J05AE10 Дарунавир¹ (Darunavir)

Белсенді затқа немесе препараттың кез келген компонентіне аса жоғары сезімталдық.

Фармакокинетикалық қасиеттерін жақсарту үшін препаратты тек кобицистат немесе ритонавирдің төмен дозасымен, және басқа да антиретровирусты дәрілік заттармен біріктірілімде қабылдайды. Ауыр терілік реакциялардың белгілері мен симптомдары дамығанда емдеуді доғару. Сульфаниламидтерге белгілі аллергиясы бар пациенттерге сақтықпен қолдану. Гемофилиясы бар пациенттерді қан кетудің жоғарылау мүмкіндігі туралы ескерту керек. Пациенттерде қант диабеті немесе гипергликемия жағдайларының дамуы немесе нашарлауы байқалған. Липодистрофия, остеонекроз даму қаупі жоғары. Ауыр клиникалық жағдайлар немесе симптомдардың нашарлауына алып келетін, асимптоматикалық немесе оппортунистік инфекцияға қабынулық реакция дамуы мүмкін. Автокөлік немесе басқа да қауіптілігі жоғары механизмдерді басқаруда сақ болу керек.

Күшті CYP3A индукторлары: рифампицин, карбамазепин, фенобарбитал мен фенитоин және т.б.; құрамында шілтерлі шәйқурай бар өсімдік препараттары - дарунавир, ритонавир және кобицистаттың плазмалық концентрациясын төмендетеді, бұл емдік әсердің жоғалуына және резистенттіліктің дамуына әкелуі мүмкін. Флекаинид, пропафенон, метопролол - осы препараттардың плазмалық концентрациясын жоғарылатады, бұл олардың емдік әсерінің және жағымсыз реакцияларының күшеюіне немесе ұзаруына алып келеді.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дарунавир/ритонавир біріктірілімін қолдану кезінде дозаны түзету қажет етілмейді. Дарунавир/кобицистат біріктірілімін креатинин клиренсі 70 мл/мин төмен пациенттерге ұсынылмайды, қолдану қажет болған жағдайда дозаны түзету қажет етіледі кобицистат препаратының нұсқаулығын қараңыз.

Гепатоуытты. Сақтықпен қолдану. Чайлд-Пью бойынша С тобы/ауыр дәрежеде қарсы көрсетілген.

Ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін.

АИТВ-инфекциясының берілу мүмкіндігін және препараттың балалардағы жағымсыз дәрілік реакциялардың болуын ескере отырып, емізуден бас тарту ұсынылады.

Өте жиі: диарея.Жиі: липодистрофия, қант диабеті, гипертриглицеридемия, гиперхолестеринемия, гиперлипидемия, ұйқысыздық, бас ауыруы, шеткері нейропатия, бас айналуы, құсу, жүрек айнуы, іш ауыруы, қандағы амилазаның артуы, диспепсия, құрсақ қуысындағы ауырлық, метеоризм, аланинаминотрансферазаның артуы, бөртпе, қышыну, астения, қажығыштық.Жиі емес: қарапайым ұшық, тромбоцитопения, нейтропения, анемия, лейкопения, иммундық реактивациялар синдромы, аса жоғары сезімталдық реакциялары, гипотиреоидизм, қандағы тиреотропты гормонның артуы, подагра, анорексия, дене салмағының өзгеруі, гипергликемия, инсулинге резистенттілік, жоғары тығыздықтағы липопротидтердің төмендеуі, тәбеттің артуы, депрессия, ұйқының бұзылуы, зейіннің бұзылуы, жадының нашарлауы, көздің құрғауы, миокард инфарктісі, стенокардия, электрокардиограммада QT ұзаруы, тахикардия, гипертензия, мұрыннан қан кету, панкреатит, гастрит, гастроэзофагеальді рефлюкс, афтозды стоматит, іш қуысындағы жайсыздық, іш қатуы, гепатит, гепатомегалия, қандағы бауыр көрсеткіштерінің артуы, түнгі тершеңдік, алопеция, безеу, терінің құрғауы, тырнақтар пигментациясы, миалгия, остеонекроз, артралгия, остеопороз, бүйректің жедел жеткіліксіздігі, бүйрек жеткіліксіздігі, нефролитиаз, қандағы креатинин деңгейінің артуы, протеинурия, билирубинурия, дизурия, никтурия, поллакиурия, эректильді дисфункция, гинекомастия, пирексия, кеуде қуысының ауыруы, шеткергі ісінулер, ысыну сезімі, ашушаңдық, ауыру, рабдомиолиз, қызба.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Ішке, тамақтанудан кейін 30 минут ішінде. Дене салмағы 40 кг кем емес, 12 жас және одан жоғары балаларға. Бұрын антиретровирусты ем қабылдамаған пациенттер: тәулігіне бір рет 800 мг дарунавирді ритонавирмен біріктіріп тәулігіне бір рет 100 мг. Бұрын антиретровирусты ем қабылдаған пациенттер: дарунавирге резистенттілікпен астасқан АИТВ-1 штаммдарында мутациясы жоқ, АИТВ-1 РНҚ 100 000 көшірме/мл төмен плазмалық  концентрациясымен және CD4+ ≥ 100 х 106/л жасушалар мөлшерімен, тәулігіне бір рет 800 мг даруновирді 100 мг ритонавирмен бірге қолданылады. Егер АИТВ-1 генотиптеу қол жетімсіз болса, ұсынылған дозасы тәулігіне екі рет 100 мг ритонавирмен бірге тәулігіне екі рет 600 мг құрайды. Ескерту: дене салмағы 15 кг кем немесе 3 жасқа дейінгі пациенттерге қолдану ұсынылмайды. Пациенттерге 3 жастан бастап басқа дәрілік түрлер мен дозалар ұсынылады.Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.