B01A01 Натрий гепарині¹ (Heparin)

Гепаринге жоғары сезімталдық, гепарин-индуцирленген тромбоцитопения, бақыланбайтын ауыр артериялық гипертензия,  пролиферациялық диабеттік ретинопатия, туберкулездің белсенді түрі, жедел және созылмалы лейкоз, апластикалық және гипопластикалық анемия. Ойық жара ауруының асқынуын, Крон ауруын, жедел немесе жеделдеу сепсистік эндокардитті қоса, оқшауланған немесе жергілікті қан кетулерге бейімділік, бассүйекішілік қан құйылулар немесе бас, мойын, көз, құлақ аймағына жасалған операциялар мен жарақаттар, сонымен қатар қуық асты безіне таяуда жүргізілген хирургиялық араласулар, жұлынға жасалған пункциядан кейінгі жағдай.

Бұлшықетке енгізуге болмайды! Гепаринді қолдану кезінде басқа дәрілік заттарды бұлшықет ішіне енгізуге және ағзаларға биопсия жүргізуге болмайды. Гепарин тек стационар жағдайларында, гемокоагуляция бақылауымен пайдаланылады. Гемокоагуляция мониторингі жүргізіледі: алғашқы 7 тәулікте - 2 тәулікте 1 реттен кем емес, ары қарай 3 тәулікте 1 рет; операциядан кейінгі кезеңнің бірінші күнінде - тәулігіне 2 реттен кем емес, 2 және 3-ші күндері-  тәулігіне 1 реттен кем емес. Ауыр геморрагиялық асқынулар және гепаринді жекелей көтере алмаушылық жағдайларын қоспағанда, гепарин дозасын біртіндеп, бір мезгілде әсері тікелей емес антикоагулянттарды тағайындау арқылы төмендету керек. Поливалентті аллергиядан (соның ішінде бронх демікпесінен), артериялық гипертензиядан зардап шегетін тұлғаларға, стоматологиялық манипуляцияларда, қант диабетінде, эндокардитте, перикардитте, жатырішілік контрацепция кезінде, белсенді туберкулезде, сәулелік емде, егде жастағыларға (60 жастан асқандар, әсіресе әйелдер) сақтықпен тағайындалады. Қант диабеті бар адамдарда гепаринді қабылдау гиперкалиемия дамуына алып келуі мүмкін. Көлік құралын немесе қауіптілігі жоғары механизмдерді басқарудан бас тартқан жөн.

Әсері тікелей және тікелей емес антикоагулянттар - гепарин әсерінің күшеюі.Тромбоциттер агрегациясын төмендететін заттар (ацетилсалицил қышқылы, декстрин, фенилбутазон, ибупрофен, метиндол, дипиридамол, гидроксихлорохин, фибринолитиктер, аскорбин қышқылы, қастауыш алкалоидтары, индометацин, сульфинпиразон, пробенецид, цефалоспориндер, кеторомолак, епопростинол, клопидогрел, тиклопидин, стрептокиназа, пенициллиндерді енгізу, этакрин қышқылы, цитостатиктер) - қан құйылу даму қаупіне байланысты бірге САҚТЫҚПЕН қолдану. Ульцерогенді және тромболитикалық препараттар, иммунодепрессанттар - қан құйылулар даму қаупі.Гистаминге қарсы препараттар, оймақгүл препараттары, тетрациклиндер, никотин, нитроглицерин, кортикотропин, тироксин - препараттың антикоагулянттық әсерінің әлсіреуі.ГЕПАРИН плазма ақуыздары байланысатын орындардан фенитоин, хинидин, пропранолол, бензодиазепиндер мен билирубинді ығыстыруы мүмкін.Сілтілік дәрілік заттар, энаприлат, трициклді антидепрессанттар - гепаринмен байланысуы мүмкін, бұл тиімділігінің өзара төмендеуіне әкеледі.ААФ тежегіштері, ангиотензин II антагонистері - гиперкалиемия дамуы мүмкін.Алкоголь - бір мезгілде пайдалану қан кетулер даму қаупін елеулі арттыруы мүмкін.

Қарсы көрсетілген.

Қарсы көрсетілген.

Қарсы көрсетілген, соның ішінде түсік қаупі кезіндегі, босану және босанудан кейінгі кезеңдегі әйелдерге. Гепарин қабылдаған жүкті әйелдердің босануы кезінде эпидуральді анестезия қарсы көрсетілген.

Қарсы көрсетілген. Гепарин ана сүтіне өтпейді, оны бала емізетін аналарға тағайындау жекелеген жағдайларда остеопороздың жылдам дамуын (2-4 апта ішінде) және омыртқа зақымдануын туындатқан.

Жиі: қан кету, I типті тромбоцитопения, трансаминазалар, гамма-GTЛДГ немесе липазалар деңгейінің жоғарылауы, тері астына енгізген кезде жергілікті тітіркену.Жиі емес: бөртпе, есекжем, қышыну, ұзақ терапиямен байланысты остеопороз.Сирек: көктамырлық немесе артериялық тромбоздармен бірге жүруі мүмкін II типті тромбоцитопения, плазмада калий деңгейін жоғарылатуға алып келетін гипоальдостеронизм, тері некрозы, эритема жағдайлары.

Көктамырға тамшылатып енгізеді. 3 жастан 6 жасқа дейінгі балаларға - тәулігіне 600 ХБ/кг; 6 жастан 15 жасқа дейінгі балаларға - тәулігіне 500 ХБ/кг ІБТУ бақылануымен. 3 жасқа дейінгі балаларға қарсы көрсетілген. Гепарин құрамында 10 мг/мл консервант - бензил спирті бар, сондықтан шала туылған немесе жаңадан туылған балаларға қарсы көрсетілген. Тромботикалық эпизодтарды емдеу. 35 аптаға дейінгі нәрестелерде гестациялық жас түзетуімен. Бастапқы доза - 50 бірлік / кг, содан кейін (үздіксіз көктамыр ішіне енгізу арқылы) 25 бірлік / кг / сағ, АЖТУ сәйкес түзетіледі. Жаңа туылған нәрестелер үшін бастапқы доза 75 бірлік / кг құрайды, содан кейін (үздіксіз көктамыр ішіне енгізу арқылы) 25 бірлік / кг / сағ, АЖТУсәйкес түзетіледі.1–11 айлық балалар. Бастапқы доза 75 бірлік / кг құрайды, содан кейін (үздіксіз көктамыр ішілік инфузиямен) 25 бірлік / кг / сағ, АЖТУ сәйкес түзетіледі.1-17 жастағы балалар үшін бастапқы доза 75 бірлік / кг құрайды, содан кейін (үздіксіз көктамыр ішіне енгізу арқылы) 20 дана / кг / сағат, АЖТУ сәйкес түзетіледі. Тері астына. Балалар күніне екі рет 250 бірлік / кг, АЖТУ сәйкес реттеледі.Тромботикалық эпизодтардың алдын-алу. Тері астына. Балаларға күніне екі рет 100 дана / кг (максималды мөлшер 5000 дана), АЖТУ сәйкес реттеледі.