Кетамин¹ (Ketamine)

Қолдану көрсеткіштері

Балаларда және ересектердегі кейбір айрықша жағдайларда қысқа диагностикалық немесе емдік араласулар жүргізу үшін монотерапия ретінде: наркозға енгізу және оны сақтап тұру. Жалпы наркоз жасау үшін (әсіресе бензодиазепиндермен) қолданылатын басқа препараттармен біріктірілген азайтылған дозада. Жергілікті анестезияның кез келген түрімен біріктіруге болады. Кетамин қолдану көрсетілген арнайы көрсетілімдер (монотерапияда немесе басқа препаратпен біріктіріп): ауырсынумен жүретін емшаралар (мысалы, күйіктері бар науқаста таңғышты ауыстыру); нейродиагностикалық емшараларда (пневмоэнцефалография, миелография, вентрикулография); эндоскопия; көру ағзаларына кейбір емшаралар; мойын немесе ауыз қуысы аумағындағы хирургиялық араласулар; оториноларингологиялық араласулар; гинекологиялық экстраперитонеальді араласулар; акушерлік араласулар, кесарь тілігі операциясы үшін наркозға енгізу; ортопедия мен травматологиядағы араласулар; кетаминнің жүрекке және қан айналымына әсер ету ерекшеліктеріне байланысты: гипотониясы бар, шок жағдайындағы науқастарда наркоз жасау; препаратты бұлшықет ішіне енгізу дұрыс болатын науқастарға наркоз жүргізуде (мысалы, балаларда).

Клинические протоколы:

Қарсы көрсеткіштері

Препараттың белсенді затына немесе компоненттерінің қандай да біріне аса жоғары сезімталдық: ауыр немесе нашар бақыланатын гипертония (тыныштықтағы АҚ > 180/100 мм сын. бағ.), артериялық қысымның көтерілуі жағдайды нашарлата түсетін науқастарға (іркілісті жүрек жеткіліксіздігі, ауыр жүрек - қантамырлық бұзылыстар, бассүйек - ми жарақаты, ми ісіктері, бассүйекішілік қан құйылу, инсульт); эклампсия немесе преэклампсия; жеткілікті емделмеген немесе емделмеген гипертиреоз; анамнезінде құрысулардың болуы; психикалық аурулар (шизофрения, жедел психоз).

Қауіпсіздік шаралары

Тұрақсыз стенокардия мен миокард инфарктісінен кейін 6 ай ішінде, бассүйекішілік қысым көтерілгенде, глаукомада немесе көзге өткен жарақатта пайда мен қауіп арақатынасын бағалаудан соң сақтық шарасын қадағалаумен тағайындалады. Гипертониясы немесе жүрек жеткіліксіздігі бар науқастарда наркоз кезінде жүрек қызметіне тұрақты мониторинг жасау қажет. Көмейге, жұтқыншаққа немесе трахеяға араласуларда миорелаксанттармен үйлестіріп, тыныс алуды мұқият бақылау қажет. Алкогольмен уыттанғанда ерекше сақтықпен қолданылу керек. Жатыр бұлшықеттерін толық босаңсыту қажет болатын акушерлік араласулар үшін монотерапияда кетамин енгізу көрсетілмеген. Көру мүшесіне жасалатын диагностикалық немесе емдік араласуларда жергілікті анальгетиктер қолдану көрсетілмеген. Монотерапияда кетаминді қолданғаннан кейін 12 сағат ішінде көлік құралын жүргізуге болмайды.Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дәрілік заттармен өзара әрекеттесуі

Барбитураттар және жалпы ингаляциялық анальгезиялық препараттар, фторланған көмірсутектер (фторотан, энфлуран, изофлуран, метоксифлуран) - кетаминнің әсер ету ұзақтығын арттырады.Барбитураттар, апиындар - кетамин нейробұлшықеттік әсерін арттырады. Тубокурарин, эргометрин - кетамин әсерін күшейтеді.Ұйықтататын дәрілер (әсіресе, бензодиазепиндер туындылары) немесе нейролептиктер - кетаминнің әсер ету ұзақтығын ұлғайтып, жағымсыз әсерлердің пайда болу ықтималдығын азайтады.Тиреоидты гормондар - артериялық қысымның көтерілуі мен тахикардия байқалуы мүмкін.Аминофиллин - құрысу шегі төмендеуі мүмкін.Кетамин басқа анестетиктермен және миорелаксанттармен үйлесімді. Кетамин барбитураттармен және диазепаммен фармацевтикалық тұрғыда үйлесімсіз (шөгіндінің түзілуі), сондықтан препараттарды бір еккіште немесе инфузияда араластыруға болмайды.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Жүктілік

Ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін. Акушерлік анестезияларда аз дозаларды қолданған жөн. Дене салмағына 2 мг/кг және одан да көп доза жаңа туған нәресте тынысының тарылуына әкелуі мүмкін.

Емізу

Кетаминнің ана сүтіне енуі жөнінде деректер жоқ.

Жағымсыз әсерлері

Жиі: артериялық қысымның және жүректің жиырылу жиілігінің жоғарылауы. Артериялық қысымның барынша артуы (20 - 25 %) препаратты к/і енгізгеннен кейін бірнеше минуттан соң байқалады, бірақ 15 минуттан соң АҚ бастапқы қалпына келеді; жылдам енгізгенде немесе артық дозаланғанда - тыныстың тарылуы немесе тоқтауы.Сирек: есін жинау кезінде айшықты түстер көру, көзге көрінетін елестеулер, эмоциональді бұзылулар, делирий, психомоторлық қозу, абыржу сезімі болады; диплопия, нистагм, көзішілік қысымның орташа көтерілуі; брадикардия, аритмия, гипотония; ларинго түйілу; тәбеттен айырылу, жүрек айну, құсу, сілекейдің ағуы; сирек инъекция жасаған жердің ауыруы, бөрту, транзиторлы эритемажәне/немесе қызылша тәріздес бөртпе; анафилактоидтық реакция; Қысқа кезең ішінде қайталап қолданғанда, әсіресе кішкентай балаларда препаратқа төзімділік анықталған.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Балаларға.Негізгі наркоз үшін: бұлшықет ішіне, жаңадан туылған және емізулі балалар 8-12 мг/кг, 1 жастан 6 жасқа дейінгі балалар - 6-10 мг/кг, 7-14 жас - 4-8 мг/кг.Әр түрлі біріктірілген ауырсыну түрлерінде енгізу наркозында: бұлшықетішіне 5 % ерітінді түрінде 4- 5 мг/кг есебімен бір реттік енгізеді (сәйкес премедикациядан кейін).Анестезияны демеу: бұлшықет ішіне қайталама инъекция түрінде 3- 5 мг/кг немесе көктамыр ішілік сорғалатып 0,5- 1 мг/кг, тамшылату жолымен көктамыр ішіне 0,1 % ерітіндіні минутына 30- 60 үздіксіз тамшылатып енгізу.Балалар: к/і - ауырсынуы бар емшарада анестезиялау: 1 ай- 18 жас- 1 - 2 мг/кг бір реттік доза ретінде; қысқа емшараға анестезия: 60 секундтан кем емес инъекция, жаңадан туылған балалар: 1- 2 мг/кг; 1 ай- 12 жас- 1- 2 мг/кг; 12- 18 жас- 1- 4,5 мг/кг (2 мг/кг хирургиялық анестезияда 5- 10 мин шақырады); анестезияны демеу: к/і жаңадан туылған балалар- бастапқыда 0,5- 2 мг/кг, содан үзіліссіз инфузия түрінде 8 мг/кг/мин жауаппен реттеледі; терең наркоз 30 мкг/кг/мин; 1 ай- 18 жас- 0,5 - 2 мг/кг, содан кейін 10- 45 мкг/кг/мин б/і жауаппен реттеледі: жаңадан туылған балаға 4 мг/кг (15 хирургиялық анестезияға); 1 ай- 18 жас- 4 - 13 мг/кг (кейбір диагностикалық емшара үшін 4 мг/кг жеткілікті); 10 мг/кг 12- 15 минуттық хирургиялық анестезияны шақырады).Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.

Бөлімді таңдау

N01AX03 Кетамин¹ (Ketamine)