Упадацитиниб (Upadacitinib)

Қолдану көрсеткіштері

Ревматоидты артрит
Псориаздық артрит
Аксиальдік спондилоартрит
Рентгенологиялық емес аксиальдік спондилоартрит (нр-аксСпА)
Атопиялық дерматит
Ойық жаралы колит
Крон ауруы.

Клинические протоколы:

Қарсы көрсеткіштері

Белсенді затқа немесе қосымша заттардың кез келгеніне жоғары сезімталдық.
Белсенді туберкулез (ТБ) немесе белсенді ауыр инфекциялар.
Бауыр функциясының ауыр жеткіліксіздігі.
Жүктілік.

Қауіпсіздік шаралары

Упадацитиниб пациенттердің келесі топтарында емдеудің басқа қолайлы нұсқалары болмаған жағдайда ғана қолданылу керек:
- 65 жастағы және одан асқан адамдар;
- анамнезінде жүректің ишемиялық ауруы немесе жүрек-қан тамырлары ауруларының басқа қауіп факторлары бар (мысалы, қазіргі кезде шылым шегетін немесе бұрын шеккен пациенттер) пациенттер;
- қатерлі жаңа түзілімдердіңқауіп факторлары бар (мысалы, қазіргі кезде немесе анамнезінде қатерлі ісіктің болуы) пациенттер.

Дәрілік заттармен өзара әрекеттесуі

Упадацитиниб негізінен CYP3A4 арқылы метаболизденеді. Демек, плазмадағы упадацитинибтің экспозициясына CYP3A4 қатты тежейтін немесе индукциялайтын дәрілік препараттар әсер етуі мүмкін.
CYP3A4 тежегіштерімен бірге қолдану
CYP3A4 күшті тежегіштерімен (мысалы, кетоконазол, итраконазол, позаконазол, вориконазол, кларитромицин және грейпфрут) бірге қолданғанда упадацитинибтің концентрациясының жоғарылауы байқалады. Клиникалық зерттеуде упадацитинибті кетоконазолмен бірге қолдану упадацитинибтің Cmax және AUC тиісінше 70% және 75%-ға ұлғаюына әкелді. CYP3A4 күшті тежегіштерімен ұзақ уақыт ем алатын пациенттерде упадацитинибтітәулігіне бір рет 15 мг дозада сақтықпен қолдану керек. CYP3A4 күшті тежегіштерімен ұзақ уақыт ем алатын, атопиялық дерматиті бар пациенттерде упадацитинибті тәулігіне бір рет 30 мг дозада қолдану ұсынылмайды. CYP3A4 күшті тежегіштерін қабылдайтын ойық жаралы колит немесе Крон ауруы бар пациенттер үшін ұсынылатын индукциялық доза тәулігіне бір рет 30 мг, ал ұсынылатын қолдау дозасы - тәулігіне бір рет 15 мг құрайды. Ұзақ мерзімді емдеу кезінде CYP3A4 күшті тежегіштеріне балама дәрілерді қарастыру қажет. Упадацитинибпенемдеу кезінде құрамында грейпфрут бар тағамдарды немесе сусындарды қабылдаудан аулақ болу керек.
CYP3A4 индукторларымен бірге қолдану
Упадацитинибті CYP3A4 қуатты индукторларымен (мысалы, рифампицин және фенитоин) бірге қолданғанда қан плазмасындағы упадацитиниб концентрациясының төмендеуі байқалады. Бірге қолдану упадацитинибтің емдік әсерінің төмендеуіне алып келуі мүмкін. Клиникалық зерттеуде упадацитинибті рифампициннің бірнеше дозаларынан кейін бірге қабылдау (CYP3A күшті индукторы) упадацитинибтің Cmax және AUC тиісінше шамамен 50% және 60%-ға төмендеуіне әкелді. УпадацитинибтіCYP3A4 қуатты индукторларымен бірге қолданған кезде пациенттерді денсаулық жағдайының өзгеруі тұрғысынан бақылау қажет.
Метотрексат және рН өзгертетін дәрілік заттар (мысалы, антацидтер немесе протон помпасының тежегіштері) упадацитинибтің плазмадағы концентрациясына әсер етпейді.

Бүйрек жеткіліксіздігі

Бүйрек функциясының жеңіл, орташа немесе ауыр дәрежедегі бұзылуы бар пациенттерге препарат дозасын түзету талап етілмейді. Бүйрек функциясының ауыр дәрежедегі жеткіліксіздігі бар пациенттерде упадацитинибті пайдалану туралы шектеулі деректер бар.
Упадацитинибті бүйректің ауыр дәрежелі жеткіліксіздігі бар пациенттерге сақтықпен қолдану керек. Бүйрек ауруының соңғы сатысындағы пациенттерде упадацитинибқолдануға зерттеулер жүргізілген жоқ, сондықтан оны пациенттердің осы тобына қолдану ұсынылмайды.

Бауыр жеткіліксіздігі

Бауыр функциясы ауырлық дәрежесі жеңіл (Чайлд-Пью шкаласы бойынша А класы) және орташа (Чайлд-Пью шкаласы бойынша В класы) бұзылған пациенттерге дозаны түзету талап етілмейді.
Упадацитинибті бауыр функциясының ауыр (Чайлд-Пью шкаласы бойынша С класы) бұзылуы бар пациенттерде қолдану ұсынылмайды.

Жүктілік

Упадацитинибті жүкті әйелдерге қолдану туралы деректер жоқ немесе шектеулі. Жануарларға жүргізілген зерттеулер оның ұрпақ өрбітуге уыттылығын көрсетті. Упадацитиниб егеуқұйрықтар мен үй қояндарында қолдануды зерттеу кезінде тератогендік әсер көрсетті, жатырға енгізген кезде егеуқұйрық ұрығының сүйектеріне әсер етті және үй қояны ұрығының жүрегіне әсер етті.
Упадацитинибті жүктілік кезінде қолдануға болмайды.
Упадацитиниб қабылдау аясында жүктілік басталған кезде ата-аналарға шарана үшін ықтимал қауіп туралы хабарлау керек.

Емізу

Упадацитиниб/метаболиттердің адамның емшек сүтіне енетіні белгісіз. Жануарларға жүргізілген зерттеулерде алынған фармакодинамикалық/токсикологиялық деректер упадацитинибтің емшек сүтіне бөлінетінін көрсетті.
Жаңа туған нәрестелер/сәбилер үшін қауіпті жоққа шығаруға болмайды.
Упадацитинибті бала емізген кезде қолдануға болмайды. Бала емізудің пайдасы мен анасы үшін терапияның пайдасын ескере отырып, бала емізуді тоқтату немесе упадацитинибпен емдеуді тоқтату туралы шешім қабылдау қажет.

Жағымсыз әсерлері

Жоғарғы тыныс жолдарының инфекциясы
Бронхит
Белдемелі герпес
Герпестік қызба
Фолликулит
Тұмау
Несеп шығару жолдарының инфекциясы
Пневмония Пероральді кандидоз
Дивертикулит
Сепсис
Терінің меланоциттік емес обыры
Анемия
Нейтропения
Лимфопения
Есекжем, Күрделі аса жоғары сезімталдық реакциялары
Гиперхолестеринемия
Гиперлипидемия, Гипертриглицеридемия
Жөтел
Іш аймағындағы ауырсыну
Жүрек айнуы
Асқазан-ішек жолдарының тесілуі
Акне
Бөртпе
Шаршағыштық
Дене температурасының жоғарылауы
Қандағы креатинфосфокиназа деңгейінің жоғарылауы
АЛТ жоғарылауы
АСТ жоғарылауы
Дене салмағының артуы
Бас ауыруы

Көрсеткіштері, қолдану тәсілі мен дозалары

Ревматоидты артрит, псориаздық артрит, аксиальдік спондилоартрит
Упадацитинибтің ұсынылатын дозасы күніне бір рет пероральді 15 мг құрайды.
16 апта емдегеннен кейін клиникалық жауап болмаған аксиальдік спондилоартриті бар пациенттерге емдеуді тоқтату мүмкіндігін қарастыру керек. Бастапқы ішінара жауап берген кейбір пациенттерде емді 16 аптадан астам жалғастырған кезде жағдайы жақсаруы мүмкін.
Атопиялық дерматит
Ересек пациенттер
Ересектерге арналған упадацитинибтің ұсынылатын дозасы әрбір нақты пациенттің ауру ағымының жеке ерекшеліктеріне байланысты тәулігіне бір рет 15 мг немесе 30 мг құрайды.
Тәулігіне бір рет 15 мг доза веналық тромбоэмболияның (ВТЭ), жүрек-қан тамырларының ауыр жағымсыз құбылыстары (АЖЖҚТҚ) және қатерлі жаңа түзілімдердің даму қаупі жоғары пациенттерге ұсынылады.
Тәулігіне бір рет 30 мг доза ауруы барысы ауыр пациенттер үшін, бірақ ВТЭ, АЖЖҚТҚ және қатерлі жаңа түзілімдер даму қаупі жоғары емес немесе тәулігіне бір рет 15 мг дозаға жауабы жеткіліксіз пациенттерге жарамды болуы мүмкін.
Тағайындау үшін ең төменгі тиімді доза қарастырылуы керек.

65 жастағы және одан асқан пациенттер үшін препараттың ұсынылатын дозасы - тәулігіне бір рет 15 мг құрайды.
Жасөспірімдер (12 жастан 17 жасқа дейін)
Дене салмағы кемінде 30 кг жасөспірімдерге арналған препараттың ұсынылатын дозасы тәулігіне бір рет 15 мг құрайды.
Топикалық терапиямен бірге қолдану
Упадацитинибтітопикалық глюкокортикоидты препараттармен бірге немесе монотерапияда қолдануға болады. Сезімтал тері аймақтарына (бет, мойын, гениталий терісі және интертригинозды аймақтар) жергілікті әсер ететін кальциневрин тежегіштерін қолдануға болады.
Емдеудің 12 аптасынан кейін терапевтік әсерге қол жеткізу фактісі байқалмаған пациенттерді емдеуді тоқтату мүмкіндігін қарастыру қажет.
Ойық жаралы колит
Индукциялық ем
Упадацитинибтің ұсынылатын индукциялық дозасы 8 апта бойы тәулігіне бір рет 45 мг құрайды. Емдеудің 8-ші аптасында оң терапиялық әсерге қол жеткізбеген пациенттерде тәулігіне бір рет 45 мг дозада тағы бір 8 апталық упадацитиниб курсын жүргізуге болады. Упадацитинибті емдеудің 16-шы аптасында терапевтік әсерге қол жеткізу фактісі байқалмаған пациенттерде тоқтату керек.
Демеуші ем
Упадацитинибтің ұсынылатын демеуші дозасы әр нақты пациенттің ауру ағымының жеке ерекшеліктеріне байланысты тәулігіне бір рет 15 мг немесе 30 мг құрайды.
ВТЭ, АЖЖҚТҚ және қатерлі жаңа түзілімдер даму қаупі жоғарыпациенттер үшін тәулігіне бір рет 15 мг доза ұсынылады.
Тәулігіне бір рет 30 мг доза, мысалы ауру ағымы ауыр немесе 16 апталық индукциялық ем курсы талап етілетін, бірақ ВТЭ, АЖЖҚТҚ және қатерлі жаңа түзілімдердің жоғары даму қаупі жоқ белгілі бір пациенттер үшін, сондай-ақ тәулігіне бір рет 15 мг дозаға жауабы жеткіліксіз пациенттер үшін жарамды болуы мүмкін.
Жауапты сақтау үшін ең төмен тиімді доза тағайындалуы тиіс.
65 жастағы және одан асқан жастағы пациенттер үшін ұсынылатын доза тәулігіне бір рет 15 мг құрайды.
Упадацитиниб еміне жауап берген пациенттерде кортикостероидтардың дозасын қолданыстағы клиникалық нұсқауларға сәйкес азайтуға және/немесе емдеуді тоқтатуға болады.
Крон ауруы
Индукциялық ем
Упадацитинибтің ұсынылатын индукциялық дозасы 12 апта бойы тәулігіне бір рет 45 мг құрайды. Бастапқы 12 апталық индукциялық курстан кейін оң терапиялық әсерге қол жеткізбеген пациенттерде тәулігіне бір рет 30 мг дозада тағы бір 12 апталық индукциялық курс жүргізу мүмкіндігін қарастыруға болады.Мұндай пациенттерде егер емдеудің 24 аптасынан кейін терапевтік әсерге қол жеткізу фактісі байқалмаса, упадацитинибті тоқтату керек.
Демеуші ем
Упадацитинибтің ұсынылатын демеуші дозасы әр нақты пациенттің ауру ағымының жеке ерекшеліктеріне байланысты тәулігіне бір рет 15 мг немесе 30 мг құрайды.
• ВТЭ, АЖЖҚТҚ және қатерлі жаңа түзілімдер даму қаупі жоғары пациенттер үшін тәулігіне бір рет 15 мг доза ұсынылады.
• Тәулігіне бір рет 30 мг доза ауру ағымы ауыр, бірақ ВТЭ, АЖЖҚТҚ және қатерлі жаңа түзілімдердің жоғары даму қаупі жоқ пациенттер үшін немесе тәулігіне бір рет 15 мг дозаға жауабы жеткіліксіз пациенттер үшін жарамды болуы мүмкін.
• Жауапты сақтау үшін ең төмен тиімді доза тағайындалуы тиіс.
65 жастағы және одан асқан жастағы пациенттер үшін ұсынылатын доза тәулігіне бір рет 15 мг құрайды.
Упадацитиниб еміне жауап берген пациенттерде кортикостероидтардың дозасын қолданыстағы клиникалық нұсқауларға сәйкес азайтуға және/немесе емдеуді тоқтатуға болады.

Балаларда қолданылуы

Жасөспірімдер (12 жастан 17 жасқа дейін)
Дене салмағы кемінде 30 кг жасөспірімдерге арналған препараттың ұсынылатын дозасы тәулігіне бір рет 15 мг құрайды.

Бөлімді таңдау

L04AA44 Упадацитиниб (Upadacitinib)