R03AK06 Салметерол және Флутиказон¹ (Salmeterol and Fluticasone)

Препараттың қандай да бір компонентіне аса жоғары сезімталдық.

Жедел ұстамаларды шеттетуге арналған препарат болып табылмайды. Егер тағайындалған дозасы аурудың талапқа сай бақылануын қамтамасыз етпесе, емдеу жоспарын қайта қарау керек. Емді тоқтату кезінде демікпесі бар пациентте аурудың өршуі, өкпенің созылмалы обструктивті ауруы бар пациенттерде декомпенсация болуы мүмкін. Өкпенің белсенді немесе жасырын туберкулезі, тиреотоксикозы, қант диабеті бар пациенттерге сақтықпен тағайындалуы керек. Дауыс қарлығуы мен ауыз және жұтқыншақ қуысының кандидозы туындағанда немесе оның алдын алу үшін ингаляциядан кейін ауыз бен тамақты сумен шаюға кеңес беріледі. Кандидоз болған жағдайда жергілікті әсер ететін зеңге қарсы препараттарды бірге тағайындауға болады. Парадоксальді бронх түйілуінің пайда болуы кезінде тез әсер ететін ингаляциялық бронходилататордың көмегімен дереу басу қажет. Жоғары дозаларда қолданғанда систолалық қысымның көтерілуі мүмкін, жүрек-қантамыр ауруларына шалдыққан және жүрек ырғағы бұзылған пациенттерге сақтықпен тағайындау керек. Сарысудағы калий деңгейінің төмендеуіне бейім пациенттерге және гипокалиемиямен емдеуге келмейтін пациенттерге сақтықпен тағайындау керек. Ұзақ уақыт жоғары дозаларды қабылдау кезінде жүйелі әсерлері (Кушинг синдромы, бүйрек үсті безі қыртысы функциясының төмендеуі, балалар мен жасөспірімдердегі өсу кідірісі, сүйектердің төмен минералдануы, катаракта мен глаукома) болуы мүмкін. Ингаляциялық кортикостероидтармен ұзақ уақыт ем алатын балалардың өсуін ұдайы бақылауға кеңес беріледі. Бүйрек үсті бездерінің жеткіліксіздігі болуы мүмкін екендігіне байланысты бүйрек үсті безі қыртысы функциясының көрсеткіштерін, әсіресе пациентті ингаляциялық кортикостероидқа ауыстырғанда жүйелі түрде бақылау қажет және ерекше сақтық шараларын қадағалау керек. Егде жастағы пациенттерде, дене салмағы индексі төмен (<25 кг/м2) пациенттерде, өкпенің созылмалы обструктивті ауруы (ӨСОА) бар пациенттерде төменгі тыныс жолдары инфекцияларының жоғарылауы (пневмония және бронхит). Науқас жағдайына мониторинг жүргізу қажет. Қанда глюкоза деңгейінің жоғарылау қаупіне байланысты қант диабеті бар пациенттерге препараты абайлап тағайындау керек. CYP3A4 тежегіштерімен бір мезгілде қолдану кезінде QT аралығының ұзаруы байқалады. 4 жасқа дейінгі балаларда препаратты қолдану туралы деректер жоқ. Ұзақ уақыт флутиказон пропионатының жоғары дозаларын (тәулігіне 1000 мкг жоғары) қабылдайтын балалар мен 16 жасқа дейінгі жасөспірімдер психомоторлық аса жоғары белсенділікті, ұйқының бұзылуын, мазасыздықты, депрессияны немесе озбырлықты қоса, психологиялық немесе мінез-құлықтық әсерлер қатары және жүйелі әсерлер дамитын айрықша қауіп тобына кіреді. Көлік құралын немесе басқа да қауіптілігі ықтимал механизмдерді басқарудан бас тарту.

Бета-адренолитикалық заттар - сальметерол әсерінің антагонизирленуі немесе әлсіреуі.Таңдамалы емес және таңдамалы бета-адреноблокаторлар - пациенттерге өте қажет болатын жағдайларды қоспағанда, қолдануды болдырмау.Бета2-агонистер - ауыр гипогликемия қаупі. Ксантин туындылары, стероидтар және диуретиктерді бір мезгілде қабылдау кезінде гипокалиемияның өршуі мүмкін болғандықтан, ауыр дәрежедегі бронх демікпесі кезінде сақтық таныту. Ритонавир - қан плазмасында флутиказон пропионаты концентрациясының айтарлықтай жоғарылауы. Флутиказон пропионаты мен ритонавирдің бір мезгілде қолданылуын болдырмау, пациент үшін потенциалды пайда ГКС жүйелі жағымсыз әсерлерінің қаупінен асатын жағдайларды қоспағанда.Күшті әсер ететін CYP3A тежегіштері, мысалы, итраконазол, және CYP3A қалыпты тежегіштері, мысалы, эритромицин - флутиказон пропионатының жүйелі экспозициясының және жүйелі жағымсыз әсерлер қаупінің жоғарылауы. Мұндай препараттарды қолданумен ұзақ уақыт емдеуден мүмкіндігінше бас тарту және сақтық таныту ұсынылады.Кетоконазол - біріктірілімде қолдануды болдырмау, егер тек пайдасы салметеролмен емдеумен байланысты, жүйелі жағымсыз әсерлердің потенциалды жоғары қаупінен асатын болса.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дозасын түзету талап етілмейді.

Бауыр қызметінің бұзылыстары бар пациенттерде дозасын төмендетудің қажеттілігі жоқ.

Жүктілік кезеңінде ана үшін күтілетін пайда ұрық үшін болжамды қауіптен басым болған жағдайда ғана біріктірілген препаратты қолдану ақталған.

Қолдану қажет болған жағдайда, емдеу кезінде бала емізуді тоқтату.

Жиі: назофарингит, жүрек қағуы, бас ауыруы.Сирек: дауыстың қарлығуы, дисфония, жұтқыншақ және ауыз қуысының кандидозы және тітіркенуі, гипокалиемия, тремор, бронхит, пневмония, бұлшықеттің құрысуы, бұлшықет-буынның ауыруы, сынықтар мен жарақаттар, ісінуге дейінгі аллергиялық реакциялар.

Балаларға. Аэрозоль. Ингаляциялық. Тыныс алу жолдарының қайтымды обструкциясы (бронх демікпесі): 12 жас және одан асқан балалар: 2 ингаляциялық доза - 25 мкг/50 мкг немесе 25 мкг/125 мкг немесе 25 мкг/250 мкг, күніне 2 рет. 4 жастан 12 жасқа дейінгі балалар: 2 ингаляция 25 мкг/50 мкг күніне 2 рет. Өкпенің созылмалы обструктивті аурулары: 25 мкг/125 мкг немесе 25 мкг/250 мкг 2 ингаляциялық доза, күніне 2 рет. Ингаляцияға арналған ұнтақ. 12 жас және одан асқан балалар: 50 мкг/500 мкг 1 ингаляциядан күніне екі рет. 4 жасқа дейінгі балаларға (аэрозоль үшін) және 12 жасқа дейінгі балаларға (ингаляцияға арналған ұнтақ үшін) қарсы көрсетілген, тиімділігі мен қауіпсіздігі анықталмаған.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.