L04AA23 Натализумаб (Natalizumab)
Қолдану көрсеткіштері
Қайталанатын ремиттирлеуші склерозы бар пациенттердің мынадай топтарын емдеу үшін ересектердегі ауру модификациялайтын терапияда (АМТ) монотерапия ретінде:- толық және адекватты емдеу курсына қарамастан, ең кемі бір, ауру модификациялайтын терапияда (АМТ) (DMT) ауруының жоғары белсенділігі бар пациенттернемесе- бір жыл ішінде екіден кем емес өршуі немесе аурудың көбірек мүгедектікке ұшырататын қайталанулары байқалған ремиттирлеуші жайылған склероздың қайталанатын ауыр түрі тез дамитын және мидың МРТ-да гадолиний жинақталған 1 немесе одан да көп ошағы немесе жуырдағы алдыңғы МРТ-мен салыстырғанда, Т2-ошақтарының саны жағынан мидың ошақтық зақымдануының жалпы көлемінің едәуір ұлғаюы бар пациенттер.
-
Клинические протоколы:
- Оптиконевромиелит. Болезнь Девика
- Рассеянный склероз
Қарсы көрсеткіштері
Препараттың кез-келген компонентіне жоғары сезімталдық; 65 жастан асқан пациенттер; үдемелі мультифокальді лейкоэнцефалопатия; оппортунистік инфекциялардың болуы, әлсізденген иммунитет (соның ішінде иммуносупрессивті әсері бар заттарды, мысалы, митоксантрон немесе циклофосфамидті қабылдаған немесе қабылдап жүрген пациенттер); глатирамер ацетаты немесе интерферон-бетамен біріктіріп ем жүргізу; терінің негізгі жасушалық карциномаларын қоспағанда, белсенді қатерлі жаңа түзілімдердің болуы.
Қауіпсіздік шаралары
Тек дәрігердің бақылауымен қолдану.Келесі жағдайларда терапияны тоқтату:- үдемелі мультифокальді лейкоэнцефалопатия (ҮМЛ) дамуына күдіктенгенде; - оппортунистік инфекциялар дамуында.Пациенттерге қауіпсіздігі сипатталған және жағымсыз әсерлері көрсетілген ескерту қағазын беру керек. Екі жыл өткеннен кейін пациенттерге терапия қаупі туралы қайталама ақпарат беру керек.Емнің 6 айлық курсынан кейін оң әсер болмағанда емді жалғастырудың дұрыстығын мұқият бағалау керек.Препараттың нұсқаулығына сәйкес пайдалану және жою кезінде сақтық шараларын және қауіпсіздікті сақтау.Автокөлік және қауіпсіздігі жоғары механизмдерді басқару қабылетіне әсер етпейді немесе болмашы әсер етеді.
Дәрілік заттармен өзара әрекеттесуі
Басқа дәрілік заттармен араластыруға болмайды. Интерферон бета немесе глатирамер ацетат - біріктірілімі қарсы көрсетілген.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.
Бүйрек жеткіліксіздігі
Бүйрек функциясының көрсеткіштері қалыпты жағдайға жақын болғанда, дозасын түзету талап етілмейді. Елеулі бұзылыстары кезінде, қолдану ұсынылмайды.
Бауыр жеткіліксіздігі
Бауыр функциясының көрсеткіштері қалыпты жағдайға жақын болғанда, дозасын түзету талап етілмейді. Елеулі бұзылыстары кезінде, қолдану ұсынылмайды.
Жүктілік
Қарсы көрсетілген. Жоспарланбаған жүктілік дамыған кезде, препаратты қабылдауды тоқтату.
Емізу
Ұсынылмайды.
Жағымсыз әсерлері
Жиі: бас ауыруы, бас айналуы; жүрек айнуы, құсу; артралгия; несеп шығару жолдарының инфекциялары; назофарингит; қалтырау, қызба, шаршағыштық, бөртпе, есекжем, гиперемия.Жиі емес: жоғары сезімталдық реакциялары, артериялық гипотензия, гипертензия, кеуде артының ауыруы, кеуде артындағы жайсыздықты сезіну, ентігу, ангионевротикалық ісіну, диарея; оппортунистік инфекциялар мен үдемелі мультифокальді лейкоэнцефалопатияны қоса инфекциялар; бауыр қызметінің ауыр бұзылыстары, бауыр ферменттері белсенділігінің жоғарылауы, гипербилирубинемия; лимфоциттер, моноциттер, эозинофилдер, базофилдер, эритроциттердің ядролық түрлерінің жоғарылауы, гемоглобиннің төмендеуі.
Балаларда қолданылуы
18 жасқа дейінгі балаларға қарсы көрсетілген.