J01DE01 Цефепим¹ (Cefepime)

Қолдану көрсеткіштері

Төртінші буынды цефалоспорин: грам-оң және грам-теріс бактериялардан туындаған инфекциялар (интраабдоминальді инфекциялар, тыныс алу және несеп шығару жолдарының инфекциялары; сүйектер мен буындар, тері мен жұмсақ тіндердің инфекциялары); фебрильді нейтропения (эмпирикалық ем ретінде); Pseudomonas aeruginosa-ға қатысты тиімді.

Клинические протоколы:

Қарсы көрсеткіштері

Препаратқа аса жоғары сезімталдық (сонымен қатар басқа да β-лактамдарға).

Қауіпсіздік шаралары

Нейроуытты, егде жастағылар және уремиясы бар пациенттерге сақтықпен тағайындау. Көлік құралын немесе қозғалыстағы механизмдерді басқарудан бас тарту.

Дәрілік заттармен өзара әрекеттесуі

Пробенецид - көптеген цефалоспориндердің шығарылуын төмендетеді (қолданылуы мүмкін). Бактериостатикалық антибиотиктер (тетрациклиндер, хлорамфеникол) - антагонисттік әсер. Варфарин және басқа да антикоагулянттар - антикоагулянттық әсерлердің жоғарылауы және қан кету дамуы мүмкін, әсіресе цефазолин және цефтриаксонмен бірге қабылдау аясында. Алкоголь - дисульфирамды реакциялар түріндегі уыттану дамуы мүмкін.Аминогликозидтер - нефроуыттылықтың жоғары қаупі.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Дозасын креатинин клиренсі мәніне байланысты түзету.

Жүктілік

Ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін. Қолданылуы мүмкін.

Емізу

Аз мөлшерде ана сүтіне енеді. Емізуді тоқтату. Бала емізумен үйлесімді.

Жағымсыз әсерлері

Тері бөртпелерінен Лайелл синдромы және Стивенс-Джонсон синдромына дейінгі аллергиялық реакциялар; жалған жарғақшалы колитке дейінгі АІЖ тарапынан бұзылыстар; ОЖЖ тарапынан бұзылыстар (бас ауыруы, бас айналуы, ұйқысыздық, парестезия, мазасыздық, сананың шатасуы, құрысулар); ЖҚЖ тарапынан (кеуденің ауыруы, тахикардия, ентігу, шеткергі ісінулер); бүйрек қызметінің бұзылуы; қанның зертханалық көрсеткіштерінің өзгеруі (тромбоцитопения, гематокриттің төмендеуі, протромбиндік уақыттың ұлғаюы, эозинофилия, панцитопения, гемолитикалық анемия, Кумбс жалған оң реакциясы; мочевина, креатинин, кальций концентрациясының, билирубин, сілтілік фосфатаза және "бауырлық" трансаминазалар белсенділігінің жоғарылауы); суперинфекция; кандидоздар.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Балалар. Көктамыр ішіне (тамшылатып) және бұлшықет ішіне, бұлшықетке терең. Көктамыр ішіне енгізу үшін инъекцияға арналған суда, 0,9% натрий хлориді ерітіндісінде, 5% глюкоза ерітіндісімен 0,9% натрий хлориді ерітіндісінде, 5% және 10% инъекцияға арналған глюкоза ерітіндісінде; 1/6 М инъекцияға арналған натрий лактаты ерітіндісінде, Рингер лактаты ерітіндісінде, 5% глюкоза ерітіндісімен Рингер лактаты ерітіндісінде ерітеді. Бұлшықет ішіне енгізу үшін: инъекцияға арналған суда, 0,9% натрий хлориді ерітіндісінде, 5% глюкоза ерітіндісінде, парабен немесе бензил спиртімен инъекцияға арналған бактериостатикалық суда, 0,5% немесе 1% лидокаин гидрохлориді ерітіндісінде ерітеді. Дене салмағы 40 кг жоғары балалар: әрбір 8, 12 сағат сайын 0,5-2 г. Өмірлік көрсеткіштер бойынша ғана, 1 айдан 2 айға дейінгі балалар: инфекцияның ауырлығына байланысты әрбір 8 немесе 12 сағат сайын 30 мг/кг. Дене салмағы 40 кг төмен және 2 айдан асқан балаларға: әрбір 12 сағат сайын 50 мг/кг, фебрильді нейтропения кезінде әрбір 8 сағат сайын 50 мг/кг.Жаңадан туылған балалар: әрбір 12 сағат сайын 30 мг/кг, Pseudomonas aeruginosa кезінде 50 мг/кг.1 айдан асқан балалар: жеңілден орташа инфекцияларды емдеу үшін 2 қабылдауға бөлінген тәулігіне 100 мг/кг; ауыр инфекциялар кезінде 2-3 қабылдауға бөлінген тәулігіне 150 мг/кг дейін. 2 айға дейінгі балаларға, 12 жасқа дейінгі балаларға (бұлшықет ішіне енгізуге арналған) тиімділігі мен қауіпсіздігі бойынша деректер жеткіліксіздігіне байланысты қарсы көрсетілген.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.