L01BB05 Флударабин¹ (Fludarabine)

Белсенді затқа немесе кез келген қосымша затқа жоғары сезімталдық; декомпенсацияланған гемолиттік анемия.

Емдеу жүргізген кезде гематологиялық және гематологиялық емес (алдымен, неврологиялық) уыттылығын мұқият бақылау керек, анемия, нейтропения және тромбоцитопения анықтау үшін перифериялық қан көрсеткіштерін жүйелі бағалау керек, сонымен қатар қан сарысуына КК және креатининді бақылау керек.  Препарат ерітінділерін дайындағанда сақ болу керек, резеңке қолғап және қорғағыш көзілдірік пайдалану, препаратпен дем алуды болдырмау керек. Жүктілік кезінде медицина қызметкерлері препаратпен жұмыс істеуге жіберілмеуі тиіс. Шашылған немесе қалдық препаратты өрттеу керек. Ерітінді теріге тигенде оны сабынды сумен жуу қажет, көзге тигенде- сумен мұқият шаю керек. Қатты шаршағыштық, әлсіздік, көрудің нашарлауы, сананың шатасуы, қозу және тырысулар пайда болуына байланысты, автокөлік немесе басқа да қауіптілігі жоғары механизмдерді басқарудан бас тарту керек.

Пентостатин – өлімге алып келетін, жоғары өкпелік уыттылық. Дипиридамол және аденозиннің кері ұсталуының басқа да тежегіштері - флударабиннің терапевтикалық тиімділігін төмендетеді. Парентеральді ерітінділер - флударабин ерітіндісімен АРАЛАСТЫРМАУ.

Креатинин клиренсі 30 мл/ мин-нан 70 мл/мин аралығында - мұқият мониторинг жүргізумен, дозасын 50% төмендету. Креатинин клиренсі 30 мл/мин төмен болғанда - ҚАРСЫ КӨРСЕТІЛГЕН.

Сақтықпен қолдану.

Қарсы көрсетілген.

Қарсы көрсетілген.

Өте жиі: инфекциялар/оппортунистік инфекциялар (мысалы, жасырын вирустардың, соның ішінде, герпес және Эпштейн-Барр вирустарының  қайта белсендірілуі, үдемелі мультифокальді лейкоэнцефалопатия), пневмония, нейтропения, тромбоцитопения және анемия, жөтел, жүрек айну, құсу, диарея, дене температурасының жоғарылауы, әлсіздік;Жиі: препаратты алкилдеуші цитоуытты дәрілермен, топоизомераза тежегіштерімен немесе радиотерапиямен емдеуге дейін, емдеуден кейін немесе бір мезгілде қабылдаған пациенттердегі миелодиспластикалық синдром (МДС) / жедел миелоидты лейкоз (ЖМЛ), миелосупрессия, анорексия, перифериялық нейропатия, көрудің бұзылуы, стоматит, терілік бөртпе, қалтырау, әлсіздік, ісінулер, мукозит, жайсыздық сезімі;Жиі емес: аутоиммундық бұзылыстар (соның ішінде аутоиммундық гемолиттік анемия, тромбоцитопениялық пурпура, пемфигус, Эванс синдромы, жүре пайда болған гемофилия, күлдіреуік), ісіктің ыдырау синдромы (бүйрек жеткіліксіздігі, метаболиттік ацидоз, гиперкалиемия, гипокальциемия, гиперурикемия, гематурия, уратты кристаллурия және гиперфосфатемия), сананың шатасуы, өкпелік фиброзды қоса, өкпелік уыттылық, пневмонит, демікпе, асқазан- ішектік қан кетулер, бауыр және ұйқы безі ферменттері көрсеткіштерінің бұзылуы;Сирек: лимфопролиферативті бұзылыстар (Эпштейн-Барр вирусымен байланысты), қозу, тырысулар, кома, көру жүйкесінің невриті, көру нейропатиясы және соқырлық, жүрек жеткіліксіздігі, аритмия, тері обыры, Стивенс - Джонсон синдромы, уытты эпидермалдық некролиз (Лайелл синдромы).Маңызды!  Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Тиімділігі мен қауіпсіздігі туралы деректердің жеткіліксіздігіне байланысты 18 жасқа дейінгі балаларға қарсы көрсетілген.