H01CB03 Ланреотид¹ (Lanreotide)

Соматостатинге, пептидтерге тектес немесе қандай-да бір қосымша затына жоғары сезімталдық.

Ұзақ уақыт бойы емдегенде емдеудің алдында және әр 6 ай сайын өт қалтасының эхографиясын жүргізу ұсынылады. Ланреотидпен емделіп жүрген пациенттерде, гипогликемия немесе гипергликемия дамуы мүмкін. Ланреотидпен емдеудің басында немесе дозасын өзгерткен кезде, қандағы глюкоза деңгейін бақылау қажет. Диабетке қарсы ем сәйкесінше түзетілуі тиіс. Қант диабетіне қатысты инсулинмен ем қабылдап жүрген пациенттерге, инсулиннің дозасы бастапқыда 25%-ға дейін төмендетілуі, содан соң, қандағы глюкоза деңгейіне қарай бейімделуі тиіс, оны пациенттердің аталған тобында соматулинмен емдеу басталғаннан кейін мұқият тексеру қажет. Акромегалиясы бар  пациенттерде ланреотидті қолдануда гипофиз ісігінің көлемін қадағалау жүргізілуі тиіс. Брадикардиясы бар пациенттерге ланреотидпен ем тағайындағанда сақтық таныту керек.Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Циклоспорин (пероральді) - қандағы циклоспорин деңгейінің төмендеуі (циклоспориннің ішекте сіңірілуінің төмендеуі). Айналымдағы қан деңгейінің бақылануымен, циклоспорин дозасының артуы және ланреотидпен емдеу тоқтатылғаннан кейін дозаларының төмендеуі. Инсулин, глитазондар, репаглинид, сульфонилмочевина препараттары - гипогликемия немесе гипергликемия қаупі, глюкагонның эндогендік секрециясының төмендеуі немесе артуы салдарынан диабетке қарсы ем қажеттілігінің төмендеуі. Гликемияның өз бетінше бақылануы күшейтілуі тиіс және ланреотидпен емдеу кезінде диабетке қарсы емнің дозасы қажеттілігіне қарай бейімделуі тиіс. Брадикардияны тудыратын препараттар (мысалы, бета-блокаторлар) - жүректің жиырылу жиілігінің ланреотид түрткі болған шамалы төмендеуіне қосымша әсер етуі мүмкін. Мұндай қатарлас препараттардың дозаларын түзету қажет болуы мүмкін. Басқа да, негізінен CYP3A4 арқылы метаболизденетін және емдік индексі төмен (мысалы, хинидин) препараттарды сақтықпен қолдану керек. Соматостатин аналогтары және бромокриптин - бромокриптиннің биожетімділігін арттыруы мүмкін.Ескерту: мұнда кейбір маңызды дәрілік өзара әрекеттесулердің қысқаша сипаттамасы берілген. Өзара әрекеттесуі туралы ұсыныстар және қосымша ақпарат алу үшін дәрілік заттардың өзара әрекеттесулері туралы ақпарат көздеріне немесе дәрілік препараттың қолданылуы жөніндегі нұсқаулығына жүгініңіз. 

Дозасын түзету талап етілмейді.

Дозасын түзету талап етілмейді.

Жүкті әйелдерге тек аса қажет болған жағдайда ғана тағайындау керек.

Көптеген препараттар ана сүтімен бөлініп шығатындықтан, ланреотид лактация кезінде тағайындалғанда сақтық таныту керек.

Өте жиі: диарея, сұйық нәжіс, абдоминальді ауырсыну, өттас ауруы.Жиі: гипогликемия, тәбеттің төмендеуі, гипергликемия, қант диабеті, бас айналуы, бас ауыруы, летаргия, синустық брадикардия, жүрек айнуы, құсу, іш қатуы, метеоризм, іштің кебуі, іштегі жайсыздық, диспепсия, стеаторея, өт жолдарының дилятациясы, сүйек-бұлшықет ауыруы, миалгия, алопеция, гипотрихоз, астения, қажу, енгізген жердегі реакциялар (ауыруы, ісінуі, тығыздануы, түйін, қышынуы), АЛТ белсенділігінің жоғарылауы, АСТ белсенділігінің қалыптан ауытқуы, АЛТ белсенділігінің қалыптан ауытқуы, қандағы билирубин деңгейінің жоғарылауы, глюкоза деңгейінің жоғарылауы, гликозирленген гемоглобин деңгейінің жоғарылауы, дене салмағының азаюы, панкреатиттік ферменттер белсенділігінің төмендеуі.Жиі емес: ұйқысыздық, "құйылулар", нәжіс массасы түсінің өзгеруі, қандағы АСТ белсенділігінің жоғарылауы, сілтілік фосфатаза белсенділігінің жоғарылауы, қандағы билирубин деңгейінің қалыптан ауытқуы, қандағы натрий деңгейінің төмендеуі.Жиілігі белгісіз: аллергиялық реакциялар (ангионевроздық ісіну (Квинке), анафилаксиялық шок, аса жоғары сезімталдықты қоса), панкреатит.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

18 жасқа дейінгі балаларға қарсы көрсетілген. 18 жасқа дейінгі балаларда қолданудың тиімділігі мен қауіпсіздігі анықталмаған, препаратты қолдану бойынша ұсынымдары жоқ.