M05BX03 Стронций ранелаты (Strontium ranelate)

Белсенді затқа немесе кез келген қосалқы затқа жоғары сезімталдық; веналық тромбоэмболия (ВТЭ) немесе анамнезінде ВТЭ бар пациенттер (оған қоса терең веналар тромбозы және өкпе артериясының тромбоэмболиясы); ЖИА, оның ішінде анамнезінде ЖИА бар науқастар; бақыланбайтын артериялық гипертензия; шеткері артериялардың облитерациялық аурулары және/немесе цереброваскулярлы аурулар, оның ішінде осы аурулардың анамнезінде болуы ; тұрақты немесе уақытша иммобилизация (мысалы, операциядан кейінгі кезеңде қатаң төсек режимін сақтау кезінде немесе басқа себеппен).

• Ем бастар алдында және одан кейін (әрбір 6-12 ай сайын) дәрігерлер жүрек-қантамыр ауруларының даму қаупіне ұдайы баға беруі керек. • Жүрек-қантамыр аурулары даму даму қаупінің айқын факторлары бар пациенттерге (мысалы, артериялық гипертензия, гиперлипидемия, қант диабеті, темекі шегу) стронций ранелатын пайда және қауіп арақатынасын мұқият қарастырғаннан кейін ғана тағайындауға болады.• Фенилкетонуриямен ауыратын пациенттерге қолданбаған жөн.• Препарат қандағы және несептегі мөлшерін бағалаудың колориметрлік тәсілдері нәтижесіне ықпал етеді. Осыған байланысты кальцийдің қандағы және несептегі концентрацияларын дәл бағалау үшін индукциялық-байланысқан плазмалы атомдық эмиссиялық спектрометрия немесе атомдық абсорбциялық спектрометрия сияқты тәсілдерді пайдалану керек. • ВТЭ қауіп тобының пациенттерін немесе ВТЭ ықтимал жоғарғы қаупі бар пациенттерді емдегенде спецификалық белгілерге және ВТЭ симптомдарына, сондай-ақ осы асқынудың баламалы профилактикасын жүргізуге ерекше назар аудару керек.

Тағам өнімдері, атап айтқанда сүт және сүт өнімдері, сондай-ақ құрамында кальций бар дәрілік заттар - препараттың биожетімділігін төмендетеді,  препарат пен аталған заттарды қабылдау арасында  аралық сақтау керек (кемінде 2 сағат).Алюминий гидроксиді және магний - бір уақытта қолданғанда препараттың сіңірілуі төмендейді, қабылдау арасында  аралық сақтау керек (кемінде 2 сағат). Тәжірибеде бір уақытта қабылдауға жол беріледі.Тетрациклинді және хинолонды қатардағы антибиотиктер - бір уақытта қолданғанда препараттың сіңірілуі төмендейді, бір уақытта қабылдау ұсынылмайды; препаратымен емдеуді тоқтата тұру керек.

Ауыр дәрежедегі бүйрек жеткіліксіздігі бар пациенттерге  қауіпсіздік туралы деректердің жоқтығына байланысты  креатин клиренсі 30 мл/мин төмен болғанда  тағайындау ұсынылмайды.

Дозаны түзету талап етілмейді.

Жүктілік кезінде ұсынылмайды.

Лактация кезінде ұсынылмайды. Препарат емшек сүтімен бөлінеді.

Өте жиі: тері бөртпесі, қышыну, есекжем, ангиоэдеманы қоса тері тарапынан болатын аса жоғары сезімталдық реакциялары; бұлшықет түйілуін, миалгияны, сүйектегі ауырулар, артралгияны және қол-аяқтың ауыруын қоса сүйек-бұлшықет ауыруы.Жиі: бас ауыруы, бас айналуы, сананың бұзылуы, естен айрылу; парестезия; миокард инфаркті; жүрек айнуы, диарея, іш өту, құсу, іш аумағының ауыруы, гастроэзофагеальді рефлюкс, ас қорытудың бұзылуы (диспепсия), іш қату, гастроинтестинальді ауыру, метеоризм; экзема; веналық тромбоэмболия (ВТЭ); гиперхолестеринемия; ұйқысыздық; вертиго; бронхтың аса жоғары сезімталдығы; гепатит; шеткері ісіну; креатинфосфокиназа (КФК)а белсенділігінің жоғарылауы. Жиі емес: құрысулар; лимфаденопатия (терідегі аса жоғары сезімталдық реакцияларының пайда  болуымен бір уақытта); сананың шатасуы; ауыз шырышты қабығының тітіркенуі, оған қоса стоматит және/немесе ауыз қуысы шырышты қабығының ойық жаралануы; ауыздың құрғауы; қан сарысуындағы трансаминазалар деңгейінің жоғарылауы (терідегі аса жоғары сезімталдық реакцияларының пайда  болуымен бір уақытта); дерматит, алопеция; дене температурасының көтерілуі (терідегі аса жоғары сезімталдық реакцияларының пайда болуымен бір уақытта); дімкәстік Сирек: сүйек кемігінің жеткіліксіздігі; эозинофилия (терідегі аса жоғары сезімталдық реакцияларының пайда  болуымен бір уақытта); дәрі-дәрмектен болған бөртпе, эозинофилиямен және жүйелі симптомдарымен (DRESS-синдром).Өте сирек: ауыр тері реакция жағдайлары, оған қоса Стивенс-Джонсон синдромы, уытты эпидермальді некролиз.

18 жасқа дейінгі балалар мен жасөсірімдерге  тиімділігі мен қауіпсіздігі туралы мәліметтердің жоқтығына байланысты қарсы көрсетілген.