-ми жарақаты 11. Ересектердегі иммундық тромбоцитопения 12. VIII немесе IX факторлардың тұқым қуалайтын тапшылығы (Гемофилия) 13. Ересектердегі пароксизмальді түнгі гемоглобинурия 14. Балалардағы ақуыз-энергетикалық жеткіліксіздік 15. Морбидтік семіздік. Метаболиттік синдром 16. Гидроцефалия (вентрикуло-перитонеальді шунттау) 17. Миастения 18. Бассүйек түбі ісіктері (хирургиялық емдеу) 19. Балалардағы уытты энцефалопатия 20. Балалар және ересектердегі энцефалит 21. ST сегментінің көтерілуімен миокард инфарктісі 22. Миокардиттер 23. Жарақаттық шок 24. Перипорталдық кардиомиопатия 25. Балалардағы жүректің созылмалы ревматикалық аурулары 26. Жұлындық тұрақсыздықпен омыртқаның бел бөлігінің дегенеративті аурулары (оперативті емдеу) 27. Бауыр абсцессі 28. Балалардағы өңеш ахалазиясы 29. Балалардағы вирустық ішек инфекциялары 30. Гастродуоденальді стеноз 31. Балалардағы гастроэзофагеальді рефлюкс ауруы 32. Өңеш дивертикулиті 33. Ішектік жыланкөз 34. Механикалық сары ауру 35. Жедел ішек бітелісі 36. Жедел мезентериальді ишемия 37. Іштің тұйық жарақаты, іштің ашық зақымдануы 38. Балалардағы жедел аппендицит 39. Перитонит 40. Асқазан және он екі елі ішектің перфоративті ойық жарасы 41. Ересектердегі холангит 42. Балалардағы целиакия 43. Бүйрегі ауыстырылған балаларды жүргізу 44. Бүйректік трансплантатты қабылдамау кризі 45. Етеккір циклының бұзылуы 46. Бүйрек түтікшелерінің дисфункциясы нәтижесінде дамитын бұзылулар (педиатрия) 47. Эндометрияның гиперпластикалық процесстері 48. Балалардағы бүйректік трансплантаттың жедел қабылдамауы 49. Созылмалы трансплантациялық нефропатия 50. Жаңадан туылған нәрестелердің бактериялық сепсисі 51. Жаңадан туылған нәрестенің некроздық энтероколиті 52. Жаңадан туылған нәрестені парентеральді қоректендіру 53. Шала туылған балалар реанимациясы 54. Респираторлық дистресс-синдромы (неонатология) 55. Тұрақты фетальді қан айналымы / Жаңадан туылған нәрестенің персистерленетін өкпе гипертензиясы 56. Жаралы-некроздық энтероколит (педиатрия) 57. Балалардағы Гиршпрунг ауруы 58. Жаңа туған нәрестедегі туа біткен жоғары ішек тарылуы 59. Туа біткен төмен ішектік бітеліс 60. Жұлынның туа біткен жарығы 61. Балалардағы диафрагмалық жарық 62. Краниосиностоз 63. Хиазмальді-селлярлы аймақ және бассүйек негізінің ісіктері (трансназальді транссфеноидальді жолды қолдану арқылы емдеумен оперативті емдеу) 64. Жаңа туған нәрестенің диафрагмасы дамуындағы ақаулар 65. Жүктілікпен байланысты бауыр аурулары 66. Сепсис 67. Жүкті әйелдер токсикозы 68. Кардиогенді шок 69. Абдоминальді жарақат 70. Анафилаксиялық шок 71. Көкіректің ашық жəне жабық жарақаттары Жүрек жарақаты, пневмоторакс, гемоторакс 72. Өңештегі бөгде дене 73. 30%-дан астам II – IIIA-Б - IV дәрежедегі, дене беткейінің 10%-нан астам терең күйіктер 74. 30%-ға дейінгі II – IIIA-Б - IV дәрежедегі, дене беткейінің 10%-на дейінгі терең күйіктер (ересектер) 75. 20%-дан астам ІІ - ІІІА дәрежедегі күйіктер (ересектер) 76. 20%-ға дейінгі беткейлік күйіктер (ересектер) 77. Балалардағы күйіктер 78. Балалардағы үсу 79. Ересектердегі үсу 80. Балаларда денесінің бірнеше бөліктерін қамтитын сынулар 81. Балалардағы қосарлас жарақат 82. Тері абсцессі, басқа локализациядағы фурункул және карбункул 83. Өңештің варикоздық кеңейтілген көктамырларынан қан кету 84. Жіті холецистит 85. Эбола вирусынан туындаған ауру 86. Қалқанша безінің қатерлі ісіктері 87. Ұйқы безінің обыры 88. Тік ішектің қатерлі ісіктері 89. Тоқ ішектің қатерлі ісіктері 90. Бруцеллез 91. Бүйрек синдромы бар геморрагиялық қызба 92. Гипоксиялық-ишемиялық энцефалопатия
Қарсы көрсеткіштері
Препарат компоненттеріне асқын сезімталдық, кез келген этиологиядағы гиперкалиемия немесе гиперхлоремия, толық атриовентрикулярлық немесе қарыншаішілік блокада, қарыншалар фибрилляциясы, Аддисон ауруы, адреногенитальді синдроммен астасқан гиперадренализм, тіндердің қарқынды ыдырауы (оның ішінде ауыр күйіктерде), жедел дегидратация, жылудан болатын құрысулар, калий енгізуге жоғары сезімталдығы бар жай-күйлер (оның ішінде тұқым қуалайтын эпизодты адинамия немесе туа біткен парамиотония), калий тұздары немесе калий жинақтаушы диуретиктермен қатар жүретін ем.
Қауіпсіздік шаралары
І-ІІ деңгейлі атриовентрикулярлы блокада, жүрек жеткіліксіздігі; орақ тәрізді жасушалық анемия; калий экскрециясы бұзылуымен қатар жүретін аурулар мен жай-күйлер, оның ішінде созылмалы бүйрек жеткіліксіздігі, бүйрек үсті безінің жеткіліксіздігі, жүрек гликозидтерін, альдостерон антагонистерін, ААФ тежегіштерін, такролимус, циклоспорин, әсері ұзақ гепарин, суксаметоний немесе потенциалды нефроуытты дәрілік препараттар (қабынуға қарсы стероидты емес препараттар, шеткері әсері бар анальгетиктер) қабылдайтын пациенттерде.
Дәрілік заттармен өзара әрекеттесуі
Калий жинақтаушы диуретиктермен (оның ішінде триамтерен, спиронолактон, амилорид) - бір мезгілде енгізу калий иондарының бүйрек экскрециясын төмендету есебінен ауыр гиперкалиемияға әкеледі; ААФ тежегіштері - гиперкалиемия даму қаупі;Бета-адреноблокаторлар калийдің жүктеме дозасы көктамыр ішіне шұғыл енгізілген пациенттерде қан сарысуында калийдің ең жоғары концентрациясын, сонымен қатар оның бастапқы деңгейге оралуына қажетті уақытын арттырған; қабынуға қарсы стероидты емес препараттар - бүйректе простагландиндер синтезі тежелуінен кейін екінші қайталанған гиперальдостеронизм салдарынан гиперкалиемия даму қаупі;Гепарин альдостерон синтезін төмендетеді, бұл әсіресе бүйрек жеткіліксіздігі болғанда немесе организмнен калийдің шығарылуын нашарлататын басқа да жағдайларда гиперкалиемия дамуына әкелуі мүмкін;Инсулинмен, натрий гидрокарбонатымен бір мезгілде қолдану қан сарысуында калий мөлшерін төмендетеді;Алискирен, ангиотензин II рецепторларының антагонистері, циклоспорин, такролимуспен бір мезгілде қолданғанда калий кумуляциясына әкелуі мүмкін;Құрамында келесілер бар ерітінділермен фармацевтикалық үйлесімсіз: амикацин сульфаты, амфотерицин В, натрий амоксициллині, бензилпенициллин, диазепам, добутамин гидрохлориді, эрготамин тартраты, цисплантин және маннитолмен этопозид, метилпреднизолон натрий сукцинаты, натрий фенитоин, прометазин гидрохлориді, натрий нитропруссиді, стрептомицин сульфаты, маннитол, құрамында соя майы мен лецитин бар стерильді май эмульсиясымен (аталған тізім осымен шектелмейді).Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.
Бүйрек жеткіліксіздігі
Бүйрек жеткіліксіздігі кезінде мұқият мониторинг қажет - гиперкалиемияның жоғары қаупі.
Жүктілік
Ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін.
Емізу
Сақтықпен қолдану, мүмкіндігінше ішке қабылдауға арналған түрін тағайындау.
Жағымсыз әсерлері
Жүрек айну, құсу, диарея, метеоризм, абдоминальді аурулар, АІЖ шырышты қабығынан, асқазан-ішектен қан кету, ішектердің тарылуы және тесілуі, парестезия, бұлшықеттің әлсіреуі, естің шатасуы, артериялық қысымның төмендеуі, аритмия, AV блокадасына дейін атриовентрикулярлы жүргізілудің бәсеңдеуі, жүректің тоқтап қалуы (артық дозаланудан), гиперкалиемия, аллергиялық реакциялар.Маңызды! Мұнда жағымсыз реакциялардың қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.
Балаларда қолданылуы
Тиімділігі мен қауіпсіздігі анықталмаған, 18 жасқа дейінгі балаларға қарсы көрсетілген.