J01XA02 Тейкопланин (Teicoplanin)
Қолдану көрсеткіштері
Тері мен жұмсақ тіндердің асқынған инфекциялары; сүйек пен буындардың инфекциялары; аурухана ішілік және ауруханадан тыс пневмония; несеп шығару жолдарының асқынған инфекциялары; инфекциялық эндокардит; амбулатория жағдайында тұрақты перитонеальді диализге байланысты перитонит; жоғарыда аталған жай-күйлерге байланысты бактериемия. Қолдануға болатын жағдайларда жергілікті нұсқауларға сәйкес басқа бактерияға қарсы дәрілік заттармен біріктірілімде қолданылуы мүмкін.
Қарсы көрсеткіштері
Гликопептидтерге аса жоғары сезімталдық
Қауіпсіздік шаралары
• Ванкомицинге сезімталдық жоғары болғанда сақтықпен тағайындайды (айқаспалы аллергия болуы мүмкін). • Ұзақ емдеу және жоғары дозалармен емдеу бауыр, бүйрек, қан түзу, есту функцияларын ұдайы бақылап отыруды қажет етеді (әсіресе емнің бірінші айында және анамнезінде бұзылулар болғанда). • Препаратты қолданғанда отоуыттылық, қан түзу жүйесіне уыттылық, гепато- және нефроуыттылық әсері жағдайы туындауы мүмкін. • Ото-, нефро- және нейроуытты дәрілік заттармен (аминогликозидтер, колистин, амфотерицин В, циклоспорин, цисплатин, фуросемид және этакрин қышқылы) бір мезгілде қолдану ұсынылмайды.; қажет болғанда бүйрек және есту функциясына қайталап тексеру жүргізу керек. • Дәрілік затты балаларда қолданғанда қан плазмасында тейкопланин концентрациясын бақылап отыру қажет. • Ем қабылдау кезінде көлік құралдарын басқарудан және күрделі механизмдермен жұмыс істеуден тарту ұсынылады.
Дәрілік заттармен өзара әрекеттесуі
• Инъекция түріндегі аминогликозидтер - бір мезгілде қолдануға жол берілмейді. • Басқа да потенциальді нейроуытты және/немесе нефроуытты, және/немесе отоуытты дәрілік заттар (аминогликозидтер, амфотерицин В, циклоспорин, фуросемид, колистин, цисплатин, этакрин қышқылы) - бір мезгілде қолданғанда уытты әсері өзара күшеюі мүмкін.
Бүйрек жеткіліксіздігі
Бүйрек жеткіліксіздігі бар науқастарда доза түзету керек. Ұзақ емдеу және жоғары дозалармен емдеу бүйрек функциясын ұдайы бақылап отыруды қажет етеді
Бауыр жеткіліксіздігі
Ұзақ емдеу және жоғары дозалармен емдеу бауыр функциясын ұдайы бақылап отыруды қажет етеді
Жүктілік
Қарсы көрсетілген.
Емізу
Қарсы көрсетілген.
Жағымсыз әсерлері
Жиі: бөртпе, терінің гиперемиясы, қышыну; енгізу орнының ауырсынуы; дене температурасының жоғарылауы.Жиі емес: эозинофилия, лейкопения, тромбоцитопения; анафилаксиялық реакциялар; бас айналуы, бас ауыруы; кереңдік, естудің нашарлауы, құлақтағы шуыл; вестибулярлық бұзылулар; флебит; бронх түйілуі; диарея; құсу, жүрек айнуы; қан сарысуындағы креатинин деңгейінің жоғарылауы, трансаминазалар, сілтілік фосфатаза деңгейінің уақытша жоғарылауы.Сирек: абсцесс: «қызыл адам» синдромы.Жиілігі белгісіз: агранулоцитоз, нейтропения, анафилаксиялық шок, эпилепсия түріндегі ұстамалар, тромбофлебит, терінің уыттану некрозы, Стивенс-Джонсон синдромы, мультиформалы эритема, ангионевроздық ісіну, эксфолиативті дерматит, аллергиялық бөртпе, бүйрек жеткіліксіздігі (жедел түрді қоса), енгізу орнындағы абсцесс, қалтырау, суперинфекция (сезімтал емес микроорганизмдердің саны артуы).
Балаларда қолданылуы
Бұлшықет ішіне немесе көктамырға енгізу керек (3-5 минут бойы болюстік инъекция түрінде немесе 30 минут бойы инфузия түрінде). Балалар:12 жастан асқан балалар үшін ұсынылатын доза ересектерге тағайындалатынға ұқсас. Жаңа туған нәрестелер мен 2 айға дейінгі мен сәбилер үшін бір рет жүктеме доза бірінші күні к/і инфузия жолымен 16 мг/кг, демеуші доза – 8 мг/кг к/і инфузия жолымен күніне 1 ретті құрайды. 2 айдан 12 жасқа дейінгі балалар үшін бір рет жүктеме доза к/і әр 12 сағат сайын алғашқы 3 инъекция үшін 10 мг/кг құрайды, демеуші доза – 6 – 10 мг/кг к/і күніне 1 ретті құрайды.