J05AF05 Ламивудин¹ (Lamivudine)

Қолдану көрсеткіштері

Ересектер мен балаларда біріктірілген антиретровирустық ем құрамында АИТВ-инфекциясын емдеу.

Клинические протоколы:

Қарсы көрсеткіштері

Ламивудинге немесе препараттың кез келген басқа компонентіне жоғары сезімталдық.

Қауіпсіздік шаралары

Сақтықпен қолдану:- 30 мл/мин артық және 50 мл/мин төмен креатинин клиренсімен бүйрек жеткіліксіздігі, жүктілік, егде жас;- ламивудинді қабылдап жүрген пациенттерде іштің ауыруы, жүректің айнуы, құсу немесе биохимиялық көрсеткіштерінде өзіне тән өзгерулер пайда болған жағдайда, панкреатитті болдырмау керек. Панкреатиттің диагнозы жойылғанша препаратты қабылдауды тоқтату керек;- ламивудинмен емдеу сақтықты қажет етеді, әсіресе егер пациентте бауыр ауруының даму қаупі факторлары бар болған кезде. Лактат-ацидоз дамуының жоғары қаупіне байланысты интерферон альфа және рибавирин қабылдайтын, ілеспелі С гепатиті бар пациенттерге нуклеозид аналогтарын тағайындауда сақ болу керек.

Дәрілік заттармен өзара әрекеттесуі

Залцитабинмен, кладрибинмен, сондай-ақ пневмоцистік пневмонияны емдеу үшін қолданатын ко-тримоксазолдың жоғары дозасын ламивудинмен бір мезгілде тағайындамау керек.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Креатинин клиренсі 30 мл/мин төмен бүйрек қызметінің бұзылысында қарсы көрсетілген.

Бауыр жеткіліксіздігі

Егер бүйрек жеткіліксіздігімен қатарлас жүрмесе, бауыр жеткіліксіздігінің ауыр және орта деңгейіндегі пациенттер үшін дозаны өзгерту қажет етілмейді.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Жиі: сарысудағы сүт қышқылы концентрациясының жоғарылауы, бас ауыруы, ұйқысыздық, жүректің айнуы, құсу, іштің жоғарғы бөлігінің ауыруы, диарея, бөртпе, алопеция, артралгия, бұлшықет бұзылыстары, жөтел, мұрын сипмтомдары, шаршағыштық сезімі, әлсіздік, қызба.Жиі емес: нейтропения, анемия, бауыр ферменттері (аланинаминотрансферазалар (АЛТ), аспартатаминотрансферазалар (АСТ)) белсенділігінің транзиторлық жоғарылауы, тромбоцитопения, гипертриглицеридемия, гиперхолистеринемия, инсулинге резистенттілік, гипергликемия.Сирек: лактоацидоз, панкреатит, сарысулық амилаза белсенділігінің жоғарылауы, гепатит, рабдомиолиз.Өте сирек: сүйек кемігінің эритроидтық өскінінің аплазиясы, парестезиялар.Жиілігі белгісіз: ангионевротикалық ісіну.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Дене салмағы 25 кг кем емес балалар. Ішке, ұсынылатын дозасы тәулігіне 300 мг құрайды. Тәулігіне екі рет 150 мг немесе тәулігіне бір рет 300 мг енгізіледі. Балаларға салмақ санаты бойынша дозалау ұсынылады.Дене салмағы 20 кг-нан 25 кг дейінгі балалар: ұсынылатын доза тәулігіне 225 мг құрайды. Таңертең 75 мг (150 мг жарты таблетка) және кешкі уақытта 150 мг (150 мг бүтіндей бір таблетка) немесе 225 мг (бір жарым таблеткадан 150 мг) тәулігіне бір рет қолдануға болады.Дене салмағы 14 кг-нан 20 кг дейінгі балалар: препараттың ұсынылатын дозасы тәулігіне 150 мг құрайды. Тәулігіне екі рет 75 мг немесе тәулігіне бір рет 150 мг енгізіледі.Үш айға дейінгі балалар: дозасы бойынша нұсқаулықтардың деректері жеткіліксіз.6 жасқа дейінгі балаларға (дене салмағы 14 кг кем емес балаларға) тиімділігі мен қауіпсіздігі анықталмаған, препаратты қолданудың ұсынымдары жоқ.