L04AA13 Лефлуномид (Leflunomide)

Лефлуномидке немесе препараттың басқа компоненттеріне жоғары сезімталдық; иммунитет тапшылығының ауыр жағдайлары, соның ішінде ЖИТС; сүйек кемігі қан түзілуінің айқын бұзылыстары немесе басқа себептердің (ревматоидтық артриттен басқа) нәтижесіндегі анемия, лейкопения, тромбоцитопения; ауыр ағымдағы инфекциялар; ауыр гипопротеинемия, соның ішінде нефроздық синдром кезінде; емдеу кезінде немесе емдеуден кейін сенімді контрацепцияны қолданбайтын ұрпақ өрбіту жасындағы әйелдер, қан плазмасындағы белсенді метаболиті А771 726 деңгейі 0,02 мг/л артық болған жағдайда; тұқым қуалайтын лактозаны, галактозаны көтере алмаушылық, лактаза тапшылығы, глюкоза және галактоза мальабсорбциясы синдромы. Лефлуномидті қабылдау кезінде тірі вакциналармен вакцинациялау ұсынылмайды.

Ойық жаралы стоматит жағдайында лефлуномидті қабылдауды тоқтату керек. Емдеу барысында алкагольді ішуден аулақ болу ұсынылады. Ауыр гематологиялық реакциялар, соның ішінде панцитопения жағдайында, препаратпен кез келген бір мезгілде қолданылып жүрген миелосупрессивтік препараттарды тоқтату және лефлуномидті шайып шығару емшараларын бастау керек. Ауыр, бақыланбайтын инфекциялар дамыған жағдайда, лефлуномидпен емдеуді тоқтата тұру және шайып шығару емшарасын бастау қажет болуы мүмкін. Туберкулез реактивациясы қаупіне байланысты, туберкулинге реактивтілігі бар науқастарға мұқият мониторинг қажет. Жағымсыз әсерлері байқалған жағдайларда науқас көлік құралы мен қауіпті механизмдерді басқаруда сақ болуы керек.Маңызды! Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Гепатоуытты немесе гематоуытты дәрілік заттар - жағымсыз реакциялардың күшеюі. Метотрексат - бауыр ферменттері белсенділігінің 2-3 есе артуына алып келеді. Холестирамин, белсендендірілген көмір - лефлуномидтің белсенді метаболитінің плазмалық концентрациясының жылдам және елеулі төмендеуіне алып келеді (қолдану ұсынылмайды). Фенитоин, варфарин, фенпрокумон және толбутамид - сақтықпен қолдану. Вакцинация - қолдану ұсынылмайды.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Ауыр және орташа бүйрек жеткіліксіздігі кезінде қарсы көрсетілген.

Бауыр қызметінің ауыр бұзылыстары кезінде қарсы көрсетілген. АЛТ (ГПТ) жоғарғы қалып шегімен салыстырғанда 2-3 есе артқан жағдайда, дозасын 20 мг-нан 10 мг дейін төмендету және ферменттер белсенділігін апта сайын бақылау қажет болуы мүмкін. Егер АЛТ (ГПТ) жоғарғы қалып шегінен екі еседен артық жоғарылауы сақталса немесе АЛТ жоғарғы қалып шегінен жоғарылауы үш еседен артық болса, онда препаратты тоқтату және оны ағзадан шайып шығару емшарасын бастау керек.

Қарсы көрсетілген.

Қарсы көрсетілген.

Өте жиі: лейкопения, аллергиялық реакциялар, тәбеттің жоғалуы, диарея, жүрек айнуы, құсу, іштің ауыруы, аз мөлшерде салмақ жоғалту, шаршау (әлсіздік), бас ауыруы, бас айналуы, парестезиялар, артериялық қысымның орташа жоғарылауы, ауыз қуысының шырышты қабығының эрозиялы-ойық жаралы зақымданулары, бауыр қызметі көрсеткіштерінің (трансаминаза, әсіресе, АЛТ, сирек - гамма-глутамилтрансфераза (гамма - ГТ), сілтілік фосфатаза, билирубин жоғарылауы, креатинфосфокиназа (КФК) деңгейінің жоғарылауы, шаш түсуінің күшеюі, экзема, терінің құрғауы, бөртпе, қышыну, тендовагинит, сіңірлердің үзілуі.Жиі: эритроциттер мен тромбоциттер санының азаюы, калий деңгейінің, қандағы фосфаттардың төмендеуі, мазасыздық, қатты үрейлену, дәм сезудің бұзылуы, есекжем, қандағы холестерин, триглицеридтер деңгейінің жоғарылауы.Сирек: эозинофилия, лейкопения, панцитопения, артериялық қысым жоғарылауының ауыр түрі, бауыр жеткіліксіздігі (гепатит, холестаз, сарғаю), өліммен аяқталуы мүмкін жедел бауыр некрозы, инфекцияларға сезімталдықтың, соның ішінде оппортунистік инфекцияларға сезімталдықтың артуы (атап айтқанда, ринит, бронхит және пневмония), сондай-ақ ауыр инфекциялар, соның ішінде өліммен аяқталуы мүмкін сепсис, өкпенің интерстициальді ауруы, соның ішінде өліммен аяқталуы мүмкін интерстициальді пневмонит.Өте сирек: агранулоцитоз, ауыр аллергиялық реакциялар, Стивенс-Джонсон синдромы, уытты эпидермальді некролиз, мультиформалы эритема, васкулит, шеткергі нейропатия, панкреатит.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Ревматоидты артрит

Емдеу, әдетте, тәулігіне бір рет 3 күн бойы 100 мг лефлуномидтің жүктеме дозасын қолданудан басталады. Жүктеме дозаны жіберіп алған жағдайда жағымсыз реакциялардың туындау қаупі төмендеуі мүмкін.

Ұсынылған демеуші доза аурудың ауырлық дәрежесіне (белсенділігіне) байланысты тәулігіне бір рет 10 мг-ден 20 мг дейін лефлуномидті құрайды.

Псориаздық артрит

Емдеуді 100 мг лефлуномидтің жүктеме дозасын тәулігіне бір рет 3 күн бойы қолданудан бастайды.

Ұсынылған демеуші доза тәулігіне бір рет 20 мг лефлуномидті құрайды.

Терапиялық әсер әдетте 4-6 аптадан соң байқалады және әрі қарай 4-6 айға дейін артуы мүмкін.

18 жасқа дейінгі балаларға қарсы көрсетілген. 18 жасқа дейінгі балаларда тиімділігі мен қауіпсіздігі анықталмаған, препаратты қолдану бойынша ұсынымдары жоқ.