J05AF02 Диданозин (Didanosine)
Қолдану көрсеткіштері
Басқа антиретровирусты препараттармен біріктірілімде АИТВ-1 инфекциясын емдеу.Клиникалық хаттама: 1. Балалардағы АИТВ-инфекциясы
Қарсы көрсеткіштері
Диданозинге және препараттың басқа компоненттеріне жоғары сезімталдық, фенилкетонурия.
Қауіпсіздік шаралары
Созылмалы немесе қалдық инфекцияға қабынулық реакция түрінде емдеудің бастапқы фазасында иммунитеттің қалпына келу синдромы дамуы мүмкін, осыған байланысты Т-лимфоциттер динамикасын жүйелі бақылау керек. Остеонекроз жағдайлары, әсіресе, асқынған АИТВ ауруы бар пациенттерде және/немесе біріктірілген антиретровирусты терапиямен ұзақ уақыт әсер еткенде. Анемия, нейтропения, гиперлактатемия, гиперлипаземия, гипертония, тырысулар, ауытқыған мінез-құлық сияқты митохондриальді дисфункция даму қаупі. Диданозин симптомсыз гиперурикемиямен байланысты. Монотерапияда және емдеудің біріктірілген режимдарында, тіпті өлімге алып келетін жағдайлармен, панкреатиттің пайда болу жағдайы анықталған. Панкреатит симптомдары мен белгілері пайда болғанда препаратты тоқтату керек. Көру өткірлігіне, түсті қабылдау өзгерістеріне және көз түбінің кеңейтілген зерттеуіне жылдық офтальмологиялық тексеру жүргізу керек.
Дәрілік заттармен өзара әрекеттесуі
Аллопуринол, рибавирин, эстрогендер, метилдопа, фуросемид, сульфаниламидтер, тетрациклиндер, тиазидті диуретиктер, вальпрой қышқылы - диданозин уыттылығының арту қаупіне және панкреатит дамуына байланысты бірге қолдану қарсы көрсетілген.Ганцикловир мен валганцикловир - диданозин концентрациясының артуына алып келеді.Метадон - диданозин концентрациясының төмендеуіне алып келеді.Тенофовир дизопроксил фумарат – диданозин әсері жоғарылайды, ол жағымсыз реакциялар қаупін арттырады (панкреатит, симптоматикалық гиперлактатемия/лактоцидоз және перифериялық нейропатияның).Хлорамфеникол, цисплатин, этамбутол, этионамид, гидралазин, изониазид, метронидазол, ставудин, зальцитабин, винкристин - перифериялық нейропатия дамуы мүмкін.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.
Бүйрек жеткіліксіздігі
Креатинин клиренсі 60 мл/мин және одан жоғары болғанда дозасын төмендету және/немесе дозалар арасындағы аралықты арттыру ұсынылады. Креатинин клиренсі 60 мл/мин төмен болғанда басқа баламалы препарат таңдау керек. Диализдегі пациенттерге диализден кейін препаратты тәуліктік дозада тағайындайды. Препараттың қосымша дозасына қажеттілік жоқ.
Бауыр жеткіліксіздігі
Бауыр қызметіне бақылау жүргізу керек. Бауыр қызметінің жеңіл және орташа бұзылыстарында сақтықпен қолдану. Ауыр бұзылыстарында қарсы көрсетілген.
Жүктілік
Қарсы көрсетілген.
Емізу
Қарсы көрсетілген.
Жағымсыз әсерлері
Бас ауыруы, перифериялық нейропатия, парестезиялар, алопеция, қалтырау, астения, көздің құрғауы, көру жүйкесінің невриті, көздің торлы қабығының депигментациясы, мұрын маңы сілекей безінің гипертрофиясы, сиалоаденит, ауыздың құрғауы, анорексия, жүрек айнуы, құсу, абдоминальді ауырсыну, диарея және жоғары газ түзілу, гепатит, бауыр жеткіліксіздігі, бауыр циррозымен байланысты емес портальді гипертензия, панкреатит, қышыну, тері бөртпесі, анафилактоидты/аллергиялық реакциялар, миалгия, артралгия, миопатия, аяқ пен қол буындарының ауырсынуы, рабдомиолиз, сүт қышқылды ацидоз, гепатомегалиямен стеатоздың ауыр түрі, липодистрофия, липоатрофия, анемия, гранулоцитопения, лейкопения, тромбоцитопения, бауырлық трансаминазалар мен сілтілік фосфатазалар белсенділігінің жоғарылауы, амилаза мен липаза концентрацияларының жоғарылауы, гипербилирубинемия, гипо- және гиперкалиемия, гиперурикемия, гипо- және гипергликемия.
Балаларда қолданылуы
18 жасқа дейінгі балаларға қарсы көрсетілген.