A09AA02 Панкреатин¹ (Multienzymes (lipase, protease etc.))

Қолдану көрсеткіштері

Ұйқы безінің экзокринді (ферментті) жетіспеушілігін алмастыратын ем.

Клинические протоколы:

Қарсы көрсеткіштері

Әсер етуші затқа немесе қосымша заттардың кез келгеніне аса жоғары сезімталдық;
- галактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы;
- жедел панкреатит және созылмалы панкреатиттің өршу фазасындағы жедел ұстамалар. Алайда, диетаны кеңейту кезінде аурудың басылу кезеңінде – егер ас қорыту бұзылыстарының белгілері болса - препаратты мезгіл-мезгіл қабылдаған жөн;
- 18 жасқа дейінгі балалар мен жасөспірімдер.

Қауіпсіздік шаралары

Ішектің бітелуі муковисцидозы бар пациенттерде белгілі асқыну болып табылады. Сондықтан, ішектің бітелуіне ұқсас симптомдар бар болған кезде, ішек стриктурасының (фиброзды колонопатия) түзілу ықтималдығын да ескеру керек.
Іштің әдеттен тыс абдоминальді жайсыздығы немесе шағымдардың сипаты өзгерген кезде сақтық шарасы ретінде ішек патологиясын жоққа шығару үшін тексеру жүргізу қажет. Бұл әсіресе дене салмағына тәулігіне препаратты 10 000 липаза бірлігінен асатын дозада қабылдайтын пациенттерге қатысты.
Панкреатин препаратының құрамында ауыз қуысында босап шыққан кезде – мысалы, шайнаған кезде ауыз қуысының шырышты қабығының зақымдануына (ойық жаралануына) әкелетін белсенді ферменттер бар. Сондықтан Панкреатин препаратын қабылдаған кезде, оны бүтіндей жұтып қоюды қадағалау қажет. Ұзақ уақыт бойы қолданған кезде онымен бірге темір препараттарын тағайындайды.

Дәрілік заттармен өзара әрекеттесуі

Панкреатинді темір препараттарымен бір мезгілде қолданған кезде соңғыларының сіңуі төмендеуі мүмкін.
Құрамында кальций карбонаты және/немесе магний гидроксиді бар антацидті дәрілерді бір мезгілде қолдану панкреатин тиімділігінің төмендеуіне әкелуі мүмкін.
Құрамында ұйқы безінен алынған ұнтақ бар дәрілік препараттарды (дайын дәрілік заттар) қабылдаған кезде фолий қышқылының сіңуі төмендеуі мүмкін, соның салдарынан оны қосымша қабылдау қажет болуы мүмкін.
Акарбоза, миглитол. Акарбоза және миглитол сияқты ішке қабылдауға арналған диабетке қарсы препараттардың әсері Панкреатин препаратын қатар қабылдаған кезде әлсіреуі мүмкін.

Бүйрек жеткіліксіздігі

Деректер жоқ.

Бауыр жеткіліксіздігі

Деректер жоқ.

Жүктілік

Анасы үшін күтілетін пайдасы шарана үшін төнетін ықтимал қауіптен асқан жағдайда қолдануға болады.

Емізу

Ұйқы безінің ферменттерін емшек сүтімен емізу кезеңінде әйелдер қабылдауы мүмкін.

Жағымсыз әсерлері

Асқазан-ішек жолы тарапынан бұзылулар:
Өте жиі: іш аймағының ауыруы.
Жиі: жүрек айнуы, құсу, іш қату, іштің кебуі, диарея (панкреатин әсерімен бұл реакциялар дамуының себеп-салдарлы байланысы анықталған жоқ, өйткені көрсетілген құбылыстар ұйқы безінің сыртқы секреторлық жеткіліксіздікте білінетін симптомдарға жатады).
Белгісіз: препараттың жоғары дозаларын алған муковисцидозы бар пациенттерде мықын, бүйен және жуан ішек (фиброзданатын колонопатия) стриктурасы.
Тері және тері асты тіндері тарапынан бұзылулар:
Жиі емес: бөртпе.
Белгісіз: қышыну, есекжем.
Иммундық жүйе тарапынан бұзылулар:
Белгісіз: аса жоғары сезімталдық (анафилаксиялық реакциялар).

Көрсеткіштері, қолдану тәсілі мен дозалары

Ересектер: 50-100 ӘБ 2-4 таблеткадан тәулігіне 3-4 рет.
Қолдану тәсілі: препаратты шайнамай, тамақтану кезінде немесе тамақтан кейін ішке қабылдайды.
Бір ас қабылдауға ұсынылатын доза: 2-4 капсула (липазаның 20 000 – 40 000 ӘБ Ph. Eur. сәйкес келеді). Доза ұйқы безі функциясының жеткіліксіздігінің ауырлығына сәйкес анықталады.
Липазаның жалпы болжалды дозасы ретінде бір ас қабылдауға 20000 – 40000 ӘБ Ph. Eur. ұсынылады, бірақ бұл доза жоғары болуы мүмкін.
Дене салмағының килограмына липазаның 15 000 – 20 000 бірлігін құрайтын ферменттердің тәуліктік дозасын асырмау керек.

Балаларда қолданылуы

Қарсы көрсетілген.