V08AB02 Йогексол¹ (Iohexol)

Препараттың белсенді компонентіне немесе кез келген қосымша затына асқын сезімталдық, айқын тиреотоксикоз; интратекальді енгізу үшін эпилепсия және церебральді инфекциялар салыстырмалы қарсы көрсетімдер болып табылады, миелография сәтсіз жасалған кезде препаратты шұғыл қайтадан интратекальді енгізу. 

Контрастылы заттарды енгізуге дейін және енгізуден кейін қажетті көлемде су жүктемесімен қамтамасыз ету керек. Бұл, әсіресе, көптеген миеломасы, қант диабеті, бүйрек қызметінің бұзылыстары бар науқастарға, сондай-ақ нәрестелерге, балаларға және егде жастағы науқастарға қатысты. Аллергиялық реакциялар даму қаупі жоғары пациенттерде гистаминге қарсы заттар және/немесе глюкокортикоидтармен алдын ала терапия жүргізген жөн. Гемодинамика немесе аритмия бұзылыстары даму қаупіне байланысты ауыр жүрек аурулары және өкпелік айналым гипертониясы бар науқастарда сақтықпен қолдану керек. Миастения симптомдарын күшейтеді. Бүйрек және бауыр жеткіліксіздігі бар  науқастарға контрастылы дәрілер енгізгенде ерекше сақтық талап етіледі, өйткені пациенттердің бұл санаты үшін осы препараттардың клиренсі едәуір төмендеуі мүмкін.Қант диабеті және сарысудағы креатинин концентрациясы 500 мкмоль/л жоғары болатын пациенттерде йогексол тек қажет болған жағдайда ғана қолдынылуы мүмкін. Құрысуға дайындық табалдырығының төмендеуіне күдік туындағанда пациентке мұқият бақылау жүргізу керек. Йогексолды қолданудан кейін қалқанша маңы безінің йодбайланыстырушы қабілеті бірнеше күннен 2 аптаға дейінгі кезеңде төмендейді. Қан сарысуындағы және несептегі контрастылы заттардың мөлшері билирубин, ақуыздар және бейорганикалық заттардың  (мысалы, темір, мыс, кальций, фосфаттар) зертханалық талдау нәтижелеріне, қалқанша маңы безі қызметіне әсер етеді. Сондықтан бұл заттардың талдауын зерттеу күні жүргізуге болмайды. Инъекциядан кейін бір сағат аралығында немесе интратекальді  енгізгеннен кейін алғашқы 24 сағат бойы көлік жүргізу немесе басқа да механизмдерді қолдану ұсынылмайды.

Басқа дәрілік заттар- АРАЛАСТЫРМАУ! Алдеслейкин - құрамында йод бар контрастылы дәрілер енгізуге дейін 2 аптадан аз уақыт бұрын, интерлейкиндер қабылдаған пациенттерде кейіннен білінетін реакциялар даму қаупі. Метформин- сүтқышқылды ацидоз даму қаупі. Бета- блокаторлар- асқын сезімталдық реакциялар даму шегінің төмендеуі.

Құрамында йоды бар ретгенконтрастылы заттар нефропатия, бүйрек қызметі бұзылыстарын немесе жедел бүйрек жеткіліксіздігін туындатуы мүмкін, алдын алу шараларын сақтау керек препарат нұсқаулығын қараңыз.Зерттеуден кейін бірден диализ жүргізу шартымен, гемодиализде жүрген науқастарға рентгенографиялық тексеруге арналған контрастылы дәрілерді алуына болады.

Уақытша бауыр дисфункциясының потенциалды қаупі. Сақтықпен қолдану.

Ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін. Егер жүктілік кезеңінде анасына құрамында йоды бар контрастылы заттарды енгізген болса, онда жаңадан туылған нәрестелердің өмірінің бірінші аптасында қалқанша безі функциясын тексереді. Қалқанша безі функциясын қайталап зерттеуді, әсіресе туылғанда дене салмағы төмен болған және шала туылған балаларда, 2 аптадан 6 аптаға дейінгі жасында жүргізу ұсынылады.

Ана сүтіне аз мөлшерде экскрецияланады және төмен мөлшерде ішекте сіңіріледі, сондықтан емізу кезінде бала үшін қауіп тудыру ықтималдығы екіталай. Енгізуден кейін 24 сағат аралығында емізуден бас тартқан жөн.

Жиі: бүкіл дененің ысынуын сезіну; ауызда «темір тату» сезімі; асқорыту жүйесі тарапынан – жүрек айнуы, құсу, диарея.Жиі емес: артериялық гипотензия және тахикардия ретіндегі вазовагальді реакциялар; жоғары сезімталдық реакциялары; тыныс алу жүйесі тарапынан - ентігу, бронх түйілуі немесе тері жабыны тарапынан - есекжем, бөртпе, эритема, қышыну; Стивен-Джонсон синдромы немесе уытты эпидермалық  некроз түрінде ауыр тері реакциялары.Сирек: іштегі жайсыздық сезімі немесе ауыруы; асқын сезімталдықтың ауыр реакциялары – көмей ісінуі, өкпе ісінуі  және анафилактикалық шок; басқа реакциялар - йодизм ("йодты шошқаборық",  зерттеуден кейін 10 тәулікке дейінгі ұзақтықпен сілекей бездерінің ісінуі және ауыруы  түрінде білінуі мүмкін), гипотермия, бетке қан құйылулары.Тамырішілік енгізу кезінде: жүрек айнуы, құсу, енгізген жердің ауыруы, уақытша ыстықты сезіну, тері жабындарының қызаруы.Субарахноидальді енгізу кезінде: бас ауыруы, өткінші бас айналуы, бел, мойынның, аяқ-қолдардың ауыруы, парестезиялар, жүрек айнуы, құсу; жеке жағдайларда (бейім пациенттерде) – құрысулар; асептикалық менингит жағдайы тіркелген.

Балаларға дозалау зерттеу мәселелеріне сәйкес және орындалатын әдістер сипатымен анықталады. Нақты көрсетілімдер бойынша дозалау ерекшеліктері препарат нұсқаулығында келтірілген. Қалқанша без қызметін бақылау қажет.