B02AB01 Апротинин (Аprotinin)

Қолдану көрсеткіштері

Оқшауланған аортокоронарлық шунттау (яғни, жүрек-қантамыр жүйесіне басқа араласулармен қатар жүрмейтін, коронарлық артерияларды шунттау) жасау кезінде ауқымды қан жоғалтулар қаупі жоғары ересек пациенттерде операция үстінде қан жоғалту және гемотрансфузия көлемінің азаюының профилактикасы үшін

Клинические протоколы:

Қарсы көрсеткіштері

Препараттың әсер етуші затына немесе қосымша заттарының кез келгеніне аса жоғары сезімталдық
- балалар мен 18 жасқа дейінгі жасөспірімдерге;
- апротининге спецификалық IgG антиденелері бар пациенттерде (апротининмен емдеу кезінде анафилаксияның жоғарылау қаупі байқалады);
- егер емдеуді бастар алдында апротининге қарсы спецификалық IgG антиденелерге тест жүргізу мүмкін болмаса, бірақ, пациенттің осының алдындағы 12 ай ішінде апротининмен немесе «фибриндік герметиктермен» ем қабылдағанына болжам жасалса;

Қауіпсіздік шаралары

Апротининді жүрек-қантамыр жүйесіне жасалатын басқа операциялармен біріктірілген аортокоронарлық шунттау (АКШ) кезінде қолданбаған дұрыс, өйткені, жүрек-қантамыр жүйесіне жасалатын басқа операциялар кезінде апротинин қолданудың «пайда/қауіп» арақатынасы анықталмады.

Дәрілік заттармен өзара әрекеттесуі

Апротинин тромболитикалық препараттардың, оның ішінде стрептокиназа, урокиназа және альтеплазаның (р-ПТА = плазминогеннің рекомбинантты тіндік активаторы) әсерін тежейді және тежеу әсері препарат дозасына тәуелді.
Апротинин қолдану, әсіресе, бүйрек функциясының бұзылуы бұрыннан бар пациенттерде бүйрек функциясының бұзылуына алып келуі мүмкін. Аминогликозидтер қолдану да бүйрек функциясы бұзылуының даму қаупін арттырады.

Бүйрек жеткіліксіздігі

Дозасын түзету қажет емес.

Бауыр жеткіліксіздігі

Бауыр функциясының бұзылуы бар пациенттерге ұсынылатын дозалары туралы ақпарат жоқ.

Жүктілік

Апротининді, ықтимал пайдасы күтілетін қаупінен асып түсетін жағдайларда болмаса, жүктілік кезінде пайдалануға болмайды.

Емізу

Емізу кезіндегі препарат тиімділігі мен қауіпсіздігі анықталмаған.

Жағымсыз әсерлері

Жекелеген ағзалар жүйелерін қамтитын аллергиялық немесе анафилаксиялық реакциялар келесі түрлерімен көрініс береді:
- жүрек-қантамыр жүйесі: гипотензия;
- ас қорыту жүйесі: жүрек айну;
- тыныс алу жүйесі: демікпе (бронх түйілуі);
- тері және оның қойнаулары: ангионевроздық ісіну, қышыну, есекжем, бөртпе;
Егер аллергиялық реакция инъекция немесе инфузия кезінде дамыса, онда препарат енгізуді дереу тоқтату қажет. Шұғыл көмек көрсетудің стандартты шараларын пайдалану, оның ішінде, адреналин енгізу, көлемінің орнын толтыру және кортикостероидтарды енгізу керек.
Жалпы алғанда, жағымсыз реакциялар апротинин қабылдаған пациенттердің 11%-да дамыды. Ең көп ауыр жағымсыз реакция миокард инфарктісі болып табылады. Жағымсыз реакциялар хирургиялық жағдай аясында бағалануы тиіс.

Көрсеткіштері, қолдану тәсілі мен дозалары

Енгізуді бастар алдында пациенттердің бәрінде апротининге спецификалық IgG антиденелер тестісін жүргізу қажет.
Сынама дозасы
Аллергиялық (анафилаксиялық) реакцияның даму қаупіне байланысты, пациенттердің барлығына бастапқы дозасын енгізуге дейін кемінде 10 минут бұрын апротининнің 10000 КТБ (калликреин тежейтін бірлік) құрайтын (1 мл) сынама дозасын енгізу керек. Егер 1 мл сынама дозасы аллергиялық реакция туғызбаса, онда емдік дозасын енгізуге болады.
H1 және H2 рецепторларының антагонистерін апротининмен тест өткізуге дейін 15 минут бұрын енгізуге болады. Кейбір жағдайларда туындайтын анафилаксиялық және аллергиялық реакциялар кезінде стандартты шұғыл көмек көрсетуге арналған дәрілер мен жабдықтар дайын тұруы тиіс.
Ашық жүрекке жасалатын операциялар кезінде (жасанды қан айналдыру аппаратымен) қан жоғалтуды және гемотрансфузия қажеттілігін төмендету үшін
Наркозға енгізуден кейін (бірақ стернотомия жүргізуге дейін) 1-ден 2 миллион КТБ дейінгі жүктемелік дозасын 20-30 минут ішінде венаішілік баяу инъекция немесе инфузия жолымен енгізу ұсынылады. Келесі 1-2 миллион КТБ жасанды қан айналдыру аппаратын қосудан кейін енгізу керек. Апротинин мен сорғыны бастапқы толтыруға арналған ерітіндіге қосылатын гепариннің физикалық тұрғыдан үйлесімсіздігін болдырмау мақсатында, екі препараттың бір-бірімен араласуына дейін жеткілікті сұйылтылуын қамтамасыз ету үшін сорғыны бастапқы толтыруға арналған ерітіндіге препараттардың әрқайсысын кері айналым үдерісінде қосу керек. Жоғары дозадағы бастапқы болюстік инфузиядан кейін операция аяқталғанша үздіксіз инфузия жолымен сағатына 250000-нан 500000 КТБ дейін енгізу керек.
Жалпы алғанда, емдеу циклы бойына енгізілген апротининнің жалпы мөлшері 7 миллион КТБ аспауы тиіс, бұл инъекцияға арналған ерітінді құрамында бензил спиртінің болуымен байланысты («Арнайы сақтандырулар» бөлімін қараңыз).

Балаларда қолданылуы

Қолдануға болмайды. 18 жасқа дейінгі балаларда қолданудың қауіпсіздігі мен тиімділігі анықталмаған.