N06AB10 Эсциталопрам¹ (Escitalopram)

Белсенді затқа немесе қосымша заттардың кез-келгеніне аса жоғары сезімталдық; биполярлы бұзылыстардың маниакальді фазасы; серотонинді синдромның даму қаупіне байланысты МАО тежегіштерін (мысалы, маклобемид, линезолид) қабылдау (қазіргі уақытта немесе алдыңғы 2 аптада); QT аралығын ұзартатын препараттармен, бір мезгілде қолдану, пимозидпен; QT аралығы ұзаруының белгілі көріністері бар немесе туа біткен аралығының ұзару синдромы бар пациенттер.

Флуоксетин¹ (Fluoxetine) қараңыз. Аритмия даму қаупі бар, туа біткен QT аралығының ұзару синдромы, іркілісті жүрек жеткіліксіздігі, брадикардия, гипокалиемия немесе гипомагниемияға бейім, QT аралығын ұзартатын препараттармен бір мезгілде қолданатын пациенттерге сақтықпен қолдану керек. Мұндай пациенттерге ЭКГ бақылау және электролиттерге мониторинг жүргізу керек. 500 миллисекундтан асатын, QT аралығының үздіксіз ұзаруы кезінде қабылдауды тоқтату керек.

Алкоголь - седативті әсердің потенцирленуі.Амиодарон, дропиридол, флеканид, флуфеназин, галоперидол, пропафенон, рисперидон, саквинавир, трициклдік антидепрессанттар, соталол және QT аралығын ұзартатын басқа препараттар - қарыншалық аритмия даму қаупі.Эпилепсияға қарсы препараттар - құрысуға дайындық табалдырығының төмендеуі.Карбамазепин, фенитоин, клозапин - концентрациясының ұлғаюы мүмкін.Кумариндік антикоагулянттар, мысалы, варфарин - антикоагулянттық әсерінің потенцирленуі мүмкін.Селегилин, трамадол - орталық жүйке жүйесінің зақымдану қаупі.Литий - орталық жүйке жүйесінің зақымдануы және уытты құбылысының ұлғаюы.Моноаминооксидаза тежегіштері, мысалы, фенелзин - күрделі уытты құбылыстардың даму қаупіне байланысты бірге тағайындауды БОЛДЫРМАУ.СЕҚҚП, аспирин, антикоагулянттар - қан кету даму қаупі.Тамоксифен - тамоксифеннің емдік әсерінің төмендеуі.Трициклдік антидепрессанттар, мысалы, амитриптилин - трициклдік антидепрессанттар концентрациясының ұлғаюы.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Жеңіл және орташа бүйрек жеткіліксіздігі кезінде дозасын түзету талап етілмейді. Айқын бүйрек жеткіліксіздігі (CLCR 30 мл/мин төмен) бар пациенттерге сақтықпен тағайындау керек.

Жеңіл және орташа бауыр жеткіліксіздігі кезінде ұсынылатын бастапқы доза емдеудің алғашқы екі аптасында тәулігіне 5 мг құрайды. Пациенттің жеке реакциясына байланысты дозасы тәулігіне 10 мг дейін ұлғайтылуы мүмкін. Айқын бауыр жеткіліксіздігінде титрлеу кезінде сақтық таныту керек.

Қарсы көрсетілген.

Қарсы көрсетілген.

Флуоксетин¹ (Fluoxetine) қараңыз. Сондай-ақ тәбеттің жоғарылауы, дене салмағының ұлғаюы, QT аралығының ұзаруы, кардиоуыттылық, үрейлі бұзылыстарды емдеу барысында парадоксальді мазасыздық (дозасын төмендету керек).Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

18 жасқа дейінгі балаларда тиімділігі мен қауіпсіздігі бойынша деректер жеткіліксіздігіне байланысты қарсы көрсетілген.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.