B01A06 Бивалирудин (Bivalirudin)

Қолдану көрсеткіштері

Ацетилсалицил қышқылы және клопидогрелмен біріктірілімінде антикоагулянт ретінде:Науқастарда тері арқылы транслюминальді коронарлық араласу (ТТКА) жүргізу кезінде, соның ішінде ЭКГ-да ST сегменті көтерілуімен жедел миокард инфарктісі (ЖМИ) бар науқастарда біріншілік ТТКА жүргізу кезінде;Шұғыл немесе ертерек ТТКА көрсетілген, тұрақсыз стенокардиясы немесе ST сегменті жоғарылауынсыз ЖМИ бар ересек науқастарда.

Клинические протоколы:

Қарсы көрсеткіштері

Кез келген препарат компоненттеріне, сондай-ақ, гирудинге (сүліктерге) жоғары сезімталдық; белсенді қан кету немесе гемостаздың туа біткен немесе жүре пайда болған бұзылуларына байланысты қан кетулер қаупінің жоғарылауы; бақыланбайтын ауыр артериялық гипертензия; жеделдеу бактериялық эндокардит.

Қауіпсіздік шаралары

Емдеу кезінде пациенттер мұқият медициналық бақылауда болуы тиіс. Бета-брахитерапия және/немесе гамма-брахитерапия жүргізу кезіндегі пациенттерде сақтықпен қолдану. Бивалирудин дозаларын бірыңғай сорғалатып енгізу ұсынылмайды. Пайдаланылмаған қалдық препарат, сонымен бірге кез келген қолданылмаған немесе шығындық материал жылдам утилизациялануы қажет. Емдеу кезінде автокөлік немесе қауіптілігі жоғары механизмдерді басқаруда сақ болу керек.

Дәрілік заттармен өзара әрекеттесуі

I. Бірге енгізу немесе препараттарды көктамырға енгізуге арналған жүйені қолдану ұсынылмайды: алтеплаза, амиодарон гидрохлориді, амфотерицин В, хлорпромазин гидрохлориді, диазепам, прохлорперазин эдизилаты, ретеплаза, стрептокиназа және ванкомицин гидрохлориді.II. Бивалирудинмен сәйкестігі олардың концентрацияларына байланысты препараттар: прометазин гидрохлориді, фамотидин, галоперидол лактаты, лабетолол гидрохлориді, лоразепам, добутамин гидрохлориді.III. Антиагреганттармен немесе пероральді антикоагулянттармен бірге қолдану: геморрагиялық асқынулар қаупінің жоғарылауы.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Ауыр бүйрек жеткіліксіздігі бар (ШСЖ ‹ 30 мл/мин), сонымен қатар диализдегі пациенттерге қарсы көрсетілген.

Бауыр жеткіліксіздігі

Орташа немесе ауыр бауыр қызметі бұзылыстары бар пациенттерге қарсы көрсетілген.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Жиі: орналасуы әр түрлі елеусіз қан кетулер, гемоглобин концентрациясының төмендеуі; орналасуы әр түрлі маңызды қан кетулер (өліммен аяқталатын жағдайды қоса); қанталау және/немесе пункциясы орнында қан кету немесе гематомалар.Жиі емес: тромбоцитопения, анемия, жоғары сезімталдық реакциялары (анафилактикалық реакциялар және шокты, соның ішінде, өліммен аяқталатын жағдайларды қоса), орналасуы әр түрлі ауырсынулар, артериялық қысымның төмендеуі, өмірлік маңызды ағзалардан қан кету және қан құйылу; миокард инфарктісі, жүрек тампонадасы, коронарлық артериялар тромбозы, стенокардия, брадикардия, қарыншалық тахикардия, кеуде тұсының ауырсынуы, тромбоздар, коронарлық артерия стентінің тромбозын (өліммен аяқталатын жағдайларды қоса), катетерлерін қоса; артериовенозды фистула, қантамырлық псевдоаневризма, құсу, ентігу, есекжем, бөртпе, енгізу жеріндегі реакциялар (инъекция орнындағы жайсыздық және ауырсынуы), реперфузиялық зақымданулар (реперфузиялық қан ағысының баяулауы немесе оның болмауы), контузия.Өте сирек: "жаншылу" синдромы.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

18 жасқа дейінгі балаларға қарсы көрсетілген.