J07BG01 Внуково-32 штаммды құтырма вирусының ерекше антигені¹ (Rabies, inactivated, whole virus)

Экспозиция алдындағы иммунизация: анамнезінде вакцинаға немесе вакцина құрамына кіретін кез келген компонентке жоғары сезімталдық, жедел инфекциялық аурулар немесе созылмалы аурулардың өршуі (вакцинация сауыққаннан кейін 2 аптадан соң ерте емес уақытта жүргізіледі), асқынулар, соның ішінде вакцинаны енгізгеннен кейін дамыған жүйелі аллергиялық реакциялар.Экспозициядан кейінгі иммунизация: құтырма ауыруы кезінде өліммен аяқталу мүмкіндігін ескере отырып, экспозициядан кейінгі иммунизация үшін қарсы көрсетілімдер жоқ.

Бұл вакцинаны көктамыр ішіне енгізуге тыйым салынған! Вакцинаны енгізгенге дейін иненің қантамырға түспегеніне көз жеткізіңіз.

Иммунитеттің бұзылу жағдайлары және иммуносупрессанттар құтыруға қарсы вакцина енгізуге барабар жауапты дамытуға кедергі келтіруі мүмкін. Мұндай субъектілерде серологиялық жауапты бақылау ұсынылады, және қажет болған жағдайда қосымша дозаларды енгізу. Экспозициядан кейінгі иммунизация жүргізу кезінде бір мезгілде сіреспе анатоксинін және сіреспеге қарсы сарысуды қолдануға болады. Басқа вакциналарды енгізуде аралықты сақтаудың қажеттілігі жоқ. Басқа вакциналармен бір уақытта тағайындауда, вакциналарды әрқашан әр түрлі жерге және қарама-қарсы бөліктерге енгізу керек.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Экспозиция алдындағы иммунизация үшін тазартылған белсенділігі жойылған антирабиялық вакцина қарсы көрсетілген. Алдын алу иммунизациясы жүкті әйелдерге жүргізілмейді.

Бала емізетін әйелдерге алдын алу иммунизациясы жүргізілмейді.

Өте жиі: инъекция орнының ауырсынуы, миалгия, әлсіздік, қызба.Жиі: қызару, қышыну, енгізген жердің тығыздалуы, астения, қалтырау, бас ауыруы, бас айналуы, ұйқышылдық, іштің ауыруы, жүрек айнуы, артралгия.Сирек: инъекция орнының ісінуі, лимфаденопатия.Өте сирек: анафилактикалық реакциялар, есекжем, бөртпе, құрысулар, энцефалиттер, парестезия.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балалар. Тазартылған белсенділігі жойылған  құтыруға қарсы вакцина бірдей дозаларды пайдаланумен тағайындалады. Сәбилер және кішкентай балаларға вакцинаны санның алдыңғы-латеральді аймағына бұлшықет ішіне енгізу ұсынылады. Экспозиция алдындағы (алдын алу) вакцинация кезінде тазартылған белсенділігі жойылған антирабиялық вакцинаның (0,5 мл) 3 дозасын мына сызба бойынша тағайындайды: 0 күн (0К), 7 күн (7К), 21 күн (немесе 28). Ревакцинация (0,5 мл) алғашқы (алдын алу) вакцинациядан кейін 1 жылдан соң және әрі қарай әрбір 5 жыл сайын жүргізілуі тиіс. Иммунизацияланбаған пациенттер эссен сызбасы бойынша тазартылған белсенділігі жойылған антирабиялық вакцинаның 0,5 мл 5 дозасын 0К, 3К, 7К, 14К және 28К қолданады. Антирабиялық иммуноглобулин ауыр дәрежеде жара болған жағдайда (құтырманы жұқтыру қаупі бойынша ДДСҰ классификациясына сәйкес ІІІ категория) вакцинаның алғашқы дозасымен бір мезгілде қолданылуы тиіс. Халықаралық қабылданған антирабиялық иммуноглобулин дозалары мынадай: адам иммуноглобулині дене салмағына 20 ХБ/кг, жылқы иммуноглобулині дене салмағына 40 ХБ/кг.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.