Бисакодил (Bisacodyl)

Қолдану көрсеткіштері

Этиологиясы әртүрлі іш қату.
Пациенттерді хирургиялық операцияларға және диагностикалық емшараларға дайындау (мысалы, колоноскопия және радиологиялық зерттеулер кезінде).

Клинические протоколы:

Қарсы көрсеткіштері

Бисакодилге немесе қосымша заттардың кез келгеніне аса жоғары сезімталдық;
электролиттердің сарқылуымен организмнің қатты сусыздануы;
ішектің жедел қабыну аурулары, ойық жаралы колит, Крон ауруы;
жүрек айнуы және құсумен қатар жүретін қатты ауыруды қосқанда, шығу тегі белгісіз іштің қатты ауыруы, бұл оның күрделі ауру екенін білдіруі мүмкін;
окклюзивті және субокклюзивті синдромдар;
тұқым қуалайтын фруктоза көтере алмаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдар;
6 жасқа дейінгі балалар.

Қауіпсіздік шаралары

Іш қату кезінде дәрі-дәрмектік емдеу гигиеналық және диеталық шараларға тек қосымша ретінде қолданылуы тиіс:
- клетчатка мен сұйықтыққа бай диета;
- дене жүктемесі бойынша белсенділік ұсыныстарын және дефекацияны қалыпқа келтіру қағидаларын сақтау керек.
Ұзақ (10 күннен артық) қолдану ұсынылмайды, өйткені мыналарды тудыруы мүмкін:
- ішектің ауыр функционалды бұзылысы, меланоз, гипокалиемиямен су-электролит теңгерімінің бұзылуы;
- іш жүргізетін дәрілерді қабылдауға тұрақты қажеттілікпен дәрі-дәрмекке тәуелділік, дозаны арттыру қажеттілігі және тоқтату кезіндегі ауыр іш қатулар. Пациенттердің арасында тәуелділік дамуы ауытқып отырады және оның туындағанын дәрігердің білмеуі де мүмкін.
Сұйықтықты жоғалтудан зардап шегіп жүрген пациенттерде сусыздану қауіпті болуы мүмкін (бүйрек жеткіліксіздігі, егде жастағы пациенттер), ол кезде препаратты қолдануды тоқтата тұру және тек медициналық бақылаумен қайта бастау керек. Сұйықтықты жоғалту сусыздануды тудыруы ықтимал, оның белгілері шөлдеу мен олигурия болуы мүмкін.
Препаратты екі бағыттағы қарыншалық тахикардияны тудыратын дәрілік заттармен бір мезгілде пайдалану ұсынылмайды.
Пациенттерде ректоррагия пайда болуы мүмкін (нәжісте қанның бар-жоғын бақылау керек), ол әдетте жеңіл және өздігінен қайтуы мүмкін. Егер сізде ректоррагия байқалса, дәрігермен хабарласу керек.
Дефекация актісімен байланысты деп болжанатын, бас ауыруы мен естен тану жайғдайлары тіркелді.
Балаларға стимуляциялайтын іш жүргізетін дәрілерді тек ерекше жағдайларда ғана тағайындау керек, өйткені дефекация рефлексінің қалыпты функциясының бұзылу қаупін назарға алу керек.
Басқа іш жүргізетіндермен бір мезгілде пайдалану Дульколакс препаратының асқазан-ішектік жағымсыз әсерлерін арттыруы мүмкін.
Бұл дәрілік препараттың құрамында лактоза және сахароза болғандықтан, препаратты тұқым қуалайтын фруктоза немесе галактоза көтере алмаушылығы, Lapp-лактаза немесе сахараза-изомальтаза ферменті тапшылығы, глюкоза және/немесе галактоза мальабсорбциясы бар адамдарға қабылдау ұсынылмайды.
Бисакодил дәрілік препаратының құрамында майсана майы бар болғандықтан ол асқазан-ішек бұзылыстарын (жеңіл іш жүргізетін әсер, диарея) туғызуы мүмкін.

Дәрілік заттармен өзара әрекеттесуі

Қолайсыз біріктірілімдер.
Екі бағыттық қарыншалық тахикардияны тудыратын дәрілер:
- антиаритмиялық препараттар: амиодарон, бретилий, дизопирамид, хинидин, соталол;
- антиаритмиялық емес препараттар: астемизол, бепридил, эритромицин IV, галофантрин, пентамидин, сультропид, терфенадин, винкамин.
Гипокалиемия екі бағыттық қарыншалық тахикардияны тудыратын, сондай-ақ брадикардия және қолданыстағы QT аралығының ұзаруын стимуляциялайтын фактор болып табылады. Стимуляцияламайтын іш жүргізетіндерді пайдалану керек.
Пайдалану кезінде сақтық шараларын талап ететін біріктірілімдер.
Құрамында оймақгүл бар дәрілер:
Гипокалиемия құрамында оймақгүл бар дәрілердің уытты әсерін күшейтеді. Қандағы калий деңгейін бақылау және қажет болған жағдайда ЭКГ жүргізу керек. Стимуляцияламайтын іш жүргізетіндерді пайдалану керек.
Калий құрамын төмендететін басқа препараттар:
Гипокалиемиялық диуретиктер (жеке немесе біріктірілімде), В амфотерицині (вена ішіне), кортикостероидтер (глюкокортикоидтар және минералкортикоидтар: жүйелік енгізу жолы), тетракозактид. Гипокалиемияның жоғарылау қаупі (аддитивті әсер). Мониторинг және қажет болсда қандағы калий деңгейін түзету қажет. Стимуляцияламайтын іш жүргізетіндерді пайдалану керек.
Препаратты АІЖ жоғарғы бөлігінің қышқылдығын төмендететін өнімдермен бірге қабылдау, мысалы: сілтілік препараттар, антацидтер, протонды сорғы тежегіштері немесе сүт, таблетка қабығының төзімділігін төмендетуі, диспепсияға және асқазанның тітіркенуіне әкелуі мүмкін.

Бүйрек жеткіліксіздігі

Сақтықпен қолдану.

Бауыр жеткіліксіздігі

Сақтықпен қолдану.

Жүктілік

Жүктілік кезінде препаратты қабылдау ұсынылмайды.

Емізу

Ана сүтіне енбейді.

Жағымсыз әсерлері

Иммундық жүйе тарапынан бұзылулар.
Сирек: анафилаксиялық реакциялар, ангионевроздық ісіну.
Метаболизм мен тамақтанудың бұзылуы.
Сирек: сусыздану.
Белгісіз: гипокалиемия.
Жүйке жүйесі тарапынан бұзылулар.
Жиі емес: бас айналу.
Сирек: естен тану.
Асқазан-ішек бұзылыстары.
Жиі: диарея, жүрек айнуы, іштің ауыруы және түйілуі.
Сирек: ректоррагия (нәжіс қан аралас болуы), аноректальді аймақтағы жайсыздық (шымылдатып ашытуды және аноректальді ауыруды сезіну), құсу.
Сирек: ишемиялық колитті қоса алғанда, колит.
Тері және тері асты тіндері тарапынан бұзылулар.
Сирек: жайылған қышыну.

Көрсеткіштері, қолдану тәсілі мен дозалары

Ересектер: ең жоғары доза тәулігіне 1-2 таблетка (5 - 10 мг).
Қолдану тәсілі. Ішке қабылдауға арналған. Емдеуді ең аз дозадан бастау ұсынылады. Дозаны нәжіс тұрақты болғанға дейін ең жоғары ұсынылатын тәуліктік дозаға дейін түзетуге болады. Ең жоғары тәуліктік дозадан арттыруға болмайды.
Таблеткаларды келесі күнгі таңертең үлкен дәретке отыру үшін түнге қарай (10 сағаттан кейін әсердің пайда болуы) немесе таңертең аш қарынға (5 сағаттан кейін әсердің пайда болуы) қабылдау ұсынылады. Таблеткаларды жеткілікті мөлшердегі сұйықтықпен іше отырып, бүтіндей жұту керек. Таблетка қабығының мерзімінен бұрын еріп кетуіне жол бермеу үшін, таблеткаларды сүт, антацидтер немесе протонды сорғы тежегіштері сияқты АІЖ жоғарғы бөлігінің қышқылдығын төмендететін өнімдермен бірге қабылдау ұсынылмайды.

Балаларда қолданылуы

6 жастан 12 жасқа дейінгі балаларға тәулігіне 1 таблеткадан (5 мг) 1 рет, 2 күннен 10 күнге дейін.
Созылмалы немесе іштің қатуы ұзаққа созылған 12 жасқа дейінгі балаларда препаратты тек дәрігердің тағайындауы бойынша қолдануға болады!

Бөлімді таңдау

A06AB02 Бисакодил (Bisacodyl)