L02BB04 Энзалутамид (Enzalutamide)
Қолдану көрсеткіштері
Химиялық емге клиникалық көрсетілім болмағанда андроген-депривациялық ем аясында үдеуі бар симптомдарсыз немесе орташа симптомдары бар пациенттердегі қуық асты безінің метастаздық кастрациялық-резистентті обырын емдеу. Ересек ерлердегі доцетаксел қамтылатын химиялық ем кезінде немесе одан кейін үдейтін қуық асты безінің метастаздық кастрациялық-резистентті обырын емдеу.Клиникалық хаттама: 1. Қуықасты безінің обыры
-
Клинические протоколы:
- Рак предстательной железы
Қарсы көрсеткіштері
Препараттың белсенді компонентіне немесе қосымша заттарына аса жоғары сезімталдық; препарат әйелдерде пайдалануға арналмаған.
Қауіпсіздік шаралары
Құрысу ұстамаларынан зардап шегетін немесе ми жарақаттары, инсульт, мидың біріншілік ісіктері немесе бас миына метастаздар, алкоголизм сияқты бейімдеу факторлары бар пациенттерде сақтықпен қолдану керек.
Дәрілік заттармен өзара әрекеттесуі
Ферменттердің күшті индукторы болып табылады және көптеген жиі қолданылатын дәрілік заттардың тиімділігін төмендетуі мүмкін, көптеген ферменттердің және тасымалдаушылардың синтезін арттырады, сондықтан ол тасымалдағыш немесе ферменттер субстраттары болып табылатын көптеген қарапайым дәрілік заттармен өзара әрекеттеседі. Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.
Бүйрек жеткіліксіздігі
Пациенттердің осы тобында энзалутамид әсері зерттелмегендіктен, ауыр бүйрек жеткіліксіздігі бар пациенттерге сақтықпен тағайындау керек.
Бауыр жеткіліксіздігі
Дәрілік заттардың жартылай шығарылу кезеңінің ұлғаюы бауырдың ауыр жеткіліксіздігі бар пациенттерде бақыланады, бұл құбылыстың клиникалық мәні белгісіз.
Жүктілік
Әйелдерде пайдалану қарсы көрсетілген.
Емізу
Әйелдерде пайдалану қарсы көрсетілген.
Жағымсыз әсерлері
Ең жиі жағымсыз реакцияларға астения/шаршағыштық, «құйылулар», бас ауыруы және гипертония жатады. Басқа да маңызды жағымсыз реакцияларға құлау, патологиялық емес сынулар, когнитивті бұзылыстар және нейтропения жатады. Құрысулар 0,4% пациенттерде байқалған.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.
Балаларда қолданылуы
18 жасқа дейінгі балаларға тиімділігі мен қауіпсіздігі туралы деректер жеткіліксіздігіне байланысты қарсы көрсетілген.