J05AF01 Зидовудин¹ (Zidovudine)

Зидовудинге немесе кез келген препараттың басқа компонентіне жоғары сезімталдық, нейтропения (нейтрофилдер саны 0,75·109/л немесе 750/мкл төмен), гемоглобин төмендеуі (гемоглобин деңгейі 7,5 г/дл немесе 4,65 ммоль/л төмен).

Клиникалық белгілер пайда болуының барлық жағдайларында (жалпы әлсіздік, анорексия, дене салмағын кенеттен және себепсіз жоғалту, гастроинтестинальді симптомдар, ентігу, тахипноэ) немесе гепатиттің болуы немесе болмауымен (трансаминазалар- маркерлері деңгейінің жоғарылауы болмаған жағдайларда гепатомегалия және стеатоздан тұруы мүмкін) сүт қышқылды ацидоздың зертханалық белгілерінде препаратты қабылдауды тоқтату керек. Препаратты қолдану жыныстық қатынас нәтижесінде немесе жұқтырылған қан арқылы АИТВ жұқтырылуының алдын алмайды. Анемия әдетте препаратпен емдеу басталғаннан кейін 6 аптадан соң байқалады және нейтропения 4 аптадан соң дамиды, бірақ кейде ерте пайда болады. Лейкопения әсіресе жоғарғы дозада препаратты (тәулігіне 1200 мг-1500 мг) қабылдайтын және емді бастағанға дейін сүйек кемігінде қанның түзілуі төмендеген, АИВ инфекциясының клиникалық көрінісі толық пациенттерде кездесуі мүмкін. Қабынудың кез келген симптомдарын уақытылы анықтаған жөн және қажет болған жағдайда тиісті қабынуға қарсы терапия тағайындау қажет. Автокөлік және басқа да механизмдерді басқаруда сақ болу керек.

Атоваквон - қан плазмасында зидовудин концентрациясының артуына байланысты, жағымсыз әсерлер жиілігінің жоғарылау қаупі.Кларитромицин - зидовудин сіңірілуінің төмендеуі, екі препаратты қабылдау аралығы 2 сағаттан кем емес. Фенитоин - қандағы фенитоин концентрациясының төмендеуі.Пробеницид - зидовудиннің бүйректік экскрециясының төмендеуі.Рифампицин - зидовудин экспозициясының төмендеуі.Аспирин, кодеин, метадон, морфин, индометацин, кетопрофен, напроксен, оксазепам, лоразепам, циметидин, клофибрат, дапсон, изопринозин - зидовудин метаболизмінің бұзылуы, біріктірілімінде САҚТЫҚПЕН қолдану!

Ауыр бүйрек жеткіліксіздігінде ұсынылған доза тәулігіне 300-400 мг құрайды. Шеткері қан тарапынан және клиникалық әсері реакциясына байланысты кейінгі дозасын түзету қажеттілігі туындауы мүмкін.

Сақтықпен қолдану. Егер плазмада зидовудин концентрациясы деңгейін бақылау мүмкін болмаған жағдайда, онда дәрігер препаратты көтере алушылықтың клиникалық белгілеріне және қажет болғанда дозасын түзетуді жүргізуіне және/немесе дозаларды енгізу аралығын арттыруына ерекше көңіл бөлуі керек.

Жүктіліктің 14-ші аптасынан бастап қолданылады. Плацента арқылы өтеді. Ұрыққа АИТВ-инфекциясы жұқтырылуының алдын алу үшін, препаратты қолдану болжанған жүкті әйелдер жүргізілген терапияға қарамастан, ұрықтың инфекцияны жұқтыру қаупі бар екендігі туралы хабардар етілуі тиіс.

Қарсы көрсетілген.

Өте жиі: бас ауыруы, жүрек айнуы.Жиі: анемия, нейтропения және лейкопения, гиперлактатемия, бас айналуы, әлсіздік, құсу, іш бөлігінің ауырсынуы, диарея, билирубин және бауырлық ферменттер деңгейінің жоғарылауы, миалгия.Жиі емес: тромбоцитопения және панцитопения, ентігу, метеоризм, терілік бөртпе, терілік қышыну, миопатиялар, қызба, ауырсыну синдромы, астения.Сирек: қызыл өскіннің аплазиясы, сүт қышқылды ацидоз, анорексия, май қабаттарының жинақталуы/қайта таралуы, ұйқысыздық, парестезиялар, ұйқышылдық, ойлау жылдамдығының төмендеуі, тырысулар, кардиомиопатия, ауыз қуысының шырышты қабатының пигментациясы, дәм сезінудің бұзылуы, диспепсия, панкреатит, стеатозбен айқын гепатомегалия, тырнақтардың және терінің пигментациясы, есекжем және терлеудің күшеюі, кіші дәреттің жиілеуі, гинекомастия, қалтырау, кеуденің ауырсынуы, тұмауға ұқсас симптомдар, жөтел, мазасыздық, депрессия.Өте сирек: апластикалық анемия.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Ішке. Дене салмағы 4 кг-нан 9 кг-ға дейінгі балалар: ішке қабылдауға арналған ерітінді ретінде, 12 мг/кг тәулігіне екі рет басқа да антиретровирусты препараттармен біріктірілімінде; дене салмағы 9 кг-нан 30 кг-ға дейінгі балалар: ішке қабылдауға арналған ерітінді ретінде, 9 мг/кг тәулігіне екі рет басқа да антиретровирусты препараттармен біріктірілімінде. Жоғары доза тәулігіне екі рет 300 мг аспауы тиіс. Капсулада дене салмағы 21 кг-нан 30 кг-ға дейінгі балалар: 100 мг екі капсула тәулігіне екі рет. Дене салмағы 30 кг-нан асатын балалар: 300 мг тәулігіне екі рет басқа да антиретровирусты препараттармен біріктірілімінде. 3 айға дейінгі және дене салмағы 4 кг-нан төмен балаларға (ішке қабылдауға арналған ерітінділер), 6 жасқа дейінгі және дене салмағы 21 кг-ға дейінгі балаларға (капсулалар) қарсы көрсетілген.