L01XC08 Панитумумаб (Panitumumab)

Панитумумабке немесе препарат құрамына кіретін кез келген басқа компонентке жоғары сезімталдық; интерстициальді пневмонит немесе өкпе фиброзы.

Препаратпен емдеуді ісікке қарсы препараттар тағайындау тәжірибесі бар дәрігер жүргізуі тиіс. Препаратпен емдеуді бастар алдында RAS (KRAS және NRAS) генінің жабайы типін растау керек. Мутация статусын анықтау KRAS (2, 3 және 4 экзондар) және NRAS (2,3 және 4 экзондар) мутациясын анықтауға арналған валидацияланған әдістемені пайдаланып, тәжірибелі зертханашы-дәрігерлер жүргізуі тиіс. Анамнезінде кератит, ойық жаралы кератит, өкпе аурулары бар пациенттерге сақтықпен тағайындау. Көлік құралын немесе басқа да қауіптілігі жоғары механизмдерді басқарудан бас тарту.

Иринотекан, фторпиримидиндер және кальций фолинаты (лейковорин) (ИФЛ режимі) негізіндегі химиотерапия режимі немесе бевацизумаб қамтылған химиотерапия режимімен препараттарды бірге тағайындау ұсынылмайды. KRAS ісігінің статусы нақтыланбаған немесе KRAS мутантты генімен сипатталатын мКРО (метастаздық колоректальді обыры) бар пациенттерге құрамында оксалиплатин бар химиотерапиямен біріктірілімде тағайындауға болмайды.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Қарсы көрсетілген.

Қарсы көрсетілген.

Өте жиі: паронихия, анемия, гипокалиемия, анорексия, гипомагниемия, ұйқысыздық, конъюнктивит, ентігу, жөтел, диарея, жүрек айнуы, құсу, іштің ауыруы, стоматит, іш қатуы, тері қышынуы, терінің құрғауы, терінің жарылуы, безеулі бөртпе, алопеция, арқаның ауыруы, жоғары қажығыштық, пирексия, астения, шырышты қабықтың қабынуы, шеткергі ісінулер.Жиі: пустулезді бөртпе, целлюлит, фолликулит, жергілікті инфекция, несеп шығару жолдарының инфекциялары, лейкопения, гипокалиемия, дегидратация, гипергликемия, гипофосфатемия, үрей, бас айналуы, бас ауыруы, холинергиялық синдром, блефарит, кірпік өсуінің күшеюі, көз жасының көп ағуы, көз алмасының гиперемиясы, көздің құрғауы, көздің қышынуы, көздің тітіркенуі, тахикардия, терең көктамырлар тромбозы, артериялық қысымның төмендеуі, артериялық қысымның жоғарылауы, "құйылулар", өкпе артерияларының эмболиясы, мұрыннан қан кету, ректальді қан кетулер, ауыз қуысы шырышының құрғауы, диспепсия, афтозды стоматит, хейлит, гастроэзофагеальді рефлюксті ауру, еріннің құрғауы, алақан-табанды эритродизестезия синдромы, тері ойық жарасы, терінің қабыршықтануы, гипертрихоз, онихоклазия, тырнақ аурулары, гипергидроз, дерматит, аяқ-қолдардың ауыруы, кеуденің ауыруы, ауырсыну, қалтырау.Сирек: көз инфекциялары, қабақ инфекциялары, көз қабағының тітіркенуі, кератит, цианоз, инфузиялық реакциялар, бронх түйілуі, мұрын шырышты қабығының құрғауы, ангионевроздық ісіну, гирсутизм, ішке қарай өскен тырнақ, онихолизис.Өте сирек: анафилактикалық реакциялар, ойық жаралы кератит, тері некрозы, Стивенс-Джонсон синдромы.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

18 жасқа дейінгі балаларға қарсы көрсетілген.