L01CA01 Винбластин¹ (Vinblastine)

Қолдану көрсеткіштері

Әр түрлі ісіктерді, соның ішінде лейкоздар, лимфомалар және кейбір қомақты ісіктерді (мысалы, сүт безі ісігі және өкпе ісігі) емдеу үшін.

Клинические протоколы:

Қарсы көрсеткіштері

Винбластинге немесе препараттың қосымша компоненттеріне жоғары сезімталдық, сүйек кемігі қызметінің айқын тежелуі, шығу тегі вирустық және бактериялық инфекциялық аурулар, жедел асқазан-ішек аурулары, тірі вакциналармен вакцинациялау, асқазан мен он екі елі ішектің ойық жаралы ауруы, аурудың терминальді сатысы.

Қауіпсіздік шаралары

Маңызды! Интратекальді, бұлшықетке және тері астына енгізу қарсы көрсетілген! Интратекальді енгізу өлімге алып келеді! Емнің алдын ала жазылған сызбасын және цитоуытты заттарды қолданудың (жеке қорғаныс заттарын қолдану және т.б.) жалпы сақтық шараларын сақтау аса маңызды. Егде жастағы пациенттерде, лейкопения, тромбоцитопения кезінде алдын ала немесе бір мезгілде жүргізілетін миелосупрессивті химиотерапия және сәулелік терапияда сақ болу керек. Емдеу кезінде лейкоциттер, тромбоциттер санына және гемоглобин деңгейіне жүйелі бақылау жүргізу қажет. Қарқынды күн сәулесінің түсуін болдырмау керек. Автокөлік және қауіптілігі жоғары механизмдерді басқарудан бас тарту қажет.

Дәрілік заттармен өзара әрекеттесуі

Ритонавир, нелфинавир, кетоконазол, эритромицин, циклоспорин, нифедипин және нефазодон - жағымсыз әсерлер ауырлығының ерте пайда болуы және/ немесе артуы. Итраконазол - винбластинмен бірге қабылдау кезінде нейроуыттылық әсерлерінің даму қаупі. Блеомицин - Рейно синдромы дамуы мүмкін. Аллопуринол, колхицин, пробеницид, сулфинпиразон - қандағы несеп қышқылы деңгейінің жоғарылау мүмкіндігі. Дигитоксин - дигитоксиннің қандағы деңгейі және тиімділігі төмендейді. Доксорубицин, преднизолон - винбластинмен бірге қолдану кезінде миелосупрессия қаупі жоғарылайды. Митомицин - тынысалу тежелуі, бронх түйілуі даму қаупінің артуы.

Бауыр жеткіліксіздігі

Сақтықпен қолдану, уыттылық көріністерінің қаупі жоғарылауы мүмкін. Қан сарысуындағы билирубин концентрациясы 51,3 мкмоль/л жоғары болғанда, дозасын 50% төмендету ұсынылады.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Өте жиі: лейкопения, гранулоцитопения, жүрек айнуы, құсу - алопеция, терідегі және ауыз қуысындағы іріңдеулер.Жиі: анемия, тромбоцитопения, миелосупрессия, парестезиялар, терең сіңір рефлекстерінің жойылуы, іштің қатуы, диарея, іштің ауыруы, ішектің салданып бітелуі, геморрагиялық энтероколит немесе бұрыннан бар ойық жарадан қан кету, анорексия.Жиі емес: депрессия, фарингит, жедел ентігу, тынысалу жеткіліксіздігі, несеп шығарудың ұсталуы, бүйрек жеткіліксіздігі, тромбоздық микроангиопатия, гиперурикемия, несеп-қышқылдық нефропатия, инъекция орнының ауыруы және қызаруы, препарат тері астына түскен кезде – тері асты шелмайларының қабынуы, флебит және экстравазация жағдайындағы болуы мүмкін некроз.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Тек көктамырға енгізуге арналған! Сорғалатып 1-2 минут бойы.Балаларға әдеттегі доза дене беткейінің 4 мг/м2-нан 5 мг/м2-қа байланысты аптасына немесе 2 аптада 1 рет. Күнділікті дозаларды біртіндеп арттыру режимі қолданылуы мүмкін, егер белгілі бір доза лейкоциттердің жалпы мөлшерін шамамен 3000/мкл дейін төмендетуге алып келсе, онда дозасын жоғарылатуды доғару керек.