L04AA29 Тофацитиниб (Tofacitinib)

белсенді затқа немесе препараттың қосымша заттарының кез келгеніне аса жоғары сезімталдық, белсенді туберкулез (БТ), сепсис сияқты ауыр инфекциялар немесе оппортунистік инфекциялар, бауыр функциясының ауыр бұзылуы, жүктілік және лактация кезеңі, тұқым қуалайтын галактоза жақпаушылығы, Лапп лактаза тапшылығы немесе глюкоза мен галактоза мальабсорбция синдромы

Тофацитиниб қабылдаған пациенттерде кейбір жағдайларда өліммен аяқталған өкпе артериясының тромбоэмболиясын (ӨАТЭ), сондай-ақ терең веналардың тромбозын (ТВТ) қоса алғанда, ВТЭ елеулі құбылыстары байқалды. Тофацитинибті қолдану мен дозалануына қарамастан, ВТЭ қауіп-қатерінің белгілі факторлары бар пациенттерде сақтықпен қолдану керек. Тофацитиниб препаратын қабылдаған пациенттерде бактериялық, микобактериялық, инвазиялық зеңдер, вирустық немесе басқа шартты-патогенді микроорганизмдер туындатқан күрделі және кейде өліммен аяқталған инфекциялар туралы хабарланды. Глюкокортикостероидтарды қабылдайтын ревматоидтық артритке шалдыққан пациенттер инфекцияларға бейім болуы мүмкін. Жергілікті инфекцияларды қоса, белсенді инфекциялары бар пациенттерде препаратты қолдануды бастамау керек. Тофацитиниб препаратын тағайындар алдында оны мына пациенттерде қолданудың қаупі мен пайдасын саралаған жөн: қайталанған инфекциясы бар; анамнезінде күрделі немесе оппортунистік инфекциясы бар; зеңдік инфекциялар бойынша эндемиялық аймақтарда тұратын немесе саяхаттайтындар; инфекцияның дамуына бейім болуы мүмкін қатарлас патологиялық жай-күйлері бар; 65 жастан асқан.

Препаратпен емді бастағанға дейін және ем кезінде пациенттің жай-күйіне баға беру және қолданылатын нұсқауларға сәйкес жасырын немесе белсенді инфекцияға тексеру жүргізу керек.

Вирустық инфекциялардың, герпес вирусының (мысалы, белдемелі герпестің) реактивация жағдайларын қоса, реактивация жағдайлары байқалды.

Препараттың организмнің қатерлі жаңа түзілімдерге қарсы қорғаныш күштеріне әсер ету мүмкіндігі бар. Препаратпен ем қабылдаған пациенттерде лимфома жағдайлары тіркелген.

Препаратпен ем қабылдаған пациенттерде ТМЕО жағдайлары тіркелген. Тері обырының даму қаупі жоғары пациенттерде теріні мезгіл-мезгіл тексеріп отыру ұсынылады.

Сондай-ақ, өкпенің созылмалы ауруына шалдыққан пациенттерде сақтық таныту ұсынылады, себебі олар инфекцияларға анағұрлым бейім болуы мүмкін.

Препарат асқазан-ішек жолының тесілу қаупі жоғары пациенттерде (мысалы, анамнезінде дивертикулиті бар пациенттерде, кортикостероидтармен және (немесе) қабынуға қарсы стероидты емес дәрілермен қатарлас ем алатын пациенттерде) сақтықпен қолдану керек.

Препаратпен емдеу кезінде кейбір пациенттерде бауыр ферменттері деңгейінің жоғарылау жиілігінің артуы байқалды.

Тофацитиниб препаратының әсері CYP3A4 күшті тежегіштерімен (мысалы, кетоконазолмен) бір мезгілде қолданғанда немесе CYP3A4 қалыпты тежелуін, сондай-ақ CYP2C19 күшті тежелуін (мысалы, флуконазолмен) туындататын бір немесе бірнеше препараттармен бір мезгілде қолданғанда артады.

Тофацитиниб препаратының әсері оны күшті CYP индукторларымен (мысалы, рифампицинмен) бір мезгілде қолданғанда азаяды. Тек CYP2C19 немесе P-гликопротеин тежегіштері Тофацитиниб препаратының фармакокинетикасын айтарлықтай өзгертуі екіталай.

Тофацитиниб препаратын кетоконазолмен (CYP3A4 күшті тежегіші), флуконазолмен (CYP3A4 орташа тежегіші және CYP2C19 күшті тежегіші), такролимуспен (CYP3A4 әлсіз тежегіші) және циклоспоринмен (CYP3A4 орташа тежегіші) бір мезгілде қолдану Тофацитиниб препаратының ҚАА (қисық астындағы аудан) мәнінің жоғарылауына әкелді. Тофацитиниб препаратын CYP күшті индукторларымен (мысалы, рифампицинмен) бір мезгілде қолдану емдеуге клиникалық жауаптың жоғалуына немесе төмендеуіне әкелуі мүмкін.

Құрамында левоноргестрел және этинилэстрадиол бар пероральді контрацептивтермен бірге қолданған кезде Тофацитиниб фармакокинетикасын өзгертпеді.

Орташа және ауыр дәрежелі бүйрек функциясының бұзылуы бар пациенттерде доза коррекциясын қажет етеді

Бауыр функциясының бұзылуының ауыр дәрежесінде қолдану қарсы көрсетілген

Жүктілік кезеңінде қолдану қарсы көрсетілген

Емізу кезеңінде қолдану қарсы көрсетілген

іштің ауыруы, құсу, диарея, жүрек айну, гастрит, диспепсия, бөртпе, шеткергі ісіну артралгия, бас ауыруы, артериялық гипертензия, жөтел, пневмония, тұмау, белдемелі герпес, несеп шығару жолдарының инфекциясы, синусит, бронхит, назофарингит, фарингит, туберкулез ,дивертикулит, пиелонефрит, панникулит, қарапайым герпес, вирустық гастроэнтерит, вирустық инфекция, анемия, лейкопения, лимфопения, нейтропения, қандағы креатин фосфокиназа деңгейінің жоғарылауы. Сирек: эритема, қышу, қаңқа-бұлшықет ауыруы, буындардың ісінуі,тендинит, пирексия, аса шаршағыштық майлы гепатоз, бауыр ферменттері деңгейінің жоғарылауы, трансаминазалар деңгейінің жоғарылауы, бауыр функциясының биохимиялық көрсеткіштерінің қалыптан ауытқуы, гамма-глутамилтрансфераза деңгейінің жоғарылауы, ентігу, мұрынның қосалқы қойнауларының бітелуі сепсис, уросепсис, диссеминацияланған туберкулез, некроздық фасциит, бактериемия, стафилококктық бактериемия, Pneumocystis jirovecii туындатқан пневмония, пневмококктық пневмония, бактериялық пневмония, энцефалит, атипиялы микобактериялық инфекция, цитомегаловирустық инфекция, бактериялық артрит, орталық жүйке жүйесінің туберкулезі, криптококктық менингит, Mycobacterium avium кешені туындатқан инфекция, өкпе обыры, терінің меланомалы емес обыры, лимфома, дислипидемия, гиперлипидемия, сусыздану, ұйқысыздық, парестезия, миокард инфарктісі, веналық тромбоэмболия, аса жоғары сезімталдық реакциясы, ангионевроздық ісіну, есекжем, пирексия, аса шаршағыштық, қандағы креатинин деңгейінің жоғарылауы, қандағы холестерин деңгейінің жоғарылауы, тығыздығы төмен липопротеидтер деңгейінің жоғарылауы, дене салмағының жоғарылауы, байламдардың созылуы, бұлшықеттің созылуы

Үлбірлі қабықпен қапталған таблеткалар, 5 мг; Ұсынылатын дозасы тәулігіне екі рет 5 мг құрайды. МТТ-мен біріктірілімде қолданғанда препараттың дозасын түзету талап етілмейді.