L02BA03 Фулвестрант (Fulvestrant)
Қолдану көрсеткіштері
Менопаузадан кейінгі кезеңде әйелдердің сүт бездерінің эстроген-рецепторы оң жергілікті-таралған немесе метастаздық обырын емдеу үшін монотерапия ретінде: бұрын эндокриндік ем қабылдамаған, немесе адъювантты антиэстрогендік ем қабылдау аясында немесе одан кейін ауру қайталанғанда немесе антиэстрогендік ем қабылдау аясында ол үдегенде.
Мұның алдындағы эндокриндік емнен кейін әйелдерде сүт бездерінің гормонды рецептор бойынша оң (HR+), адамның 2-ші типті эпидермалық өсу факторының рецепторы бойынша теріс (HER2-), жергілікті кең таралған немесе метастаздық обырын емдеу үшін палбоциклибпен біріктіріп.
Әйелдерде пре- немесе перименопауза кезеңінде палбоциклибпен біріктірілген ем лютеиндеуші гормон рилизинг агонистін (ЛГРГ) тағайындаумен қоса жүруі тиіс.
-
Клинические протоколы:
- Рак молочной железы
Қарсы көрсеткіштері
Фулвестрантқа немесе препараттың кез келген компонентіне жоғары сезімталдық.
Қауіпсіздік шаралары
Препараттың құрамында этил спиртінің болуына байланысты, фулвестрантты алкоголизмнен зардап шегетін, эпилепсиясы, сондай-ақ бауыр ауруы бар пациенттерге қарсы көрсетілген. Препараттың қолдану әдісін ескере отырып, геморрагиялық диатез, тромбоцитопения немесе антикоагулянттарды қабылдайтын науқастарда сақ болған жөн.
Бауыр жеткіліксіздігі
Қарсы көрсетілген.
Жүктілік
Қарсы көрсетілген.
Емізу
Қарсы көрсетілген.
Жағымсыз әсерлері
Өте жиі: жүрек айнуы, астения, инъекция орнындағы реакциялар (гематома, транзиторлы ауырсынулар, қабыну реакциялары), бауырлық энзимдер белсенділігінің жоғарылауы (АЛТ, АСТ, сілтілік фосфатаза);Жиі: бас ауруы, құсу, билирубин деңгейінің жоғарылауы, диарея, анорексия, несеп шығару жолдарының инфекциялары, бөртпе, көктамырлық тромбоэмболия, ыстық сезіну («құйылулар»), жоғары сезімталдық реакциялары, белдің ауыруы;Жиі емес: бауыр жетіспеушілігі, гепатит, глутамилтранспептидаза деңгейінің жоғарылауы;Сирек: қынаптық кандидоз, қынаптық қан кету, ақ түсті етеккір, ісіну, есекжем, галакторея.
Көрсеткіштері, қолдану тәсілі мен дозалары
Ұсынылатын доза айына бір рет 500 мг құрайды, емнің алғашқы айында алғашқы дозадан кейін екі аптадан соң қосымша 500 мг доза беріледі.
Фулвафит препаратын палбоциклибпен біріктіргенде, сондай-ақ палбоциклибті қолдану жөніндегі нұсқаулықпен танысу ұсынылады.
Балаларда қолданылуы
18 жасқа дейінгі балаларға қарсы көрсетілген (берілген топ пациенттерінде қауіпсіздігі мен тиімділігі туралы деректер жоқ).