A06AB58 Басқа препараттармен біріктірілген натрия пикосульфат (Sodium picosulfate in combination with other drugs)
Қолдану көрсеткіштері
| Ішекті тазартуды қажет ететін диагностикалық ем-шаралар: колоноскопия немесе рентгендік тексеру алдында ішекті тазартуға арналған. |
Қарсы көрсеткіштері
| Әсер
етуші заттарға немесе кез келген қосымша заттарға аса жоғары
сезімталдық; - жүректің іркілісті жеткіліксіздігі, ауыр сусыздану, гипермагниемия; - асқазандағы іркіліс, асқазан-ішектің ойық жаралары, уытты колит, уытты мегаколон, ішек бітелуі, жүрек айну және құсу, асцит; - жедел аппендицит және асқазан-ішек жолдарының белгілі немесе болжамды бітелуі немесе тесілуі сияқты құрсақ қуысының жедел хирургиялық аурулары; - балалар мен 18 жасқа дейінгі жасөспірімдер; - жүктілік және бала емізу кезеңі. |
Қауіпсіздік шаралары
| Натрий
пикосульфаты, жеңіл магний тотығы, сусыз лимон қышқылы үнемі іш жүргізетін
дәрі ретінде қолдануға болмайды. Сирек жағдайларда натрий пикосульфаты, жеңіл магний тотығы, сусыз лимон қышқылы әлсіреген немесе егде жастағы пациенттерде ауыр немесе өлімге әкелетін потенциалды электролиттік теңгерімнің бұзылуына әкелуі мүмкін. Осылайша, қауіп тобына жататын пациенттерде натрий пикосульфаты, жеңіл магний тотығы, сусыз лимон қышқылы емдеуді бастамас бұрын қауіп/пайда арақатынасын мұқият бағалау қажет. Натрий пикосульфаты, жеңіл магний тотығы, сусыз лимон қышқылы тағайындау кезінде белгілі қарсы көрсетілімдері бар пациенттерге ерекше мән беру керек, сондай - ақ сұйықтықтың жоғалуын тиісті түрде толтырудың маңыздылығын және қауіп тобындағы пациенттерде бастапқы электролит деңгейі мен емдеуден кейінгі электролит деңгейін бақылаудың маңыздылығын ескеру керек. Егде жастағы және әлсіреген пациенттерге, сондай-ақ гипокалиемия немесе гипонатриемия қаупі бар пациенттерге ерекше назар аудару қажет болуы мүмкін. Натрий пикосульфаты, жеңіл магний тотығы, сусыз лимон қышқылы белгілі су және/немесе электролит теңгерімінің бұзылуы бар пациенттерде және диуретиктер, кортикостероидтар, литий сияқты су және/немесе электролит теңгеріміне әсер етуі мүмкін қандай да бір дәрілік препараттарды қабылдайтын пациенттерде сақтықпен қолдану керек. Препаратты жақында асқазан-ішек жолына хирургиялық операция жасалған пациенттерде, бүйрек жеткіліксіздігі, жеңіл немесе орташа дәрежеде сусыздануы, гипотензия немесе жүрек ауруы бар пациенттерде сақтықпен қолдану керек. Ұзағырақ дайындау су-электролит теңгерімінің бұзылу қаупін арттыруы мүмкін болғандықтан, ішекті тазарту кезеңі 24 сағаттан аспауы керек. Натрий пикосульфаты, жеңіл магний тотығы, сусыз лимон қышқылы іш жүргізетін әсерінен болатын диарея сұйықтық пен электролиттердің жоғалуына, гиповолемия мен гипотензияға әкелуі мүмкін. Сонымен қатар, вазовагальды рефлекс құрсақ қуысының тітіркендіргішпен, мысалы, артериялық қысымның төмендеуіне және естен тануға әкелуі мүмкін ауырсынумен туындауы мүмкін. Мөлдір сұйықтықты тиісінше тұтыну қажет. Натрий пикосульфаты, жеңіл магний тотығы, сусыз лимон қышқылы үнемі қабылданатын пероральді препараттардың сіңуін өзгерте алады, сондықтан оны сақтықпен қолдану керек, мысалы, бұрын эпилепсиясы бақыланатын құрысуға қарсы препараттарды қабылдайтын пациенттерде құрысулардың сирек жағдайлары туралы хабарланған. Қосымша заттар. Бұл препараттың құрамында бір сашеде 5 ммоль (немесе 195 мг) калий бар. Бұл бүйрек функциясы төмендеген пациенттерде немесе калий мөлшері бақыланатын диетаны ұстанатын пациенттерде ескерілуі керек. Препараттың құрамында бір сашеде 1 ммольден аз натрий (23 мг) бар, яғни іс жүзінде натрий жоқ дерлік. |
Дәрілік заттармен өзара әрекеттесуі
| Іш
жүргізетін дәрі ретінде Натрий пикосульфаты, жеңіл магний тотығы, сусыз лимон
қышқылы асқазан-ішек жолындағы тағамның өту жылдамдығын арттырады.
Нәтижесінде ішке қабылданатын басқа препараттардың (мысалы, құрысуға қарсы,
диабетке қарсы, антибиотиктер) сіңуі Натрий пикосульфаты, жеңіл магний
тотығы, сусыз лимон қышқылы препаратын қолдану кезеңінде өзгеруі мүмкін.
Тетрациклин және фторхинолон антибиотиктерін, сондай-ақ пеницилламинді
магниймен хелацияны болдырмау үшін Натрий пикосульфаты, жеңіл магний тотығы,
сусыз лимон қышқылы қолданудан кем дегенде 2 сағат бұрын және кем дегенде 6
сағаттан кейін қабылдау керек. Натрий пикосульфаты, жеңіл магний тотығы, сусыз лимон қышқылы тиімділігі ішек ішіндегісінің көлемін арттыратын іш жүргізетін дәрілер әсерінен төмендейді. Гипокалиемияны тудыруы мүмкін препараттарды (мысалы, диуретиктер немесе кортикостероидтар немесе гипокалиемия ерекше қауіп төндіретін препараттар, мысалы, жүрек гликозидтері) қабылдаған пациенттерде қолданғанда сақ болу керек. Сондай-ақ, Натрий пикосульфаты, жеңіл магний тотығы, сусыз лимон қышқылы препаратын ҚҚСП немесе антидиурездік гормонның талапқа сай емес секрециясы синдромын тудыруы мүмкін дәрілік препараттарды, трициклді антидепрессанттар, серотонинді кері қармаудың селективті тежегіштері, антипсихоздық препараттар және карбамазепин сияқты дәрілік препараттарды қабылдайтын пациенттерде қолданған кезде сақ болу ұсынылады, себебі, бұл препараттар сұйықтықтың іркілу қаупін және/немесе электролиттік теңгерімсіздікті тудыруы мүмкін. |
Бүйрек жеткіліксіздігі
| ШСЖ 30 мл/мин төмен болатын бүйрек жеткіліксіздігі бар пациенттерге препарат қарсы көрсетілген. |
Бауыр жеткіліксіздігі
| Деректер жоқ. |
Жүктілік
| Қауіпсіздік мақсатында жүктілік кезінде қолданудан аулақ болу керек. |
Емізу
Қарсы көрсетілген.
Жағымсыз әсерлері
| Иммундық
жүйе тарапынан бұзылулар. Белгісіз: анафилактоидты реакциялар, аса жоғары сезімталдық. Зат алмасу және тамақтану тарапынан бұзылулар. Белгісіз: гипонатриемия, гипокалиемия. Психикалық бұзылыстар. Жиі: ұйқының бұзылуы. Жүйке жүйесі тарапынан бұзылулар. Жиі: бас ауыруы. Жиі емес: бас айналу. Белгісіз: эпилепсия, ауқымды құрысу ұстамалары, құрысулар, сананың шатасуы. Қантамырлар тарапынан бұзылулар. Жиі емес: ортостаздық гипотензия. Асқазан-ішек жолы тарапынан бұзылулар. Өте жиі: іштің ауыруы. Жиі: ауыздың құрғауы, жүрек айнуы, іштің кебуі, анустық жайсыздық, прокталгия. Жиі емес: құсу, нәжісті ұстай алмау. Белгісіз: диарея, ішектің кебуі. Тері және теріасты тіндері тарапынан бұзылулар. Белгісіз: бөртпе (эритематозды және макулопапулезді бөртпелерді қоса), уртикарлық бөртпе, қышу, геморрагиялық бөртпе. Енгізу орнындағы жалпы бұзылулар мен реакциялар. Жиі: шөлдеу, шаршау. Белгісіз: ауырсыну. |
Көрсеткіштері, қолдану тәсілі мен дозалары
| Препаратты келесі әдістердің бірімен қабылдауға болады: • Әдетте бір сашені емшара қарсаңында кешке, ал екінші сашені емшара күні таңертең қабылдайды. • Бір сашені - күндіз, ал екінші сашені - емшара қарсаңында кешке. Бұл сызба емшара таңертең ерте жасалған жағдайда қолайлы • Екі саше емшара күні таңертең. Бұл сызба емшара түстен кейін/кешке орындалған жағдайда қолайлы. Екі сашені қабылдау арасында кем дегенде 5 сағат өтуі керек. |
Балаларда қолданылуы
| Препарат балалар мен 18 жасқа дейінгі жасөспірімдерде қолдануға арналмаған. |