R03BA02 Будесонид¹ (Budesonide)

Қолдану көрсеткіштері

Бронх демікпесі.

Клинические протоколы:

Қарсы көрсеткіштері

Препарат компоненттеріне жоғары сезімталдық; өкпе туберкулезінің белсенді түрі; қарқынды терапия қажет болатын, демікпелік статустың немесе демікпенің басқа да жедел эпизодтарының біріншілік емі.

Қауіпсіздік шаралары

Демікпенің жедел ұстамаларын шеттетуге арналмаған! Қолданған кезде орофарингеальді кандидоз дамуын төмендету үшін, әр дозадан кейін ауызды сумен шаю керек. Препараттың өкпеге тиімді жеткізілуіне қол жеткізу үшін ингалятордың немесе ингаляцияға арналған құралдың қолдану дұрыстығын тексеру керек. Препаратты дереу тоқтату ұсынылмайды. Ремиссия сатысындағы өкпе туберкулезі, тынысалу жолдарының зеңдік және вирустың инфекциялары бар пациенттерде сақтақпен қолдану керек. Бронхтарда шектен тыс бөліністердің, шырыштың жиналуы кезінде аэрозольге қосымша ретінде, пероральді кортикостероидтармен қосымша қысқа курс қажет. Науқастардың пероральді стероидтардан ингаляцияға арналған аэрозольге ауысуы көңіл бөлуді қажет етеді, аллергия, артрит, ринит, экзема, бұлшықет-буын ауырсынуларының симптомдары дамуы мүмкін. Таңдалған дозада пероральді глюкокортикостероидтарды қабылдау аясында, 10 күн аралығында аэрозоль түрінде будесонидтің жоғары дозасын қабылдау керек. Әрі қарай бір ай аралығында пероральді глюкокортикостероидтардың дозасын төмендетеді. Пациенттер пероральді глюкокортикостероидтардан бас тартқанда, тынысалу қызметі жақсаруына қарамастан, өзін мазасыз және нашар сезінуі мүмкін. Бактериялық инфекциядан туындаған демікпе асқынуы, антибиотиктермен тиісінше емдеумен және будесонид дозасын арттырумен, немесе жүйелі кортикостероидтар қолдану арқылы басқарылады. Ингаляциялық терапия кезінде аэрозольді қолданғаннан кейін, ентігудің дереу артуымен парадоксальді бронх түйілуі мүмкін. Ингаляциялық кортикостероидтардың жүйелі әсерлері ұзақ уақыт бойы тағайындалған жоғары дозаларда қолданған кезде пайда болады және оларға Кушинг синдромы, кушингоидты белгілер, бүйрек үсті бездері қызметінің тежелуі, сүйек тінінің минералдық тығыздығының төмендеуі, катаракта және глаукома жатады. Пациентті дәрігердің жүйелі бақылауы және демікпенің тиімді бақылануы сақталатын ингаляциялық глюкокортикостероидтар дозасын ең төмен дозаға дейін титрлеу маңызды. Автокөлік немесе қозғалыстағы механизмдерді басқарудан бас тарту керек.

Дәрілік заттармен өзара әрекеттесуі

Кетоконазол, итраконазол және басқа да CYP3A4 күшті тежегіштері - будесонидтің плазмалық концентрациясының жоғарылауы, бір мезгілде тағайындауды болдырмау.Ингаляциялық бета-адреноынталандырғыштар - будесонидтің терапевтикалық әсерінің күшеюі.Фенобарбитал, фенитоин, рифампицин - будесонид тиімділігінің төмендеуі.Метандростенолон, эстрогендер - будесонид әсерінің күшеюі.

Бауыр жеткіліксіздігі

Сақтықпен қолдану. Қан плазмасында будесонид концентрациясының жоғарылау мүмкіндігі, осыған байланысты жүйелі жағымсыз әсерлер даму қаупі артады.

Жүктілік

Ұрық дамуының ауытқулар қаупінің жоғарылауы анықталмаған, дегенмен, олардың даму қаупін толығымен жоюға болмайды, сондықтан жүктілік кезінде төменгі тиімді дозаны қолдану керек.

Емізу

Ана сүтімен бөлінеді. Егер ана үшін күтілетін пайда бала үшін ықтимал қауіптен жоғары болған жағдайда қолданылуы мүмкін.

Жағымсыз әсерлері

Жиі: жұтқыншақ шырышының тітіркенуі; орофарингеальді кандидоз; қарлығу; жөтел.Сирек: ОЖЖ тарапынан бұзылыстар (психомоторлы жоғары белсенділік, ұйқының бұзылуы, ашушаңдық, мазасыздық, депрессия, мінез-құлықтың бұзылуы (көбінесе балаларда), озбырлық); бөртпе, жанаспалы дерматит, есекжем, Квинке ісінуін, бронх түйілуін және анафилактикалық реакцияларды қоса, жоғары сезімталдық реакциялары; қанталаулар, бүйрек үсті бездері функциясының бәсеңдеуін және балалардағы өсу кідірісін қоса, кортикостероидтардың жүйелі әсерлерінің белгілері мен симптомдары.

Балаларда қолданылуы

Ингаляционды Ингаляцияға арналған суспензия: Бронх демікпесі. 3 айдан 12 жасқа дейінгі балалар: бастапқы доза 0.5-1 мг тәулігіне екі рет, демеуші доза - 0,25-0,5 мг тәулігіне екі рет; 12 жастан асқан балалар: 1-2 мг тәулігіне екі рет, демеуші - тәулігіне 0,5-1 мг.Круп. Сәбилерге және балаларға: небулайзерді қолдану кезінде ұсынылған доза 2 мг құрайды. Доза бірден енгізіледі немесе 30 минуттық аралықпен 2 рет (1 мг) қабылдауға бөлінеді; келесі доза 12 сағаттан кейін енгізіледі. Емдеу ұзақтығы 36 сағаттан аспауы тиіс немесе клиникалық симптомдар жақсарғанша жалғасады.Аэрозоль: 2 жастан 12 жасқа дейінгі балалар - тәулігіне 200 мкг-нан 800 мкг-ға дейін, бөлінген дозаларда; 12 жастан асқан балалар - 200 мкг күніне екі рет, жоғары тәуліктік доза 1600 мкг.Ингаляцияға арналған ұнтақ: 6 жастан 12 жасқа дейінгі балалар - 200 мкг тәулігіне 1-2 рет. Жоғары доза тәулігіне 800 мкг; 12 жастан асқан балалар – 200 мкг тәулігіне 1-2 рет, егер доза тәулігіне 800 мкг асатын болса, оны 3-4 қабылдауға бөледі. Жоғары тәуліктік доза 1600 мкг.3 айға дейінгі (ингаляцияға арналған суспензиялар); 2 жасқа дейін (аэрозольдер); 6 жасқа дейінгі балаларға (ингаляцияға арналған ұнтақ) қарсы көрсетілген. Ингаляциялық кортикостероидтармен ұзақ уақыт ем қабылдайтын балалардың өсуін тұрақты бақылау ұсынылады.Назар аударыңыз! Егер балалардың өсуі баяуласа, онда демікпенің тиімді бақылануысақталатын, ингаляциялық кортикостероидтардың дозасын ең төмен дозаға дейін төмендету мақсатымен терапияны қайта қарастырған жөн. Өздігінен тыныс алатын бронхопульмональды дисплазия. Ингаляцияға арналған суспензия. Жаңа туылған нәрестелер. Күніне екі рет 500 мкг. 1–4 айлық балалар күніне екі рет 500 мкг.Өздігінен тыныс алатын бронхопульмоналды дисплазия (ауыр белгілер). Ингаляцияға арналған суспензия. 1 айдан 4 айға дейінгі балалар (дене салмағы 2,5 кг және одан жоғары) күніне 2 рет 1 мг.Жеңіл және орташа демікпенің алдын алу (күніне екі рет дозада тұрақтандырылған науқастарда)Балаларға арналған ингаляциялық ұнтақ. 6–11 жастағы күніне 200-400 мкг дозаны кешке тағайындайды, 12-17 жастағы балалар үшін күніне бір рет 200-400 мкг (ең көбі 800 мкг) доза кешке тағайындалады.Демікпенің алдын-алу. Ингаляцияға арналған ұнтақ. 6-11 жастағы балалар күніне екі рет 100-400 мкг құрайды, қажет болған жағдайда доза түзетіледі. 12-17 жастағы балалар күніне екі рет 100-800 микрограмм қабылдайды, қажет болған жағдайда доза түзетіледі.Ингаляцияға арналған суспензия. 6 айдан 11 жасқа дейінгі балаларға реакцияға байланысты тәулігіне екі рет 125–500 мкг, күніне 2 мг дейін түзетіледі. 12–17 жас аралығындағы балалар: бастапқы тәулігіне күніне екі рет 0.25-1 мг, реакцияға бейімделеді, дозалар ұсынылған максимумнан жоғары. ауыр аурулар үшін қолдануға болады; тәулігіне максимум 2 мг.