J05AG01 Невирапин¹ (Nevirapine)

Қолдану көрсеткіштері

Антиретровирустық біріктірілген ем құрамында АИТВ- инфекциясын емдеу және алдын алу.

Клинические протоколы:

Қарсы көрсеткіштері

Невирапинге және препараттың басқа компоненттеріне жоғары сезімталдық; қоздырғыш сезімталдығының болмауы; анамнезінде бөртпе және жалпы симптомдар түрінде невирапинге асқын сезімталдық реакциясымен жүрген, және препаратты қабылдауды тоқтату қажет болған пациенттерге қайталап тағайындау; тұқым қуалайтын лактозаны көтере алмаушылық, галактоземия, LAPP-лактаза ферменті тапшылығы, глюкоза-галактоза мальабсорбциясы бар пациенттер.

Қауіпсіздік шаралары

Невирапинмен емдеудің алғашқы 18 аптасы ішінде өмірге қауіпті тері реакциялары немесе гепатоуытты әсердің симптомдарын анықтау мақсатында пациенттерді қатаң бақылау міндетті шарт болып табылады. Тәулігіне 200 мг дозада препаратты күнделікті қабылдаудың 14 күндік бастапқы кезеңі барысында бөртпе байқалған пациенттерде бөртпе жойылмағанша дозасын жоғарылатуға болмайды.

Дәрілік заттармен өзара әрекеттесуі

Эфавиренз, зидовудин, индинавир, нелфинавир, ритонавир, саквинавир - олардың концентрацияларының төмендеуі.Құрамында эстроген бар оральді контрацептивтер - олардың тиімділігінің, концентрациясының төмендеуі.Иммунодепрессанттар (циклоспорин, сиролимус, такролимус) - олардың плазмалық концентрациясының төмендеуі.Зеңге қарсы заттар (итраконазол, кетоконазол, флуконазол) - невирапин концентрациясының жоғарылауы, бір мезгілде тағайындамау.Аритмияға қарсы препараттар (амиодарон, дизопирамид, лидокаин) - берілген заттардың плазмалық концентрациясының төменеуі.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Бүйрек қызметінің бұзылысы бар пациенттерге сақтықпен тғайындау.

Бауыр жеткіліксіздігі

Гепатоуытты, препаратты қабылдаудың алғашқы 18 аптасында бауыр қызметі көрсеткіштеріне мониторинг жүргізу. Емдеудің алғашқы 6 аптасында бауыр тарапынан қауіп реакциялары анағұрлым жоғары. Айқын клиникалық гепатиттің туындауы кезінде немесе жоғарғы қалып шегінен 5 есе асатын, АСТ немесе АЛТ деңгейінің жоғарылауында препаратты тоқтату.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Өте жиі: макуло-папулезді эритематозды тері бөртпесі.Жиі: гранулоцитопения, бас ауыруы, жүрек айнуы, құсу, анорексия, диарея, іш ауыруы, диспепсия, панкреатит, жылдам ағымды холестатикалық гепатитті, бауыр некрозын және бауыр жеткіліксіздігін қоса, ауыр немесе өмірге қауіпті гепатоуытты реакциялар, дене температурасының жоғарылауы (қызба), артралгия, миалгия, қажу, бауыр функциясы көрсеткіштерінің өзгерістері.Жиі емес: анемия, тромбоцитопения, гранулоцитопения, өліммен аяқталатын жағдайларды, Стивенс-Джонсон синдромын қоса, ауыр және өмірге қауіпті тері реакциялары, уытты эпидермальді некролиз, жоғары сезімталдық синдромы, эозинофилия, бүйрек функциясының бұзылуы, артериялық қысымның жоғарылауы.Сирек: өліммен аяқталуы мүмкін фульминантты гепатит, рабдомиолиз.

Балаларда қолданылуы

Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.