R03AK07 Формотерол және Будесонид¹ (Formoterol and Budesonide)

Қолдану көрсеткіштері

Бронх демікпесі кезінде демеуші терапия ретінде немесе ұстамаларын шеттету үшін. Қайталама асқынулары бар ауыр дәрежелі өкпенің созылмалы обструкциялық ауруы.
    Клинические протоколы:
  1. Бронхиальная астма
  2. Бронхиальная астма у детей
  3. Острый бронхит у взрослых
  4. Хроническая обструктивная болезнь лѐгких

Ақпарат тіркелуден кейін қолжетімді

Қарсы көрсеткіштері

Будесонид, формотерол немесе лактозаға жоғары сезімталдық.

Ақпарат тіркелуден кейін қолжетімді

Қауіпсіздік шаралары

Өкпе туберкулезі бар пациенттерге (белсенді немесе белсенді емес түрі); тынысалу мүшелерінің зеңді, вирустық немесе бактериялық инфекциялары, тиреотоксикоз, феохромоцитома, қант диабеті, бақыланбайтын гипокалиемия, идиопатиялық гипертрофиялық субаортальды стеноз, ауыр артериялық гипертензия, әртүрлі оқшауланған аневризма немесе ауыр жүрек-қантамыр аурулары (жүректің ишемиялық ауруы, тахиаритмия немесе ауыр дәрежелі жүрек жеткіліксіздігі), интервал ұзаруы кезінде сақтықпен тағайындау. Емді тоқтату алдында дозасын біртіндеп азайтады. Интермиттирлеуші және жеңіл персистерлеуші ағымды бронх демікпесін емдеудің бірінші кезеңінде емді алғашқы іріктеуге арналмаған. Бронх демікпесі өршуі кезеңінде тағайындауға болмайды. Бронх демікпесі симптомдарын тиімді бақылау сақталатын төменгі дозаға дейін дозасын азайту керек. Дозасын оңтайлы тағайындау үшін пациенттер тұрақты дәрігердің бақылануында болуы керек. Тиімділігі жеткіліксіз немесе жоғары дозадан басым доза тағайындалған кезде емдеу тактикасын қайта қарастыру қажет. Препаратты қабылдағаннан кейін сырылдың тез күшеюімен бірге парадоксальды бронх түйілуі пайда болу кезінде емді тоқтату қажет. Ұзақ уақыт жоғары дозаларды қабылдау кезінде жүйелі әсерлері (Кушинг синдромы, бүйрек үсті бездер функциясының тежелуі, балалар мен жасөспірімдердегі өсу кідірісі, сүйек тінінің минералдық тығыздығының төмендеуі, катаракта мен глаукома) байқалады. Ауыз және жұтқыншақ қуысының шырышты қабығы кандидозының даму қаупін алдын алу үшін пациентке ауызды шаю жөнінде кеңес беру керек. QTс-интервалы ұзаруы мүмкін. Өкпе туберкулезінің белсенді немесе белсенді емес түрлері, тынысалу мүшелерінің зеңді, вирустық немесе бактериялық инфекциялары бар пациенттерде дозаны және қабылдау қажеттілігін қайта қарастыру қажет. Ксантин туындыларымен, стероидтармен немесе диуретиктермен бірге тағайындау кезінде гипокалиемиялық әсерді туындатуы немесе күшейтуі мүмкін. Емдеу кезінде қант диабетінен зардап шегетін пациенттерде қандағы глюкоза концентрациясын бақылау керек. Автокөлік немесе қозғалыстағы механизмдерді басқарудан бас тарту керек.

Ақпарат тіркелуден кейін қолжетімді

Дәрілік заттармен өзара әрекеттесуі

CYP3A4 күшті тежегіштері (кетоконазол, итраконазол, вориконазол, посаконазол, кларитромицин, телитромицин, нефазодон және АИТВ протеаза тежегіштері) - қан плазмасында будесонид деңгейінің жоғарылауы, бірге қолдануды БОЛДЫРМАУ. Бета-адреноблокаторлар - формотерол әсерінің әлсіреуі немесе тежелуі.Хинидин, дизопирамид, прокаинамид, фенотиазин, гистаминге қарсы препараттар, МАО тежегіштері және трициклдік антидепрессанттар - QTc интервалының ұзаруы және қарыншалық аритмиялар даму қаупінің жоғарылауы. Галогенизирленген көмірсутектер - аритмиялар даму қаупі.β-адренергетиктер, антихолинергиялық препараттар - бронх кеңейтетін әсерінің күшеюі.

Ақпарат тіркелуден кейін қолжетімді

Бауыр жеткіліксіздігі

Ауыр бауыр циррозы бар пациенттерде препараттың шығарылу жылдамдығы баяулауы мүмкін.

Ақпарат тіркелуден кейін қолжетімді

Жүктілік

Ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін.

Ақпарат тіркелуден кейін қолжетімді

Емізу

Будесонид ана сүтімен шығарылады. Бірақ, терапевтикалық дозаларда балаға әсер етпейді. Формотеролдың ана сүтіне енуі белгісіз. Емшекпен емізу кезінде ана үшін күтілетін пайда бала үшін кез келген мүмкін болатын қауіптен жоғары болғанда қолданылуы мүмкін.

Ақпарат тіркелуден кейін қолжетімді

Жағымсыз әсерлері

Жиі: бас ауыруы, жүрек қағысы, тремор, ауыз және жұтқыншақ шырышты қабатының кандидозы, жөтел, қырылдау, тамақтың жеңіл тітіркенуі.Сирек: тахикардия, жүрекшелер фибрилляциясы, суправентрикулярлы тахикардия, экстрасистолиялар, жүрек айнуы, бұлшықеттік тырысулар, психомоторлы қозу, үрейлену, мазасыздану, бас айналуы, ұйқының бұзылысы, қанталау, экзантема, есекжем, қышыну, дерматиттер, ангиоэдема, анафилактикалық реакция, ангионевротикалық ісіну, парадоксальді бронхоспазм, гипокалиемия.

Ақпарат тіркелуден кейін қолжетімді

Балаларда қолданылуы

Ерекшеліктері: ингаляциялық түрде глюкокортикостероидты терапияны ұзақ қабылдайтын балалардың өсуіне мониторинг жүргізу керек. Өсуі кідірген кезде, дозасын төмендету керек. Демеуші терапия. 12 жастан 17 жасқа дейінгі балалар: 80/4,5мкг/доза және 160/4,5мкг/доза: 1- 2 ингаляциядан тәулігіне екі рет. 6 жастан асқан балалар: 80/4,5мкг/доза: 1-2 ингаляциядан тәулігіне екі рет. Демеуші терапия және ұстамаларын шеттету. 18 жасқа дейінгі балалар: ұсынылмайды. 6 жасқа дейінгі балаларға қарсы көрсетілген.

Ақпарат тіркелуден кейін қолжетімді