L01BC05 Гемцитабин¹ (Gemcitabine)

Қолдану көрсеткіштері

Жергілікті таралған немесе өкпенің метастаздық ұсақ жасушалы емес обырында цисплатинмен біріктіріліміндегі бірінші желідегі терапия ретінде, сонымен қатар егде жастағы немесе 2-ге тең функционалдық статусы бар пациенттердегі монотерапияда.Резектабельді емес, жергілікті қайталанатын немесе сүт безінің метастаздық обырында оларды тағайындауға қарсы көрсетілімдері болмаған жағдайда, антрациклиндермен бірге неоадъювантты және/немесе адъювантты терапия жүргізілгеннен кейін паклитакселмен біріктірілген ем құрамында.Қуықтың жергілікті таралған немесе метастаздық обырында цисплатинмен біріктірілімде.Жергілікті таралған немесе аналық бездің метастаздық эпителиальді обырында платина негізіндегі алдыңғы терапиядан кейін қайталанбаған 6 айдан кем емес аралықтан кейінгі ауруы қайталанған пациенттерде карбоплатинмен біріктірілімде.Ұйқы безінің жергілікті таралған немесе метастаздық обыры.

Клинические протоколы:

Қарсы көрсеткіштері

Гемцитабинге немесе препараттың басқа компоненттеріне жоғары сезімталдық.

Қауіпсіздік шаралары

Препаратты әр енгізу алдында қандағы тромбоциттер, лейкоциттер мен гранулоциттер санын бақылау қажет. Сүйек кемігі қызметінің бәсеңдеу белгілері байқалған кезде емдеуді тоқтата тұру немесе дозасын түзету қажет. Қан құйылулар немесе қанталаулар пайда болған жағдайда препараттың көктамырішілік инфузиясын тез арада тоқтату керек. Инфузия уақытын және препараттың енгізу жиілігін арттыру уыттылығының жоғарылауына алып келеді.Сақтықпен қолдану: сүйек миындағы қантүзілім тежелуі кезінде (соның ішінде қатар жүретін сәулелік немесе химиотерапия аясындағы); шығу тегі вирустық, зеңдік немесе бактериялық жедел инфекциялық ауруларда; анамнезінде жүрек- қантамыр аурулары бар пациенттерде. Көлік құралы және қауіптілігі жоғары механизмдерді басқаруда сақ болу керек.

Дәрілік заттармен өзара әрекеттесуі

Колония-ынталандырушы факторлар - миелосупрессия даму қаупі жоғары болғандықтан ТАҒАЙЫНДАУДЫ БОЛДЫРМАУ. Клозапин - агранулоцитоз қаупінің артуы.Тірі вакциналар, мысалы - БЦЖ, қызылша, қызамық, полиомиелит, тұмауға қарсы вакциналар - иммундық жауаптың төмендеуі; жайылған инфекциялар дамуы мүмкін (толық ақпарат алу үшін дәрілік препараттың нұсқаулығына жүгініңіз).Варфарин - антикоагулянтты әсерінің күшеюі мүмкін.Ескерту: мұнда кейбір маңызды дәрілік заттардың өзара әрекеттесуі туралы қысқаша сипаттама келтірілген. Дәрілік заттар туралы қосымша ақпарат және өзара әрекеттесуі туралы ұсынымдар алу үшін өзара әрекеттесуі туралы ақпарат көздеріне немесе дәрілік заттың қолдану жөніндегі нұсқаулығына жүгініңіз.

Бүйрек жеткіліксіздігі

Сақтықпен қолдану.

Бауыр жеткіліксіздігі

Сақтықпен қолдану.

Жүктілік

Қарсы көрсетілген. Сперматогенезді тежейді, сондықтан ерлерге емдеу кезінде және емдеу аяқталғаннан кейін 6 ай аралығында контрацепцияның тиімді әдістерін пайдалану ұсынылады. Бедеулік даму мүмкіндігіне байланысты емдеу басында шәуетті криоконсервациялау мүмкіндігін де қарастыру керек.

Емізу

Қарсы көрсетілген.

Жағымсыз әсерлері

Цитоуытты дәрілік заттардың ортақ жағымсыз әсерлері: экстравазация, оральді мукозит, ісіктің лизис синдромы, гиперурикемия, жүрек айнуы және құсу, сүйек кемігінің тежелуі, таздану, тромбоэмболия.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

18 жасқа дейінгі балаларға қарсы көрсетілген.