B05AA01 Альбумин¹ (Albumin)

Қолдану көрсеткіштері

Адам альбумині препараты коллоидты ерітінділерді қолдану көлемінің жеткіліксіздігі мен орындылығы кезінде айналымдағы қан көлемін қалпына келтіру және ұстап тұру үшін ұсынылады; Синтетикалық коллоидты ерітінділердің орнына Адам альбумині препаратын таңдау пациенттің клиникалық жағдайымен, сондай-ақ медициналық көмек көрсету стандарттарымен айқындалады.

Клинические протоколы:

Қарсы көрсеткіштері

Әсер етуші затқа немесе қосымша заттардың кез келгеніне аса жоғары сезімталдық

Қауіпсіздік шаралары

Аллергиялық немесе анафилаксиялық реакцияға күмән туындаған жағдайда препарат енгізуді дереу тоқтатып, тиісті емдеуді бастау керек. Шок жағдайында шокқа қарсы емді қолданыстағы емдеу стандарттарына сәйкес бастау керек. Адам альбумині препаратын гиперволемия және оның салдары немесе гемодилюция пациент үшін айрықша қауіп төндіруі мүмкін жағдайларда сақтықпен қолдану керек. Препаратты енгізген кезде пациенттің электролиттерінің жай-күйін бақылау керек және электролиттердің теңгерімін қалпына келтіру немесе ұстап тұру үшін тиісті қадамдар жасау қажет. 200 г/л және 250 г/л концентрациядағы адам альбумині ерітіндісінің коллоидтық-осмостық әсері қан плазмасы үшін аталған көрсеткіштен шамамен төрт есе көп. Сондықтан альбуминнің концентрацияланған ерітіндісін енгізген кезде пациенттің талапқа сай гидратациясын қамтамасыз ету керек. Жүрек-қантамыр жүйесінің шамадан тыс жүктелуін және гипергидратациясын болдырмау үшін мұқият мониторинг қажет. 200 мг/мл және 250 мг/мл дозалы Адам альбумині препаратының ерітіндісінде 50 мг/мл дозалы ерітіндіге қарағанда электролиттердің мөлшері салыстырмалы түрде төмен, мұны электролиттік теңгерімді қалпына келтіру және ұстап тұру мақсатында ескерген жөн. Сұйықтықтың салыстырмалы түрде үлкен көлемінің орнын толтыру қажет болған кезде коагуляция параметрлерін және гематокритті бақылау қажет. Қанның басқа компоненттерін (қанның ұю факторлары, электролиттер, тромбоциттер және эритроциттер) талапқа сай алмастыруды қамтамасыз ету және гемодинамикалық көрсеткіштерді қатаң мониторингтеу қажет. Адам альбумині препаратын енгізу жылдамдығы инфузиялық ерітіндінің концентрациясын және гемодинамикалық көрсеткіштерді ескере отырып, таңдалуы тиіс. Егер инфузия жылдамдығы пациенттің жағдайына сәйкес келмесе, гиперволемия және өкпенің ісінуі дамуы мүмкін. Жүрек-тамыр жүйесі жүктемесінің алғашқы клиникалық белгілері (бас ауыру, ентігу, жарма веналарының ісінуі) пайда болған кезде, артериялық қысымның жоғарылауы, орталық веналық қысымның жоғарылауы кезінде немесе өкпе ісінуі дамығанда инфузияны дереу тоқтату керек. Адамның плазмасынан немесе қанынан өндірілген дәрілік препараттарды пайдалану салдарынан туындайтын инфекциялардың стандартты профилактикалық шаралары донорларды іріктеуді, жеке донорлық порциялар мен плазма пулдарын инфекцияның арнайы маркерлеріне скрининг жүргізуді, сондай-ақ өндіру процесінде вирустардың белсенділігін жою/жою тиімді шараларын қолдануды қамтиды. Осыған қарамастан, адамның қанынан немесе плазмасынан өндірілген дәрілік препараттарды енгізу кезінде инфекция қоздырғышының берілу мүмкіндігін толық жоққа шығаруға болмайды. Бұл сонымен қатар белгісіз немесе жаңа вирустар мен басқа қоздырғыштарға да қатысты.

Дәрілік заттармен өзара әрекеттесуі

Адам альбумині препаратының басқа дәрілік заттармен спецификалық өзара әрекеттесуі бойынша зерттеулер жүргізілген жоқ

Бүйрек жеткіліксіздігі

Доза коррекциясын қажет етпейді

Бауыр жеткіліксіздігі

Доза коррекциясын қажет етпейді

Жүктілік

Қолдануға тек ана үшін пайда ұрыққа төнетін ықтимал қауіптен басым жағдайда ғана жол беріледі

Емізу

Әсер ету тиімділігі мен қауіпсіздігі жайында ақпараттар жоқ болуына байланысты, сақтықпен қолдану қажет

Жағымсыз әсерлері

Құсу, жүрек айнуы, есекжем, бөртпе, қышыну, қалтырау, бас ауыру, дисгевзия, қызба миокард инфарктісі, жүрекшелер фибрилляциясы, тахикардия, гипотензия, өкпенің ісінуі, ентігу, анафилаксиялық реакция, аса жоғары сезімталдық / аллергиялық реакциялар.

Көрсеткіштері, қолдану тәсілі мен дозалары

Адам альбумині препаратының концентрациясы, дозасы және оны енгізу жылдамдығы пациенттің көрсетілімдері мен жағдайына сәйкес жеке таңдалады.

Енгізуге қажетті доза пациенттің дене салмағына, жарақаттың немесе аурудың ауырлығына және сұйықтық пен ақуыздың жалғасқан жоғалуына байланысты. Енгізугеқажетті доза плазмадағы альбумин концентрациясы негізінде емес, айналымдағы қан көлемінің талапқа сай деңгейін сипаттайтын көрсеткіштер негізінде айқындалады.

Адам альбумині препаратысұйылтылмаған немесе изотониялық ерітіндіде алдын ала сұйылтылған (5% декстроза ерітіндісі немесе 0,9% натрий хлориді ерітіндісі) күйінде вена ішіне енгізіледі.

Препаратты инъекцияға арналған сумен сұйылтуға болмайды, өйткені бұл реципиенттерде гемолизді туындатуы мүмкін.

Үлкен көлемді енгізер алдында препаратты бөлме температурасына немесе дене температурасына дейін жылыту керек.