A11CC01 Эргокальциферол¹ (Ergocalciferol)

Эргокальциферолға және препараттың компоненттеріне жоғары сезімталдық, D гипервитаминозы, өкпе туберкулезінің белсенді түрі, асқазан мен он екі елі ішектің ойық жарасы, декомпенсация сатысындағы жүрек және қантамырлардың органикалық аурулары, қан және несептегі кальций мен фосфордың жоғары деңгейі, саркоидоз, несеп-тас ауруы.Метастатикалық кальцификация.

D2 дәруменінің кумулятивті қасиеті бар екенін ескерген жөн. Ұзақ мерзімді қолдану кезінде қандағы және несептегі Са2+ концентрациясын анықтау қажет. Эргокальциферол әсерінен болған гипервитаминоз кезінде жүрек гликозидтері әсерінің күшеюі және гиперкальциемия дамуымен байланысты аритмия туындау қаупінің жоғарылауы мүмкін (жүрек гликозидтерінің дозасын түзету қажет). Қант диабеті бар науқастарға сақтықпен қабылдаған жөн. Гипервитаминоз даму қаупі жоғары болғандықтан, D дәруменін оның басқа аналогтарымен (әсіресе кальцифедиолмен) бірге қолдануға болмайды. Д дәруменін жоғары дозада қабылдаған кезде оның ағзаға уытты әсерін азайту үшін А дәруменін, аскорбин қышқылын және В тобының дәрумендерін бірге тағайындау қажет.

Кальций тұздары - D2 дәруменінің уыттылығы жоғарылайды.Йод препараттары - дәруменнің тотығуы.Антибиотиктер (тетрациклин, неомицин) - эргокальциферол сіңірілуінің бұзылуы. Тиазидтік диуретиктер, құрамында Са2+ бар дәрілік заттар - препарат элиминациясының баяулауына және оның ағзада жинақталуына алып келетін жүрек гликозидтеріне төзімділіктің төмендеуін туындататын гиперкальциемия даму қаупі.Барбитураттар (соның ішінде фенобарбитал), фенитоин және примидон - остеомаляция немесе рахиттің ауырлық дәрежесінің күшеюі.Құрамында Al3+ және Mg2+ бар антацидтер - уыттанудың туындау қаупі (әсіресе созылмалы бүйрек жеткіліксіздігі кезінде).Кальцитонин, этидрон және памидрон қышқылының туындылары, пликамицин, галлий нитраты және глюкокортикостероидтар - әсері төмендейді.Холестирамин, колестипол және минералды майлар - майда еритін дәрумендердің асқорыту жолында сіңірілуінің төмендеуі.Рифампицин, изониазид, эпилепсияға қарсы препараттар, холестирамин - эргокальциферол тиімділігінің төмендеуі.Кетоконазолмен, цитохром Р450 тежегіштерімен сақтықпен қолдану.Құрамында фосфор бар препараттардың сіңірілуін жоғарылатады, және гиперфосфатемия туындау қаупі.D дәруменінің басқа аналогтары (әсіресе кальцифедиол) - гипервитаминоз даму қаупі (ұсынылмайды).Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Құрамында Al3+ және Mg2+ бар антацидтерді бір мезгілде қабылдаумен ұзақ мерзімді ем оның қандағы концентрациясын және уыттанудың даму қаупін жоғарылатады (әсіресе созылмалы бүйрек жеткіліксіздігі кезінде).

Эргокальциферолды жүктіліктің 30-32-ші аптасынан бастап қолдануға болады. 35 жастан асқан жүкті әйелдерге препаратты сақтықпен тағайындаған жөн. Анасындағы гиперкальциемия іштегі ұрықта D дәруменіне сезімталдықтың жоғарылауын (жүктілік кезінде D2 дәруменін ұзақ қабылдаумен байланысты), қалқанша маңы безі қызметінің бәсеңдеуін, ақыл-ес дамуының кідіруін, қолқа стенозын туындатуы мүмкін.

Балада артық дозалану белгілерінің туындау мүмкіндігіне байланысты, бала емізу кезеңінде D2 дәруменін сақтықпен тағайындау керек. Осыған байланысты қан плазмасында Са2+ концентрациясына мониторинг жүргізу керек.

Жоғары дозада ұзақ қабылдағанда: жалпы әлсіздік, аса жоғары сезімталдық реакциялары, соның ішінде, бөртпе, қызба, есекжем, қышыну, бас ауыруы, вертиго, ұйқының бұзылуы, тітіркенгіштік, депрессия. Гиперфосфатемия, несепте кальций деңгейінің жоғарылауы (ішкі ағзалардың кальцинозы болуы мүмкін); анорексия, тәбеттің болмауы, диарея, жүрек айнуы, құсу. Сүйек ауырсынуы; протеинурия, цилиндрурия, лейкоцитурия. Сипатталған әсерлер байқалғанда препаратты тоқтатады және ағзаға кальцийдің түсуін шектейді, тағаммен түсуін қоса.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балалар. Ішке, тамақпен бірге. 1 мл препарат 50 000 ХБ құрайды. Препаратты тамшы түрінде қабылдайды, көз тамшуырының бір тамшысы шамамен 1400 ХБ құрайды. Жоғары тәуліктік доза 100 000 ХБ (2 мл/тәул). Эргокальциферолды 2 апталық нәрестелерге 1-2 тамшыдан 2 күнде 1 рет 1 жасқа дейін немесе «дәруменді соққылар» әдісімен - 14-21 тамшыдан (20000-30000 ХБ) аптасына 2 рет 6-8 апта бойы, немесе «тығыздалған» әдіспен - 200-300 мың ХБ (4-6 мл) 20 күн бойы - күніне 7-10 тамшыдан (10-15 мың ХБ/тәул) тағайындалады. Эргокальциферолды енгізу курсы аяқталғаннан кейін 1 тамшыдан (1400 ХБ) 3 күнде 1 рет 1 жасқа дейінгі балаларға рахиттің арнайы «демеуші» алдын алуы жүргізіледі, жаз айларынан басқа уақытта, содан кейін күз-қыс мезгілдерінде 2 жасқа дейін қайталанады. Қысы қатты және ұзақ болатын аудандарда рахиттің демеуші алдын алуын 3 жасқа дейін жүргізеді. Бұл жағдайларда эргокальциферолдың курстық дозасы 300-400 мың ХБ (6-8 мл). І дәрежелі рахитте тәулігіне 9 800-15 400 ХБ (7-11 тамшыдан) 30-45 күн тағайындайды. Емдеу курсына 500 000-600 000 ХБ (курсына 10 мл-ден 12 мл-ге дейін) тағайындалады. ІІ дәрежелі рахитте тәулігіне 20 000 МЕ-26 000 ХБ (14-19 тамшыдан) жеделдеу ағымында 30-45 күн. Емдеу курсына 600 000-800 000 ХБ қажет. ІІІ дәрежелі рахитте тәулігіне 26 000-33 600 ХБ (19-24 тамшыдан) жеделдеу ағымында 40-60 күн, емдеу курсына 800 000-1 000 000 ХБ қажет.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.