J06BB01 Иммуноглобулин Анти-D(Rh) (Anti-D(rh) immunoglobulin)

Әсер етуші затына немесе препарат компоненттерінің кез келгеніне жоғары сезімталдық, адамның иммуноглобулиндеріне жоғары сезімталдық; бұлшықет ішіне енгізу әдісін ауыр тромбоцитопениямен немесе басқа гемостаз бұзылуларымен ауыратын адамдарға қолдануға болмайды; қан сарысуында Rh-антиденелері табылған Rho(D) антигеніне сенсибилизацияланған босанғаннан кейінгі Rh-теріс әйелдер; жаңа туған нәрестелер.

Босанғаннан кейінгі қолдану кезінде анти-D иммуноглобулині анаға енгізуге арналған.

Препарат Rh(D) оң адамдарда немесе Rh(D) антигенімен иммунизацияланған/сенсибилизацияланған адамдарда қолдануға арналмаған.

Препаратты жаңа туған нәрестелерге тағайындауға болмайды.

Аса жоғары сезімталдық

Егер аллергиялық немесе анафилаксиялық реакция симптомдары пайда болса, препаратты енгізуді дереу тоқтату керек.

Анти-D иммуноглобулинге аллергиялық реакциялар тіпті алдыңғы дозаларға көтерімділігі жақсы болған пациенттерде де болуы мүмкін. Пациенттерге аса жоғары сезімталдық реакцияларының алғашқы белгілері, соның ішінде есекжем, жайылған есекжем, кеуде қуысының қысылуы, ентігу, гипотония және анафилаксия туралы хабарлау керек.

Тірі вирустық вакциналармен белсенді иммунизациялауды (мысалы, қызылша, қызамық, эпидемиялық паротит немесе желшешекке қарсы вакциналармен) адамның антирезус иммуноглобулинін соңғы енгізгеннен кейін үш айға шегеру керек, өйткені тірі вирустық вакцинаның тиімділігі төмендеуі мүмкін.

Адамның антирезус иммуноглобулинін тірі вирустық вакцина енгізуден кейін 2-4 аптадан кейінгі кезеңде енгізу қажет болса, бұндай вакцинацияның тиімділігі жеткіліксіз болуы мүмкін.

Антиденелердің эритроцитарлы антигендерге, мысалы А, В, Rh(С), Rh(D) пассивті берілуі эритроциттерге антиденелерге жүргізілген кейбір серологиялық зерттеулерінің нәтижелеріне, мысалы, антиглобулинді тест (Кумбс реакциясы), атап айтқанда, аналарына антенатальді профилактика жүргізілген Rh(D)-оң жаңа туған нәрестелердегі әсер етуі мүмкін.

деректер жоқ

деректер жоқ

Бұл дәрілік препарат жүктілік кезінде қолдануға арналған.

Босанғанға дейін препаратты 300 мкг дозада қабылдаған 432 әйелден туған балаларда зерттеліп отырған препаратты енгізумен байланысты жағымсыз құбылыстар тіркелген жоқ.

Бұл дәрілік препаратты бала емізу кезінде қолдануға болады.

Иммуноглобулиндер адамда емшек сүтімен бөлініп шығады.

Емдеу кезінде байқалған анағұрлым күрделі жағымсыз реакцияларға, тіпті егер пациентте алдыңғы енгізу кезінде ешқандай аса жоғары сезімталдық реакциялары болмаса да, аса жоғары сезімталдық немесе сирек жағдайларда артериялық қысымның күрт төмендеуіне және анафилаксиялық шокқа дейін үдеуі мүмкін аллергиялық реакциялар кіреді.

Анти-D иммуноглобулинді бұлшықет ішіне енгізгенде енгізу орнының ауыруы және жоғары сезімталдығы болуы мүмкін.

Жиі емес:

• бас ауыруы
• тері реакциялары, эритема, қышыну
• қызба, жайсыздық сезіну, қалтырау

Сирек:

• аса жоғары сезімталдық, анафилаксиялық шок
• тахикардия
• артериялық гипертензия
• ентігу
• жүрек айнуы, құсу
• артралгия
• енгізу орнындағы: ісіну, ауыру, эритема, тығыздану, ысыну сезіну, қышыну, бөртпе

Анти-D иммуноглобулиннің дозасын Rh(D)-позитивті эритроциттердің әсер ету дәрежесіне байланысты және 0,5 мл Rh(D)-позитивті эритроциттер немесе 1 мл Rh(D)-позитивті қан шамамен 10 микрограмм (50 ХБ) анти-D иммуноглобулинді бейтараптандыратынын ескере отырып есептеу керек.

Rh(D)-теріс әйелдерде Rh(D) изоиммунизациясының профилактикасы:

• Жүктілікке дейінгі профилактика: жалпы қабылданған ұсынымдар вена ішіне немесе бұлшықет ішіне бір реттік 300 микрограмм (1500 ХБ) дозасын енгізуді талап етеді.
• Босанғаннан кейінгі профилактика: жалпы қабылданған ұсыныстарға сәйкес, вена ішіне немесе бұлшықет ішіне 300 микрограмм (1500 ХБ) бір реттік дозасын енгізу керек. Вена ішіне енгізу үшін, егер ұрық қанының анасының қанына ауқымды қан кетуін болдырмау мүмкін болса, ең аз дегенде 200 микрограмм доза жеткілікті болуы мүмкін.

Енгізу әдісі және жолы

Вена ішіне немесе бұлшықет ішіне қолдануға арналған.

Барлық қан препараттары сияқты, енгізгеннен кейін пациенттер кем дегенде 20 минут бақылауда болуы керек.

Қолданар алдында бөлме температурасында (шамамен 25˚C) бірнеше минут ұсталуы керек.

Балалардағы қауіпсіздігі мен тиімділігі анықталмаған.

Үйлесімсіз қан құйған жағдайдағы доза құйылған резус-оң Rh(d) қанның немесе резус-оң эритроциттік массаның көлеміне байланысты болғандықтан, балалар мен жасөспірімдерде (0-18 жас) ұсынылатын дозасы ересектердегі осындайдан өзгешеленбейді деп есептеледі. Алайда қажетті дозасын гемотрансфузиологпен келісіп анықтау керек.