C07AB05 Бетаксолол (Betaxolol)

ΙΙ – ΙΙΙ дәрежелі атриовентрикулярлы блокада; созылмалы жүрек жеткіліксіздігінің декомпенсация сатысы (өкпелердің ісінуі, гипоперфузия синдромы, гипотензия); бета -адренорецепторларды ынталандыруға бағытталған ұзаққа созылатын немесе мерзімді инотропты терапия; клиникалық тұрғыдан маңызды синустық брадикардия (жүректің жиырылу жиілігі 40/минуттан кем); кардиогендік шок; Принцметал стенокардиясы; кардиомегалия (жүрек жеткіліксіздігінің белгілерінсіз); синустық түйіннің әлсіздік синдромы; шеткергі қан айналымының айқын бұзылыстары; препаратқа немесе басқа бета - адреноблокаторларға жоғарғы сезімталдық.

Препаратты  феохромоцитома кезінде сақтықпен  қолданған жөн;  жоспарлы хирургиялық емдеу жүргізу кезінде препаратты жалпы анестезияны бастаудан 48 сағат бұрын тоқтатады; сәйкес бейімділігі бар пациенттерді емдеудің алғашқы күндері  жүрек  жеткіліксіздігі  дамуы мүмкін; гипогликемия симптомдары жасырылуы мүмкін (мысалы, тахикардия); брадикардия  дамыған  кезде дозаны  төмендетеді  немесе  препаратты қабылдау  тоқтатады;  тоқтату синдромының пайда болуын болдырмау үшін, дозаны 1-2 апта ішінде біртіндеп (3-4 күн сайын 5 мг-ға) төмендету қажет

Сультоприд –  бетаксолол және сультоприд әсерінің күшеюі, айқын брадикардия дамуы мүмкін. Көктамырға енгізуге арналған құрамында йоды бар рентгеноконтрастты заттар - анафилактикалық реакциялар даму қаупінің жоғарылауы, конпенсаторлы жүрек- қантамырлық реакциялардың төмендеуі.  Инсулин, пероральді гипогликемиялық заттар - тиімділігінің өзгеруі, дамушы  гипогликемия симптомдарын жасырады. Жүрек гликозидтері, метилдопа,  резерпин  және гуанфацин,  кальций каналдарының блокаторлары  (верапамил, дилтиазем),  амиодарон  және басқа аритмияға қарсы препараттар -  брадикардия, атриовентрикулярлы блокада, жүрек тоқтауы және жүрек жеткіліксіздігінің пайда болу немесе асқыну қаупінің жоғарылауы.

Креатинин клиренсі 20 мл/мин төмен және диализдегі пациенттер үшін бастапқы доза тәулігіне бір рет қабылдайтын 5 мг құрайды, қажет болған жағдайда әр 7-14 күн сайын дозасын 5 мг арттырады, жоғары дозасы 20 мг.

Дозасын түзету талап етілмейді.

Ана үшін пайда ұрық үшін ықтимал қауіптен жоғары болғанда.

Қарсы көрсетілген.

Жиі:ОЖЖ тарапынан: тез шаршағыштық, бас айналуы, бас ауыруы, әлсіздік, ұйқышылдық немесе ұйқысыздық, түнде қорқынышты түстер көру, депрессия, мазасыздық,  сананың шатасуы, галлюцинациялар, астения, миастения, аяқ парестезиясы («қайтымды» ақсақтықтығы және Рейно синдромы бар науқастарда), тремор.Тыныс алу жүйесі тарапынан: физикалық жүктеме кезінде ентігу, мұрын бітелуі, тыныстың тарылуы, жоғары дозаларды тағайындау кезінде –ларинго- және бронх түйілуі.Эндокриндік жүйе тарапынан: гипергликемия (инсулинге тәуелсіз қант диабеті бар науқастарда), гипогликемия   (инсулин алатын науқастарда), гипотиреоидтық жайдай;Жүрек-қантамыр жүйесі тарапынан: брадикардия, жүректің қағуы, Ι дәрежелі атриовентрикулярлық блокада, ісінулер, жүрек тұсының ауырсынуы, өткізгіштіктің бұзылысы, аритмиялар, созылмалы жүрек  жеткіліксіздігінің дамуы (асқынуы), артериялық қысымның төмендеуі, ортостатикалық гипотензия, ангиоспазм байқалуы.АІЖ тарапынан: жүрек айнуы, құсу, іш аймағының ауыруы, іштің қатуы, диарея, ауыздың құрғауы, бауыр қызметі көрсеткіштерінің транзиторлық өзгеруі, дәм сезудің бұзылысы.Қан тарапынан өзгерістер: тромбоцитопения, агранулоцитоз,  лейкопения, ферменттер белсенділігінің,  билирубин деңгейінің өзгеруі;Көру мүшелері тарапынан: көрудің нашарлауы, көз жасының бөліну  қызметінің бұзылуы, көздің құрғауы және ауыруы, конъюктивит;Тері тарапынан: бөртпе, жоғары тершеңдік, фотосенсибилизация;Басқалар: бел ауыруы, артралгия, либидо төмендеуі, потенция төмендеуі,  «тоқтату» синдромы (стенокардия ұстамаларының күшеюі, артериялық қысымның жоғарылауы).

18 жасқа дейінгі балаларда қолдану ұсынылмайды.