G03AA09 Дезогестрел және Этинилэстрадиол (Desogestrel and Ethinylestradiol)

Тромбоздар, бас сақинасы, тамырлық асқынулары бар қант диабеті, ауқымды хирургиялық операциялар, панкреатиттер, жыныс мүшелерінің немесе сүт бездерінің гормонға тәуелді қатерлі ісіктері, этиологиясы белгісіз жатырдан қан кетулер, препараттың кез келген компонентіне жоғары сезімталдық.

Қабылдауды бастауға дейін тексеруден өту және қауіп факторларын болдырмау. Тромбоэмболияның даму қаупі келесі жағдайларда жоғары: жасы, жүрек-қантамырлары аурулары, жүрек-қантамырлары аурулары бойынша отбасылық ауырлаған анамнез, семіздік, хирургиялық операция немесе жарақат, босанудан кейінгі кезең немесе жүктіліктің екінші триместріндегі аборт, шылым шегетіндер, дислипопротеинемия. Шылым шегумен бірге қабылдау елеулі жүрек-қантамырлары патологияларының даму қаупін арттырады. Шылым шегетін 35 жастан асқан әйелдер үшін басқа контрацепция әдістерін тағайындауды қарастыру. Аурулардың өршуі, жай-күйдің нашарлауы немесе жоғарыда аталған жағдайларға байланысты алғашқы симптомдардың немесе қауіп факторларының пайда болуы жағдайында, пациенттер препаратты қабылдауды тоқтату немесе жалғастыру жөнінде шешім қабылдау туралы жедел дәрігер көмегіне жүгіну керек. Хлоазмаға бейімділігі бар әйелдер күн сәулесі немесе ультракүлгін сәулеленуге ұшырамауы керек. Ауыр депрессия жағдайында препаратты қабылдауды тоқтату. Гестаген құрамды пероральді контрацептивтер тиімділігі препаратты қабылдауды жіберіп алғанда немесе асқазан-ішек бұзылыстары жағдайында төмендеуі мүмкін.

АИТВ протеаза тежегіштері және кері транскриптазалардың нуклеозидті емес тежегіштері және/немесе С гепатиті вирусын емдеуге арналған препараттармен (боцепревир, телапревир) біріктірілімде - прогестиндер концентрациясының төмендеуі немесе жоғарылауы. CYP3A4 цитохромның күшті (кетоконазол, итраконазол, кларитромицин) немесе орта (флуконазол, дильтиазем, эритромицин) тежегіштері - эстрогендер немесе прогестиндер концентрациясының артуы мүмкін. Циклоспорин - циклоспорин концентрациясының артуы мүмкін. Ламотриджин - ламотриджин концентрациясының төмендеуі мүмкін.

Жедел немесе созылмалы бауыр қызметінің бұзылуында қалыпты көрсеткіштер қалпына келгенше қабылдауды тоқтату, бауыр қызметіне мониторинг жүргізу қажет. Күрделі бауыр аурулары кезінде қарсы көрсетілген.

Қарсы көрсетілген. Жүктіліктің пайда болуы жағдайында препаратты қабылдауды тоқтату.

Ұсынылмайды! Ана сүтінің құрамын өзгертеді және мөлшерін азайтады, аз мөлшерде контрацептивтік стероидтардың және/немесе олардың алмасу өнімдерінің сүтпен бөлінуі мүмкін, алайда жаңа туылған нәрестенің денсаулығына жағымсыз әсерлері туралы ешқандай дәлел жоқ.

Жиі: сұйықтықтың іркілуі, артериялық қысымның жоғарылауы, бас ауыруы, бас сақинасы, либидоның өзгеруі, депрессия, жүректің айнуы, құсу, іш ауыруы, дене салмағының артуы, тұрақсыз қынаптық қан кету, сүт бездерінің сезімталдығы, сүт бездерінің ауыруы, сүт бездерінен бөлінулер, қынаптық бөлінулердің өзгеруі, бөртпе, түйінді эритема, есекжем.Сирек: препарат компоненттеріне аса жоғары сезімталдық, жүйелік қызыл жегі, гипертензия, Сиденгам хореясы, панкреатит, Крон ауруы, ойық жаралы колит, естуден айырылуы, холелитиаз, холестатикалық сарғаю, бауыр қызметінің бұзылуы, глюкозаға төзімділіктің төмендеуі, порфирия, сүт безінің обыры, жатыр мойнының обыры, бауырдың гормонға тәуелді қатерлі және қатерлі емес ісіктері, көктамырлық тромбоэмболия, артериялық тромбоэмболия, хлоазма, гестациялық ұшық, нодозды эритема, мультиформалы эритема, жанаспалы линзаларды көтере алмаушылық, дене салмағының төмендеуі.

18 жасқа дейінгі балаларда қолданудың тиімділігі мен қауіпсіздігі анықталмаған.