J01DD52 Цефтазидим және ингибитор бета-лактамазы (Ceftazidime and beta-lactamase inhibitor )

әсер етуші заттарға немесе қосымша заттардың кез келгеніне аса жоғары сезімталдық, цефалоспориндер класындағы басқа антибиотиктерге аса жоғары сезімталдық, кез келген басқа бета-лактамдық антибиотиктерге (мысалы, пенициллиндерге, монобактамдарға немесе карбапенемдерге) айқын аса жоғары сезімталдық (мысалы, анафилаксиялық реакциялар, терінің ауыр реакциялары)

Цефтазидим және авибактамды пайдаланған кезде Clostridioides difficile-астасқан диарея жағдайлары тіркелген, оның ауырлық дәрежесі әртүрлі болуы мүмкін. Препаратты қабылдау кезінде немесе қабылдағаннан кейін диарея дамыған пациенттерде осы диагнозды ескеру керек.

Цефалоспориндердің және нефроуытты дәрілік заттардың жоғары дозаларымен, мысалы, аминогликозидтермен немесе күшті диуретиктермен (мысалы, фуросемидпен) біріктіріп емдеу бүйрек функциясына теріс ықпал етуі мүмкін.

Цефтазидим көптеген грамоң микроорганизмдерге және анаэробтарға қатысты мүлде немесе мүлде дерлік белсенді. Инфекция осы патогендерден туындағаны белгілі болса немесе күдік тудырса, бактерияға қарсы қосымша дәрілерді пайдалану керек.

Авибактамның тежеу спектрі цефтазидим әсерінің белсенділігін жоятын көптеген ферменттерді, соның ішінде Амблер жіктемесі бойынша А және C класындағы β-лактамазаларды қамтиды. Авибактам B класындағы ферменттерді (металло-бета-лактамазалар) тежемейді және D класындағы көптеген ферменттерді тежеуге қабілетсіз.

Ұзақ уақыт пайдалану нәтижесінде сезімтал емес микроорганизмдердің (мысалы, стрептококктардың, зеңдердің) шамадан тыс өсуі мүмкін, бұл емдеуді уақытша тоқтатуды немесе басқа да тиісті шараларды қабылдауды қажет етуі мүмкін.

Цефтазидим гликозурияны анықтауға арналған, мысты қалпына келтіру әдістерімен (Бенедикт, Фелинг бойынша, Clinitest) жүргізілетін талдаулардың нәтижелеріне әсер етіп, жалған оң нәтижелерге әкелуі мүмкін. Цефтазидим ферменттерге негізделген гликозурияға талдау нәтижелерін өзгертпейді.

Инфекция анаэробтық патогендерден туындағаны белгілі болса немесе жорамалданса, метронидазолмен біріктіріп қолдану керек. Препаратты 14 күннен астам уақыт бойы қолдану тәжірибесі өте шектеулі.

3 айдан 12 айға дейінгі жастағы бала пациенттерде артық дозаланудың әлеуетті қаупі бар,. Енгізуге арналған доза көлемін есептеген кезде сақтық таныту керек.

Авибактам OAT1 жән OAT3 тасымалдаушы ақуыздарының субстраты болып табылады, бұл авибактамның қан компартментінен белсенді қармалуына жағдай жасауы, демек, организмнен шығарылуына ықпал етуі мүмкін. Пробенецид (OAT күшті тежегіші) бұл қармалуды 56–70 % тежейді, демек, авибактамның организмнен шығарылуын өзгерту әлеуеті бар. Пробенецид пен авибактамды бірге қабылдау ұсынылмайды.

Авибактам P450 цитохромы ферменттерін елеулі түрде тежеуін көрсеткен жоқ. Авибактам және цефтазидим клиникалық маңызды концентрацияларда P450 цитохромы индукциясын көрсеткен жоқ. Авибактам және цефтазидим клиникалық маңызы бар экспозиция ауқымында бүйректік және бауырлық қармаудың негізгі тасымалдаушыларын тежемейді, сондықтан бұл механизмдердің өзара әрекеттесу әлеуеті төмен деп саналады.

Клиникалық деректердің негізінде авибактам мен цефтазидимнің, сондай-ақ авибактам/цефтазидим мен метронидазолдың арасында өзара әрекеттесудің жоқ екені көрсетілген.

Цефалоспориндердің және нефроуытты дәрілік заттардың жоғары дозаларымен, мысалы, аминогликозидтермен немесе күшті диуретиктермен (мысалы, фуросемидпен) біріктіріп емдеу бүйрек функциясына теріс ықпал етуі мүмкін.

Жеңіл дәрежелі бүйрек функциясының бұзылуы бар пациенттерде доза коррекциясын қажет етпейді

Доза коррекциясын қажет етпейді

Қолдануға тек ана үшін пайда ұрыққа төнетін ықтимал қауіптен басым жағдайда ғана жол беріледі

Емізудің бала үшін пайдасын және емнің әйел үшін пайдасын ескере отырып, емізуді тоқтату немесе тигециклинмен емді тоқтатата тұру туралы шешім қабылдау қажет

күрделі аллергиялық реакциялар — белгілері еріннің, беттің, тамақтың немесе тілдің кенеттен ісінуін, ауырлық дәрежесі ауыр бөртпені немесе басқа да терінің ауыр реакцияларын, жұтынудың немесе тыныс алудың қиындауын қамтиды; Нашарлайтын немесе басылмайтын диарея, немесе қан мен шырыш бар нәжіс — бұл препаратпен емдеу кезінде немесе емдеуді тоқтатқаннан кейін болуы мүмкін. Тікелей антиглобулиндік тест (ТАГТ немесе Кумбс сынамасы) нәтижелеріндегі ауытқулар (Препарат анемияны және сарғаюды туғызуы мүмкін); Зеңдік инфекциялар, оның ішінде ауыздың және қынаптың, бас ауыруы, бас айналуы, диарея, асқазанның ауыруы, жүрек айну немесе құсу, қан талдауларының нәтижелері бойынша бауырда өндірілетін ферменттер санының артуы (аланинаминотрансфераза, аспартатаминотрансфераза, сілтілік фосфатаза, гамма-глютамилтрансфераза, қандағы лактатдегидрогеназа), макулопапулезді бөртпе (есекжем), қышыну, жалпы сипаттағы асқынулар және енгізген жердегі реакциялар (инфузия орнындағы тромбоз, инфузия орнындағы флебит, гипертермия), Clostridioides difficile туындатқан колит, жалған жарғақшалы колит, лейкоитопения, нейтропения, лимфоцитоз, тромбоцитоз, тромбоцитопения, шаншу немесе ұю, ауызға нашар дәм келу, азотемия, бүйректің жедел жеткіліксіздігі. Сирек: бүйректің бір бөлігінің ісінуі, ол оның қалыпты функциясын төмендетеді, лейкоциттердің инфекцияларға қарсы тұратын типтерінің саны елеулі азаюы, қан талдауларының нәтижелері бойынша эритроциттер санының азаюы (гемолиздік анемия), ауыр аллергиялық реакция, көздің ағының немесе терінің сарғаюы, ауыр бөртпенің, күлдіреуіктердің кенеттен пайда болуы немесе терінің қабыршақтануы, жоғары температурамен немесе буындардың ауыруымен қатар жүруы мүмкін (бұл уытты эпидермалық некролиз, Стивенс-Джонсон синдромы, көп формалы эритема немесе DRESS-синдром ретінде белгілі эозинофилиямен және жүйелі симптомдармен дәрілік реакция сияқты біршама күрделі аурулардың белгісі болуы мүмкін), тері астының ісінуі, әсіресе еріннің немесе көз айналасының.

Есептелген CrCL ≥ 50 мл/мин(CrCL, Кокрофт – Голт формуласы бойынша есептелген)болатын ересек пациенттер үшін ұсынылған доза: Цефтазидимнің/ авибактамның дозасы 2 г/0,5 г әр 8 сағат сайын 5-14 күн аралығы.

Есептелген CrCL мәні > 50 мл/мин/1,73 м2 болатын баларға үшін ұсынылған доза (CrCL, Шварц формуласы бойынша есептелген): 6 айдан < 18 жасқа дейін - 50 мг/кг/12,5 мг/кг-ден ең жоғарысы 2 г/0,5 г дейін әр 8 сағат сайын, 3 айдан < 6 айға дейін - 40 мг/кг/10 мг/кг әр 8 сағат сайын.

Есептелген CrCL мәні ≤ 50 мл/мин болатын ересектер үшін ұсынылатын дозалары (CrCL, Кокрофт – Голт формуласы бойынша есептелген): Цефтазидим/авибактам дозасыCrCL 31-50 мл/мин - 1 г/0,25 г әр 8 сағат сайын, CrCL 16-30 мл/мин - 0,75 г/0,1875 г әр 12 сағат сайын, CrCL 6-15 мл/мин - 0,75 г/0,1875 г әр 24 сағат сайын, Бүйректің созылмалы жеткіліксіздігінің терминальді сатысы - 0,75 г/0,1875 г әр 48 сағат сайын.

Есептелген CrCL мәні ≤ 50 мл/мин/1,73 м2 болатын балалар жасындағы пациенттерде ұсынылатын дозалары (CrCL, Шварц формуласы бойынша есептелген): (CrCL, Кокрофт – Голт формуласы бойынша есептелген): Цефтазидим/авибактам дозасыCrCL 31-50 мл/мин - 25 мг/кг/6,25 мг/кг-ден ең жоғарысы 1 г/0,25 г дейін әр 8 сағат сайын, CrCL 16-30 мл/мин - 18,75 мг/кг/4,75 мг/кг-ден ең жоғарысы 0,75 г/0,1875 г дейін әр 12 сағат сайын, CrCL 6-15 мл/мин - 18,75 мг/кг/4,75 мг/кг-ден ең жоғарысы 0,75 г/0,1875 г әр 24 сағат сайын, Бүйректің созылмалы жеткіліксіздігінің терминальді сатысы - 18,75 мг/кг/4,75 мг/кг-ден ең жоғарысы 0,75 г/0,1875 г әр 48 сағат сайын.