J01GB04 Канамицин¹ (Kanamycin)

Қолдану көрсеткіштері

Өкпенің және басқа да ағзалардың туберкулезі (туберкулезге қарсы І және ІІ қатардағы препараттарға төзімділік кезінде).

Клинические протоколы:

Қарсы көрсеткіштері

Жоғары сезімталдық (оның ішінде анамнезінде басқа да аминогликозидтерге), бас сүйек-ми жүйкелерінің VIII жұбы невриті.

Қауіпсіздік шаралары

Емдеу кезеңінде кем дегенде аптасына 1 рет бүйректің, ішкі құлақ иірімі жүйкесінің және вестибулярлық аппараттың қызметін, қан плазмасындағы препарат концентрациясын бақылап отыру қажет. Миастения, паркинсонизм, ботулизм (аминогликозидтер жүйке-бұлшықет берілісі бұзылуын туындатуы мүмкін, бұл алдағы уақытта қаңқа бұлшықеттерінің әлсізденуіне әкелуі мүмкін), бүйрек жеткіліксіздігі, егде жаста сақтықпен қолдану.Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дәрілік заттармен өзара әрекеттесуі

Миастенияға қарсы дәрілік заттар - әсері төмендейді.Деполяризацияланбайтын миорелаксанттар, жалпы анестетиктер және полимиксиндер - миорелаксациялау әсері күшейеді.Стрептомицин, гентамицин, пенициллиндер, гепарин, цефалоспориндер, капреомицин, амфотерицин В, эритромицин, нитрофурантоин - фармацевтикалық үйлесімсіз.Бета-лактамды антибиотиктер (цефалоспориндер, пенициллиндер) созылмалы ауыр бүйрек жеткіліксіздігі бар науқастарда - аминогликозидтер әсерінің төмендеуі.Налидикс қышқылы, полимиксин, цисплатин және ванкомицин - ото- және нефроуыттылықтың даму қаупі артады.Диуретиктер (әсіресе фуросемид), цефалоспориндер, пенициллиндер, сульфаниламидтер мен қабынуға қарсы стероидты емес препараттар - нефро- және нейроуыттылықты күшейте отырып, қан сарысуында аминогликозидтер концентрациясын жоғарылатады.Циклопропан - канамицинді құрсақ ішіне енгізгенде апноэ даму қаупін арттырады.Индометацинді парентеральді енгізу - аминогликозидтердің уытты әсерлерінің даму қаупі артады.Метоксифлуран, парентеральді енгізуге арналған полимиксиндер және жүйке-бұлшықет берілісін бөгейтін басқа да ДЗ - нефроуытты әсері мен тыныс алудың тоқтау қаупінің туындауын арттырады (жүйке-бұлшықет блокадасының күшеюі нәтижесінде).

Бүйрек жеткіліксіздігі

Сақтықпен.

Жүктілік

Қарсы көрсетілген.

Емізу

Ана үшін күтілетін пайда бала үшін ықтимал қауіптен жоғары болған жағдайда қолданылуы мүмкін.

Жағымсыз әсерлері

Жиі: жүрек айнуы, құсу, диарея, дисбактериоз, бауыр қызметінің бұзылуы ("бауыр" трансаминазалары белсенділігінің жоғарылауы, гипербилирубинемия), анемия, лейкопения, гранулоцитопения, тромбоцитопения, бас ауыру, ұйқышылдық, әлсіздік, нейроуытты әсер ету, жүйке-бұлшықет берілісінің бұзылуы (тыныс алудың тоқтап қалуы), отоуыттылық, вестибулярлы аппаратқа уытты әсер ету, есту жүйкесі невриті, нефроуыттылық, тері бөртпелері, қышыну және тері гиперемиясы, қызба, ангионевротикалық ісіну, демікпе эпизоды, анафилактикалық шок.Сирек: қайтымсыз кереңдік, жүйке-бұлшықет блокадасы, негізінен көктамыр ішіне және және қуыс ішіне енгізген кезде.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Балаларға. Бұлшықет ішіне, көктамыр ішіне тамшылатып бұлшықет ішіне енгізу мүмкін болмаған кезде.Туберкулез кезінде препарат кешенді ем құрамында: тәулігіне 15 мг/кг аптасына 6 күн бойы 7 күні үзіліс жасалады, бірақ тәулігіне 0.5-0.75 г артық емес. Циклдар саны мен жалпы емдеу ұзақтығы аурудың сатысына және ағымының ерекшелігіне қарай анықталады және 1 ай және одан асатын уақытты құрайды. Шала туылған балаларға, жаңадан туылған кезеңде (1 айға дейінгі) қарсы көрсетілген, тиімділігі мен қауіпсіздігі анықталмаған