J04A02 Натрий аминосалицилаты¹ (Sodium aminosalicylate)

Қолдану көрсеткіштері

Өкпе және өкпеден тыс мультирезистентті туберкулезді басқа туберкулезге қарсы препараттармен (IV санат) кешенді емдеуде.

Клинические протоколы:

Қарсы көрсеткіштері

Препаратқа немесе қосымша заттарға жоғары сезімталдық, асқыну фазасындағы жедел және созылмалы гепатит, нефрозонефрит, гломерулонефрит, амилоидоз, микседема, ІІ-ІІІ сатыдағы жүрек-қантамыр жеткіліксіздігі, ауыр атеросклероз, тромбофлебит, қан ұюының бұзылулары, тырыспа, асқазан және он екі елі ішектің ойық жаралы ауруы.

Қауіпсіздік шаралары

Аллергиялық көріністерде препаратты қабылдауды тоқтатып, десенсибилизациялайтын емді жүргізу керек. Емдеу кезінде қан, несеп пен бауырдың, бүйректің функциялық жағдайына зертханалық бақылау жүргізу қажет. Қалқанша бездің гипофункциясы бар науқастарға сақтықпен тағайындайды. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дәрілік заттармен өзара әрекеттесуі

Изониазид - концентрациясы жоғарылайды; рифампицин, эритромицин, линкомицин - сіңірілуі бұзылады және тиімділігі төмендейді; В12 дәрумені - анемия дамуы мүмкін; фолий қышқылы - сіңірілуі тежеледі.Ескерту: Мұнда кейбір маңызды дәрілік өзара әрекеттесулердің қысқаша сипаттамасы берілген. Өзара әрекеттесуі туралы ұсыныстар және қосымша ақпарат алу үшін дәрілік заттардың өзара әрекеттесулері туралы ақпарат көздеріне немесе дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Қарсы көрсетілген.

Бауыр жеткіліксіздігі

Гепатоуытты. Сақтықпен қолдану! Бұзылыстар пайда болғанда дозаны түзету қажет етіледі.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Артериялық қысымның ауытқулары, жүрек аймағының ауыруы, васкулит, бас айналу, бас ауыруы, лейкопения, протромбин синтезінің бұзылуы, тромбоцитопения, агранулоцитоз, эозинофилия, гемолитикалық анемияның дамуы, тәбеттің нашарлауы немесе жоғалуы, жүрек айнуы, құсу, іштің ауыруы, диарея немесе іш қату, метеоризм, бауыр және/немесе өт шығару жолдары функциясының бұзылуы, протромбин уақытының және бауыр трансаминазалары белсенділігінің артуы, оң жақ қабырға астында ауырудың пайда болуы және бауыр көлемінің ұлғаюы, бауыр энцефалопатиясы (сананың шатасуы, ұйқышылдық), сарғаю, гепатит, глюкозурия, кристаллурия, протеинурия, гематурия, буындардың ауыруы, бронх түйілуі, өкпедегі эозинофильді инфильтрат, демікпе құбылыстарын, гипертермияны, Леффлер синдромын қоса, асқын сезімталдық реакциялары, жоғары дозаларды қабылдағанда – антитиреоидты әсер, ұзақ қабылдағанда – зобогенді әсер, есекжем, пурпура, қызба, эозинофилия, энантема, демікпе құбылыстары, буындардың ауыруы (артралгия), сирек – анафилаксиялық шок, есекжем, пурпура, экзантема, эксфолиативті дерматит.Басқалары: плазмадағы калий концентрациясының және рН деңгейінің төмендеуі, D дәруменінің алмасуы бұзылуынан кальций және фосфор теңгерімінің бұзылуы, енгізу орнындағы өзгерістер, қызаруды, ауыруды, флебитті қоса.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Балаларға. Көктамыр ішіне тамшылатып, препаратты дене салмағына қарай 0,2 г/кг есебімен тағайындайды (баланың дене салмағының 1 кг – шамамен 6,5 мл 3 % ерітінді). 14 жасқа дейінгі балаларда қауіпсіздігі мен тиімділігі анықталмаған. Ішке, 18 жасқа дейінгі балаларға қарсы көрсетілген.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.