N05AX13 Палиперидон¹ (Paliperidone)

Препараттың белсенді затына, рисперидонға немесе қосымша заттарының кез келгеніне аса жоғары сезімталдық; коматозды жағдай; орталық жүйке жүйесінің тежелуі; феохромоцитома.

Препараттың кенеттен қантамырға түсуін болдырмас үшін бұлшықет ішіне енгізу кезінде сақтық таныту керек! Жүрек-қантамыр аурулары бар пациенттерде, QT аралығының ұзаруы мен ауыр аритмия туындауын анықтау үшін тұрақты ЭКГ бақылаумен сақтықпен қолдану. Палиперидонды қолданғанда қатерлі нейролептикалық синдром (ҚНС) пайда болғаны туралы хабарланған, ҚНС белгілері кезінде тоқтату керек. Кеш дискинезия дамуы кезінде препаратты тоқтату қажеттігін қарастыру. Лейкопения, нейтропения және агранулоцитоз психозға қарсы дәрілерді қолданғанда байқалған, осыған байланысты анамнезінде лейкоциттер санының клиникалық мәнді азаюы немесе препаратқа тәуелді лейкопения/нейтропениясы бар пациенттерге емнің алғашқы айлары кезінде толық қан талдауын жүргізу ұсынылады және препаратпен емдеуді тоқтату мәселесін қарастырады. Палиперидонмен емдеу кезінде гипергликемия, қант диабеті және бұрыннан бар қант диабетінің өршігені байқалған. Қант диабеті бар пациенттерді глюкозаны бақылау көрсеткіштерінің нашарлауына бақылау. Препаратты қолдану кезінде мүмкін болатын дене салмағының артуына байланысты пациенттердің дене салмағына бақылау жүргізу. Палиперидонды пролактинге тәуелділігі болуы мүмкін ісігі бар пациенттерде сақтықпен пайдалану керек. Жүрек-қантамырлары аурулары (мысалы, жүрек жеткіліксіздігі, миокард инфарктісі немесе миокард ишемиясы, жүрек бұлшықетінің өткізгіштігі бұзылуы), цереброваскулярлық аурулары бар, сондай-ақ артериялық гипотензияға бейім жай-күйдегі (мысалы, сусыздану, гиповолемия) пациенттерде сақтықпен қолдану керек, себебі ортостатикалық гипотензия тудыруы мүмкін. Препарат құрысу табалдырығын төмендетеді, осыған байланысты анамнезінде құрысулары бар науқастарда сақтықпен қолдану. Паркинсон ауруы немесе Леви денешіктерімен деменциядан зардап шегетін пациенттерге емнің пайдасы мен қаупін мұқият таразылау керек, себебі мұндай патологиясы бар пациенттерге ҚНС дамуының жоғары қаупі, сондай-ақ психозға қарсы препараттарға жоғары сезімталдық тән. Пациенттер 3-4 сағат ішінде шешімі табылмаған приапизм дамыған жағдайларда шұғыл медициналық көмек сұрау қажеттігінен хабардар болуы тиіс. Ағзаның дене температурасын төмендету қабілетінің бұзылуын нейролептиктерді қолданумен байланыстырады және көктамырлық тромбоэмболия даму қаупі бар, барлық болжамды қауіп факторлары препаратпен емдеуге дейін және ем барысында анықталуы тиіс және алдын алатын тиісті шаралар жасалуы қажет. Құсуға қарсы әсеріне байланысты препарат кейбір дәрілік заттардың артық дозалануының белгілері мен симптомдарын, сондай-ақ ішектің бітелуі, Рейе синдромы және ми ісіктері сияқты ауруларды жасыруы мүмкін. Препаратты қолдану кезінде интраоперациялық босаң нұрлы қабық синдромы байқалады, бұл операция кезінде және одан кейін көз тарапынан асқынулар қаупін ұлғайтуы мүмкін. Көлік құралын немесе басқа қауіптілігі жоғары механизмдерді басқарудан бас тарту.

IA және III класының аритмияға қарсы дәрілері, және QT аралығын ұзартатын басқа дәрілер - сақтықпен қолдану, QT аралығының ұзаруы мүмкін.Орталыққа әсер ететін басқа да дәрілер (антипсихотиктер, ұйықтатқыш заттар, опиаттар, алкоголь және т.б.) - ОЖЖ тежелуінің күшеюі, ортостатикалық гипотензияның даму қаупі, құрысу табалдырығының төмендеуі.Леводопа және дофаминдік рецепторлардың агонистері - олардың емдік әсерлерінің әлсіреуі.

Ішке. ШСЖ 50-80 мл/мин/1,73м2 бастапқы дозасы 3 мг күніне бір рет (ең жоғары 6 мг күніне бір рет); ШСЖ 10-50 мл/мин/1,73м2 бастапқы дозасы 1,5 мг күніне бір рет (ең жоғары 3 мг күніне бір рет); ШСЖ 10 мл/мин/1,73м2 төмен болғанда қолданбау.Бұлшықетке. Креатинин клиренсі ≥ 50-ден < 80 мл/мин дейін болғанда 100 мг 1-ші күні және 75 мг 1 аптадан кейін (екі инъекция да дельта тәрізді бұлшықетке). Ай сайын 50 мг дельта тәрізді немесе бөксе бұлшықетіне енгізіледі; дозасы жеке көтере алушылығына және/немесе тиімділігіне байланысты 25-100 мг аралығында арттырылуы немесе азайтылуы мүмкін. Креатинин клиренсі < 50 мл/мин болғанда ұсынылмайды.

Бауыр қызметінің ауыр бұзылыстарында сақтықпен қолдану.

Қарсы көрсетілген.

Қарсы көрсетілген.

Өте жиі: ұйқысыздық (ұйықтау бұзылыстарын және интрасомниялық бұзылыстарды қоса), бас ауыруы.Жиі: жоғары тынысалу жолдарының инфекциялары, несеп шығару жолдарының инфекциялары, тұмау, гиперпролактинемия, ажитация, депрессия, мазасыздық, гипергликемия, дене салмағының артуы, дене салмағының төмендеуі, қандағы триглицеридтер жоғарылауы, паркинсонизм (акинезия, брадикинезия, «тісті дөңгелек» типі бойынша сіресу, сілекей бөлінуі, экстрапирамидалық симптомдар, глаберальді рефлекстің ауытқуы, бұлшықеттердің сіресуі, бұлшықеттегі бөгелу, қаңқа-бұлшықеттің қимылсыздығын қоса), акатизия (гиперкинезия, аяқтың мазасыздық синдромын, мазасыздықты қоса), седация/ұйқышылдық, дистония, бас айналуы, қимыл бұзылыстары, тремор, брадикардия, тахикардия, артериялық қысымның жоғарылауы, жөтел, мұрынның бітелуі, іштің жоғары бөлігінің ауыруы, құсу, жүрек айнуы, іш қатуы, диарея, диспепсия, тіс ауыруы, трансаминазалардың жоғарылауы, бөртпе, қаңқа-бұлшықет ауыруы, арқаның ауыруы, қызба, астениялық бұзылыстар, шаршау, енгізген жердегі реакциялар (ауыруы, қышыну, инъекция орнының тығыздалуы).Жиі емес: қандағы лейкоциттер деңгейінің төмендеуі, анемия, гематокрит төмендеуі, эозинофилдер санының жоғарылауы, аса жоғары сезімталдық, жүрекше фибрилляциясы, атриовентрикулярлы блокада, электрокардиограммадағы QT аралығының ұзаруы, постуральді ортостатикалық тахикардия синдромы, электрокардиограммадағы бұзылыстар, жүрек қағысының жиілеуі, гипотензия, ортостатикалық гипотензия, диспноэ, өкпедегі қан іркілісі, обструктивті синдром, фаринголарингеальді ауыру, мұрыннан қан кету, асқазан аймағындағы жайсыздық, гастроэнтерит, ауыздың құрғауы, метеоризм, бауыр ферменттері деңгейінің жоғарылауы, есекжем, қышыну, алопеция, экзема, терінің құрғауы, эритема, акне, беттің ісінуі, ісіну (соның ішінде жайылған ісіну, шеткергі ісіну, жұмсақ ісіну), жүрудің бұзылуы, кеуде қуысының ауыруы, кеуде қуысындағы жайсыздық, жалпы әлсіздік.Маңызды! Мұнда жағымсыз реакциялардың қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Ішке, аш қарынға немесе таңғы аспен бірге, және препаратты қабылдаудың осы нұсқасын кезектестірмеу керек (яғни, аш қарынға немесе тамақтан кейін). Таблеткаларды сұйықтықпен іше отырып, тұтас жұту керек, шайнауға, бөлуге немесе сындыруға болмайды. Шизофрения, 15 жастан асқан балалар: 3 мг күніне бір рет. Ең жоғары тәуліктік дозасы дене салмағы 51 кг төмен балаларға 6 мг құрайды; дене салмағы 51 кг жоғары балаларға - 12 мг. Дозаны түзету тек пациенттің жеке қажеттілігі негізінде клиникалық жағдайын қайта бағалаудан кейін ғана жүзеге асырылады. Дозаны ұлғайту үшін көрсетілім болған кезде, тәулігіне 3 мг қадаммен, және әдетте 5 күн немесе одан жоғары аралықпен дозасын ұлғайтуды жүргізу ұсынылады. Шизофрениядан басқа 15 жасқа дейінгі балаларға таблетка түрінде және 18 жасқа дейінгі балаларға инъекциялық түрін қолдану қарсы көрсетілген.